Filipitɔnŋ kiri 3:8 - Jɔ Biibili ki

⁸ Sɛli ki ra, finŋ bataa i míŋ gbɛ ǹʼtawɔ ɔ, Kirisa bi ki bira. Míŋ ńʼkaan-a finŋ pyɛ kiri bataa tɛ, ŋí i yìrì ji miŋ tu shinŋ sun jɛ ri i, nwɔma ŋí i ńʼŊuntiŋ Yesu Kirisa tɔ,

Filipitɔnŋ kiri 3:8 Iomraidhean Croise

Luki 1:43

Míŋ nkɛnŋ sa? Fɔ míŋ Ŋuntiŋ ki ɲiŋ ki i na po míŋ tɛ!

Luki 11:20

Nka a míŋ dumiŋ ji ɲinijɛ kiri kalikali-la Kirinŋ wɔ so ki wu, niŋ i ǹʼji-a tu Kirinŋ wɔ Masabi ki so ábɛɛ tɛ.

Yuhana 14:20

Niŋ shikaŋ, ábɛɛ ra ǹʼtɔ tu míŋ Tiŋ ki ru, ábɛɛ i ji míŋ nu, míŋ i ji ábɛɛ ru. »

Yuhana 14:7

A ábɛɛ míŋ tɔ, ábɛɛ ra míŋ Tiŋ ki tɔ. Nka kabi dɔnsaŋ ábɛɛ Tiŋ ki tɔ-i, á i Tiŋ ki ja. »

Yuhana 16:3

Kí a na niŋ bi kiri bataa ma ábɛɛ wu, sabu kí míŋ Tiŋ ki tɔ ja kì, kí míŋ yɛrima ki tɔ kì.

Yuhana 17:3

Ɲaninkulutɔnbi kɔbali ki i kaa, kí i ábɛɛ tɔ, tu ábɛɛ Kirinŋ tenŋ pe ki i, Kirinŋ sɛlɛsɛli ki, niŋ fa kí i míŋ Yesu Kirisa tɔ, ábɛɛ mínwɔ̀ cin-i.

Yuhana 17:8

sabu ábɛɛ wulu wɔ̀ri bi-i míŋ tɛ, míŋ niŋ kiri bi-i kí tɛ sɛbɛ, kí i bili yìrì ra, kí i ǹʼtɔ tu míŋ po ábɛɛ ru ncinŋ, kí i bili ǹʼna tu ábɛɛ kiri míŋ cin.

Yuhana 20:13

Mɛlɛkɛn kiri i nmari ranɔri : « Miŋ ŋuntan-a nfɛnŋ na, mari ki? » Nmari i kí rupwulu tu : « Kí míŋ Ŋuntiŋ ki po-i, míŋ dumiŋ ǹʼbomaŋ tɔ kí gbɛ kì. »

Yuhana 20:28

Toma i ntiŋ nupwulu tu : « Míŋ Ŋuntiŋ, niŋ fa mɔ́ɔ́n Kirinŋ ki! »

Mabikiri 20:24

Niŋ fa a fɔn na, míŋ ńʼyɛri ki ɲini ki ja-a finŋ tɔri kì. Míŋ tɔnnabi ki i, nwɔma ŋí i so ńʼwɔ baara ki rakɔ-i. Ŋuntiŋ Yesu awɔ cinŋ wɔ̀ biye-i míŋ gbɛsun, tu míŋ Kirinŋ wɔ shɔɔrinŋ ki Wulujii ki sunjo konaŋ ki bataa tɛ, míŋ i ninki shɛɛli-la. »

Ɔrɔmutɔnŋ kiri 8:18

Mɔ́ɔ́n jaka ɲaan ki tɛ, Kirinŋ a na nɔɔri wɔ̀ ji yibɛɛ wu, yibɔɔ dɔnsaŋ cɔɔri kiri ra so pyi-i niŋ wu kì.

Ɔrɔmutɔnŋ kiri 8:39

walima kirinpɔli la finŋ kiri, walima pwɔkulinŋ fɛ finŋ kiri, ŋì i ta bo Kirinŋ wɔ finŋ pomaan kwuru tɔri kiri bataa sun, nini tɔri tenŋ a so yibɛɛ po san-i Kirinŋ wɔ bidintɛbi ki ru kì, ŋì ninwɔ̀ ji-i yibɛɛ wu yi Ŋuntiŋ Yesu Kirisa baraka ra.

