Filipitɔnŋ kiri 3:3 - Jɔ Biibili ki

³ Sabu, yibɛɛ wɔ̀ri i Kirinŋ gbɛ-a Ɲiniwɔlinŋ ki baraka ra, yibɛɛ kiri i kpeeri i, nwɔ̀ri sɔɔ-ɔ peefɛ sɛlɛsɛli ki ra. Yibɛɛ yi yɛri ragbɛ-a konanmini wɔ baara mamaan wu kì, nka Yesu Kirisa bi wɔ̀ ma-i yibɛɛ tɛ, yibɛɛ i yi ragbɛ-a niŋ wu.

Filipitɔnŋ kiri 3:3 Iomraidhean Croise

Ɔrɔmutɔnŋ kiri 1:9

Míŋ baara ki ma-a Kirinŋ wɔ̀ tɛ ńʼciiru tɔnŋ ki bataa wu, ŋí i ǹʼDanshuru ki Wulujii ki sunjo-ri, niŋ Kirinŋ ki i míŋ shɛɛri ki i, tu míŋ ńʼɲakili tu-a ábɛɛ bira ńʼwɔ rafɛ kiri bataa ru.

Ɔrɔmutɔnŋ kiri 15:17

Niŋ ki ra, míŋ a so ńʼyɛri ragbɛ-i ńʼwɔ Kirinŋ tɛ baara ki wu, Yesu Kirisa baraka ra.

Ɔrɔmutɔnŋ kiri 7:6

Dɔnsaŋ, Kirinŋ yibɛɛ mwu-i jonbi ki wu, sabu sariya wɔ̀ wuru yibɛɛ kɔli-la, yibɛɛ beeni-i niŋ kɛlintɛ. Niŋ ɲaan ki tɛ, yibɛɛ baara ki ma-a Kirinŋ tɛ, ŋì i kɛɲɛ Sariya sɛbɛmaan kiri wɔ ɲaan bwuumaan ki tɛ kili kì, nka yibɛɛ i Kirinŋ gbɛ-a ɲaan ŋunaŋ tɛ, Ɲiniwɔlinŋ ki baraka ra.

Ɔrɔmutɔnŋ kiri 8:15

Ábɛɛ ɲini wɔ̀ kila-i, niŋ i ɲini i, nwɔ̀ ábɛɛ ji-a joŋ ni i, á i kɛni-ni kì, nka Kirinŋ ɲini yɛ, nwɔ̀ i ábɛɛ ji-a Kirinŋ daŋ ni i, ninki i ncusun-a yibɛɛ i so fali-i yi ǹʼbi : « Baba, yibɛɛ tiŋ! »

Ɔrɔmutɔnŋ kiri 8:39

walima kirinpɔli la finŋ kiri, walima pwɔkulinŋ fɛ finŋ kiri, ŋì i ta bo Kirinŋ wɔ finŋ pomaan kwuru tɔri kiri bataa sun, nini tɔri tenŋ a so yibɛɛ po san-i Kirinŋ wɔ bidintɛbi ki ru kì, ŋì ninwɔ̀ ji-i yibɛɛ wu yi Ŋuntiŋ Yesu Kirisa baraka ra.

Ɔrɔmutɔnŋ kiri 9:6

Niŋ i ǹʼbi-a tu Kirinŋ awɔ tɔnwɔri ki rafaaka shɔ kì wa? Niŋ i kì dɛ! Sabu Isirayɛlitɔnŋ kiri bataa Isirayɛlidaŋ sɛlɛsɛli li i kì.

Korɛntitɔnŋ kiri (2) 11:18

Miŋ tu koŋ mwɔɔnna i arì yɛri ragbɛ-a, ŋì i kɛɲɛ konanmini wɔ maka ɲaan ki wu, niŋ ki ra, míŋ yɛrima ki a ńʼnagbɛ sɛbɛ kɛ!

Galasitɔnŋ kiri 5:25

Ɲiniwɔlinŋ ki ɲaninkulutɔnbi ki wɔri-i yibɛɛ tɛ, niŋ na, yi tiri kɛɲɛ ǹʼdintɛ bi ki wu.

Galasitɔnŋ kiri 6:16

Nwɔ̀ri i niŋ saa ki tiri-ra, míŋ tu Kirinŋ awɔ ɲaanfɛfili ki fa awɔ shɔɔrinŋ ki ma nini fa awɔ konanbi ki bataa tɛ, ninwɔ̀ i Isirayɛli i.

Efɛsitɔnŋ kiri 6:18

Á Kirinŋ nafɛ waarinŋ bataa ru Ɲiniwɔlinŋ ki wɔ sotinbi ki wu. Á fa yɛli niŋ na kì, á tu Kirinŋ nafɛ ki ra waarinŋ bataa ru, á i Kirinŋ nafɛ-ri Kirinŋ wɔ wɔlinŋ kiri bataa tɛ,

Filipitɔnŋ kiri 1:1

Míŋ Pooli fa Timote, yibɛɛ wɔ̀ri i Yesu Kirisa wɔ joŋ ni i, yibɛɛ i ka sɛbɛ ka wɔri ta-a Kirinŋ wɔ konanbi wɔlinŋ kiri bataa tɛ, nini wɔ̀ri i Filipi kili ki ra, kí i ji bili-la Yesu Kirisa ra, yi i ǹʼwɔri ta-ri bilinatɔnŋ kiri jɛntɔnŋ kiri fa arì jɛnpatɔnŋ kiri tɛ.

Filipitɔnŋ kiri 3:12

Míŋ ǹʼtɛ ŋí i ǹʼbi, ńʼtu míŋ so ǹʼdaŋ ki ra, walima ńʼtu míŋ nafaamaan i kì dɛ! Nka míŋ i faa ńʼwɔ bili ki ra, nwɔma ŋí i ńʼbanba, ŋí i jali ki kila, sabu Kirisa míŋ kila ji-i awɔ kɔ.

Filipitɔnŋ kiri 3:14

Míŋ i niŋ bili ki tan-a ńʼɲaniŋ i ji ńʼbili ŋuŋ ki ra, nwɔma ŋí i jali kila, Kirinŋ yibɛɛ dɔri-i ninwɔ̀ bira kirinpɔli ki ra Kirisa sababu ra.

Kɔlɔsitɔnŋ kiri 2:11

Ábɛɛ sɔɔ-ɔ peefɛ á fa mìntiŋ wɔ tenbi ki baraka ra. Konanmini gbɛ niŋ ma kì, nka Kirisa i sɔɔpeefɛrama wɔ̀ ceeli-la, niŋ yɛ, ninwɔ̀ kɔri ki i tu ábɛɛ po san á firi ki dintɛ bi jɛ kiri ru.

Yodasi 1:20

Nwɔ̀ i ábɛɛ, ńʼtindaŋ byii ri, ábɔɔ bilinabi ki cɛ sɔɔ-ɔ bilinabi wɔlinŋ wɔ̀ sun, á áwɔ ɲaninkulutɔnbi ki ma kɛɲɛ niŋ wu. Á i Kirinŋ nafɛ-ri Ɲiniwɔlinŋ ki wɔ so ki wu.