Filipitɔnŋ kiri 3:5 - Jɔ Biibili ki

⁵ Sabu, míŋ ji ki sunŋ fulupɔnɔtɔnŋ ki, kí míŋ sɔɔpeefɛ, ŋí i ji Isirayɛli nupo ki bɛɛ ɛ. Míŋ po-i Bɛnyamɛŋ wɔ konanbi ki ru, ŋí i ji Iburu sɛlɛsɛli yɛrima ki i. Ŋì i bo niŋ bataa sun, Yawutu kiri wɔ sariya ki kɛlintɛ, míŋ wuru Farinsiyɛnŋ ki bɛɛ ɛ.

Filipitɔnŋ kiri 3:5 Iomraidhean Croise

Yonasi 1:9

Ntiŋ i kí rupwulu : « Míŋ i Iburu u, ŋí i Ŋuntiŋ ki, kirinpɔlila Kirinŋ ki gbɛ-ri, ninwɔ̀ ki pwɔkulinŋ ki fa wɛɛlufinju ki po-i. »

Luki 1:59

Daŋ ki ji ki sunŋ fulupɔnɔtɔnŋ ki, kí i na ǹʼsɔɔpeefɛmaŋ ki ru. Kí i ji ǹʼtɛ arì i ǹʼtiŋ ki tɔ ki ye ǹʼna, nwɔ̀ i Jakaliya.

Luki 2:21

Daŋ ki ji ki sunŋ fulupɔnɔtɔnŋ ki so-i, kí i ǹʼsɔɔpeefɛ. Kí i ǹʼtɔ ki ye tu Yesu, miŋ tu mɛlɛkɛn ki ǹʼbi wuru ɲaan wɔ̀ tɛ, ǹʼciishi ki jɛŋ Mariyamu tɛ.

Luki 5:38

Niŋ na, dunfɛnŋ juuraŋ ki kakan-i foroko ŋunaŋ ni nu.

Mabikiri 22:3

« Míŋ i Yawutu u, nwɔ̀ ji-i Tarisi kili ki ra, Silisi sɔɔta ki ru, nka míŋ nakili-i Yerusalɛmu kwumaŋ. Míŋ ńʼwɔ kalinŋ ki bataa tan-i Gamaliyɛli gbɛ. Ninki míŋ kalika shɔ-i yibɛɛ tiŋ cɛɛnni kiri wɔ tagbɛ kiri bataa ra. Míŋ tɔnnabi ki bataa wuru Kirinŋ bi ki i, miŋ tu ǹʼyɔ ábɛɛ gbɛ ɲaan wɔ̀ tɛ jiŋ.

Mabikiri 23:6

Pooli ǹʼtɔ wuru tu kitikwurutoŋ ki kɛlinŋ tenŋ ki Sadusiyɛnŋ ni i, ǹʼkɛlinŋ tenŋ i ji Farinsiyɛnŋ ni i, niŋ na, ntiŋ i tu kí faninmwuŋ, ntiŋ i fali tu : « Ńʼtindaŋ ni, míŋ i Farinsiyɛnŋ i, ŋí i ji Farinsiyɛnŋ daŋ i. Yibɛɛ bili wɔ̀ tan-i ǹʼna tu konkwuu kiri ra ŋmɛni, niŋ ɲakilila ki i míŋ bo-a kiti ka ru kwumaŋ. »

Mabikiri 6:1

Niŋ waaci ki ru, bilinatɔnŋ kiri ŋuniŋ kpaa ki i na mwɔ, koŋ wɔ̀ri wuru Girɛkiwulu ki bi-a, nini i arì kaashi Iburuwulu bitɔnŋ kiri tɔ bi-ri. Kí tu koŋ a ɲakili tu-a arìbɔɔ kanimari kiri ra nufinŋ lu waari ki ru kì.

Ɔrɔmutɔnŋ kiri 11:1

Míŋ tu, Kirinŋ a kaan-a awɔ konanbi ki tɛ wa? Fyewu! Sabu míŋ yɛrima ki i Isirayɛlidaŋ ki bɛɛ ɛ, ŋì i po Bɛnyamɛŋ wɔ kanintɔnŋ ki ru. Míŋ i Aburahamu nupo ki bɛɛ ɛ.

Korɛntitɔnŋ kiri (2) 11:22

A kí ǹʼbi tu arìbɛɛ Iburu ri i, míŋ yɛrima ki i niŋ bɛɛ ɛ. A kí ǹʼbi tu arìbɛɛ Isirayɛlidaŋ ni i, míŋ yɛrima ki i niŋ bɛɛ ɛ. Á kí ǹʼbi tu arìbɛɛ Aburahamu nupo ri i, míŋ yɛrima ki i niŋ bɛɛ ɛ.