Korɛntitɔnŋ kiri (1) 2:2

sabu míŋ ǹʼbo wuru ńʼciiru, ńʼtu ŋì i míŋ tu ábɛɛ kanfɛ, ńʼtu míŋ a finŋ tɔri bi ábɛɛ tɛ Yesu Kirisa bi ki fa ntiŋ wɔ kpinkpi suu sun beŋ ki bantenŋ ciniŋ kì.

Korɛntitɔnŋ kiri (1) 9:10

Ŋì yibɛɛ konanmini ki wulu bi-a kì wa? Sɛli yɛ, niŋ bi-i yibɛɛ kiri bira, sabu ji kaantɔnŋ ki kakan-i ntiŋ i bili ǹʼna tu afinŋ a bilaŋ kila, bilanbwɔtɔnŋ ki i ǹʼtɔ tu afɔɔn lu bilaŋ ki ru sɛbɛ.

Korɛntitɔnŋ kiri (2) 4:4

Niŋ koŋ kiri bili-la Kirinŋ na kì, sabu ka juniɲa ka ŋununtiŋ ki, ninwɔ̀ i shitaanni ki i, ninki kí ciiru ɲakili kiri rala-i, nwɔma kí fa Kirinŋ wɔ Wulujii ki sarinŋ ki ja kì, niŋ Wulujii ki wɔ̀ i Kirisa nɔɔri ki ji-a, ninwɔ̀ i Kirinŋ ɲaan ki ji-a.

Korɛntitɔnŋ kiri (2) 4:6

Mìŋ Kirinŋ wɔ̀ ki ǹʼbi wuru tu manisarinŋ ki po mancinŋ ki faninmwuŋ, mìŋ tenŋ ki i manisarinŋ ki po-a yibɛɛ ciiru tɔnŋ kiri ra, nwɔma ǹʼwɔ nɔɔri sinaŋ wɔ̀ i Kirisa ra, yibɛɛ i niŋ tɔbi ki kila.

Galasitɔnŋ kiri 1:16

Niŋ ki ra, ŋì a Danshuru ki ji-i míŋ wu, nwɔma ŋí i niŋ Wulujii ki sunjo shiya tɔri kiri tɛ mani wɔ̀ ru, míŋ konanmini wɔ racinwulu sunsuu kili kì.

Efɛsitɔnŋ kiri 4:13

Niŋ ɲaan ki tɛ, yibɔɔ bilinabi ki fa yɔɔ Kirinŋ Danshuru ki tɔmaan ki bira, yibɛɛ bataa ra na ji tenŋ i, yi i kɔɔ, yi i ji koŋ nafaamaan ni i, miŋ tu Kirisa.

Filipitɔnŋ kiri 1:1

Míŋ Pooli fa Timote, yibɛɛ wɔ̀ri i Yesu Kirisa wɔ joŋ ni i, yibɛɛ i ka sɛbɛ ka wɔri ta-a Kirinŋ wɔ konanbi wɔlinŋ kiri bataa tɛ, nini wɔ̀ri i Filipi kili ki ra, kí i ji bili-la Yesu Kirisa ra, yi i ǹʼwɔri ta-ri bilinatɔnŋ kiri jɛntɔnŋ kiri fa arì jɛnpatɔnŋ kiri tɛ.

Filipitɔnŋ kiri 3:10

Míŋ i finŋ wɔ̀ ceeli-la, niŋ i kaa : ŋí i Kirisa tɔ, sotinbi wɔ̀ ntiŋ ŋmɛni-i, ŋí i niŋ tɔ, ŋí i ńʼwɔ lu kila ntiŋ wɔ ɲaanfɛkwulu ki ra, ŋí i ji ntiŋ bishi i, hali beŋ ki ra,

Filipitɔnŋ kiri 3:12

Míŋ ǹʼtɛ ŋí i ǹʼbi, ńʼtu míŋ so ǹʼdaŋ ki ra, walima ńʼtu míŋ nafaamaan i kì dɛ! Nka míŋ i faa ńʼwɔ bili ki ra, nwɔma ŋí i ńʼbanba, ŋí i jali ki kila, sabu Kirisa míŋ kila ji-i awɔ kɔ.

Filipitɔnŋ kiri 3:7

Míŋ wuru tɔnɔ kila-a niŋ bi kiri finŋ woo finŋ nu fɔlɔfɔlɔ, dɔnsaŋ, Yesu Kirisa bira, nini bataa ji-i bi tawɔ ri i, míŋ ɲaanna.

Timote (2) 4:6

Míŋ kɔniŋ ji-i miŋ tu saraka kɔnkɔlimaan Kirinŋ tɛ kɔ, míŋ po san waari ki so-i ka juniɲa ka ru.

Iburu kiri 3:14

A yibɛɛ yi banba tu yi gbɛbilimaŋ fɔɔmaan jɔnɔ ki sun, fɔ yi ta so ǹʼdaŋ ki ra, yibɛɛ ra ji Kirisa bi mashi ri i.

Pyɛɛri (1) 2:7

Niŋ ɲaan ki tɛ, ábɛɛ wɔ̀ri bili-i Yesu ra, ǹʼyɔ ábɛɛ gbɛ miŋ tu fu nɔnkɔnŋ sun kwɔ ɲaninkulutɔnŋ. Nka nwɔ̀ri bili ǹʼna kì, nini gbɛ : « Fu tantɔnŋ kiri arì kaan-a kwɔ wɔ̀ tɛ, ninki ji-i fu ki nɔnkɔnŋ sun kwɔ shɔɔrinŋ ki i »,

Pyɛɛri (2) 1:2

Kirinŋ ɲaanfɛfili fa shɔɔrinŋ mwɔɔnna wɔri á tɛ, Kirinŋ fa yi Ŋuntiŋ Yesu tɔmaan ki bira.

Pyɛɛri (2) 1:3

Finŋ wɔ̀ri ra ye yibɛɛ tɛ, yi i yɔɔ ɲaninkulutɔnbi ki ma Kirinŋ jɛŋ kɛmi ki wu, ǹʼwɔ sotinbi ki niŋ bataa wɔri-i yibɛɛ tɛ. Ŋì yibɛɛ dɔri-i a nɔɔri ki fa awɔ shɔɔrinŋ ki baraka ra, nwɔma yibɛɛ i a tɔka shɔ.

Pyɛɛri (2) 1:8

A ábɛɛ niŋ finŋ kiri mwɔɔnna kila, á i á kini yìrì ra, niŋ a tukulu ji ábɛɛ ra yibɛɛ Ŋuntiŋ Yesu Kirisa wɔ tɔbi ki ru.

Pyɛɛri (2) 3:18

Nka, á á banba, á i ǹʼbɛɛ bo-ri yibɛɛ Ŋuntiŋ fa yi Mwutɔnŋ Yesu Kirisa tɔbi ki fa ntiŋ wɔ shɔɔrinŋ ki sun. Nɔɔri ji ntiŋ wɔ dɔnsaŋ, niŋ fa waarinŋ bataa ru! Amiina!

Yuhana (1) 1:3

Niŋ ki ra, yibɛɛ nwɔ̀ ja-i, yi i nwɔ̀ rama, yibɛɛ i ninki sunjo-a ábɛɛ yɛrima kiri tɛ, nwɔma yibɛɛ fa ábɛɛ i ji tenŋ i. Yibɛɛ fa nwɔ̀ i yimaŋ fan, niŋ i Tiŋ Kirinŋ i, niŋ fa Danshuru wɔ̀ po-i Kirinŋ nu, Yesu Kirisa.

Yuhana (1) 2:19

Niŋ Kirisa ɲa kiri po-i yibɛɛ ru, nka sɛli ki ra, kí wuru yibɛɛ bɛɛ ri i kì, sabu a kí ji wuru yibɛɛ bɛɛ ri i, kí wuru-ra tu yibɛɛ fan. Kí po san-i yibɛɛ fan, nwɔma ŋì i tɔ, tu nwɔ̀ri fɔn yibɛɛ fan, tu nini bataa yibɛɛ bɛɛ ri i kì.

Yuhana (1) 5:20

Yibɛɛ ǹʼtɔ-i sɛbɛ tu Kirinŋ Danshuru ki na, ŋì i ɲakilitinbi wɔri yibɛɛ tɛ, nwɔma yi i Kirinŋ sɛlɛsɛli ki tɔ. Niŋ ɲaan ki tɛ, yibɛɛ fa Kirinŋ sɛlɛsɛli ki i yimaŋ fan, yi fa ǹʼDanshuru Yesu Kirisa i ji yimaŋ fan. Mìntiŋ ki i Kirinŋ sɛlɛsɛli ki i, niŋ fa ɲaninkulutɔnbi kɔbali ki i.