Filipitɔnŋ kiri 3:20 - Jɔ Biibili ki

²⁰ Nka, nwɔ̀ i yibɛɛ, yibɛɛ i kirinpɔlila Masabi ki daŋ ni i, yi i ji yi Mwutɔnŋ ki, Ŋuntiŋ Yesu Kirisa na ki sunsuu-ra, ntiŋ i po nmaŋ.

Filipitɔnŋ kiri 3:20 Iomraidhean Croise

Matiyu 19:21

Niŋ na, Yesu tu ntiŋ tɛ : « A miŋ ji ǹʼtɛ ŋi i nafaa, tiri, ŋi i ta nʼgbɛfɛfinŋ kiri bataa ju, ŋi i ǹʼjalinŋ ki lu gbɛwɔ ri tɛ. A miŋ niŋ ma, miŋ a nafulu mwɔɔnna bo nʼjɛŋ kirinpɔli ki ra. Niŋ kɔɔtɛ, ŋi i na ǹʼpa míŋ cɛfan. »

Luki 12:21

Niŋ kɔɔtɛ, Yesu tu : « Koŋ wɔ̀ i ka juniɲa ka ru nafulu ki rakɔli bo-a a yɛri dintɛ bi jɛ kiri bi tɛ, niŋ i faa nafulu dumiŋ ntiŋ gbɛ Kirinŋ wɔ ki ru kì, nintiŋ i ji-a ka ɲaan ka tɛ. »

Luki 14:14

A niŋ ma, miŋ a ji koŋ fɛrɛmaan a, sabu nini a so mɔɔn ki tɔ ki kila wɔri-i nʼtɛ kì. Miŋ i ta-a niŋ kila koŋ telimaan kiri ŋmɛni shikaŋ ki ru. »

Mabikiri 1:11

Niŋ shuru kiri tu : « Galiletiiri, nfɛnŋ na ábɛɛ tu-i ji faa kwumaŋ, á i kirinpɔlila shɛɛli-li? Yesu wɔ̀ fɛshi san-i ábɛɛ ra kaa, ntiŋ a a pwulu na jibi bɛɛ mìŋ ɲaan tenŋ ki tɛ, miŋ tu ábɛɛ ntiŋ tirira ki ja-i kirinpɔli ki ra ɲaan wɔ̀ tɛ. »

Korɛntitɔnŋ kiri (1) 1:7

Niŋ ki ra, ŋì i yibɛɛ tu Ŋuntiŋ Yesu Kirisa na shikaŋ ki sunsuu-ra, Kirinŋ i kafinŋ wɔ̀ri wɔri-ra awɔ shɔɔrinŋ ki baraka ra, niŋ tɔri dantenŋ waa ábɛɛ ra kì.

Korɛntitɔnŋ kiri (1) 15:48

Koŋ wɔ̀ po-i pwɔkulinŋ nu, niŋ nupo kiri bataa i niŋ sali. Koŋ wɔ̀ po-i kirinpɔli la, niŋ nupo kiri bataa ra na ji niŋ sali sɛbɛ.

Korɛntitɔnŋ kiri (2) 4:18

Niŋ ki ra, yibɛɛ ɲaniŋ finŋ ja wɔ kiri ra kì, nka yibɛɛ ɲaniŋ i finŋ jabali kiri ra. Finŋ wɔ̀ri i ja-a, nini bataa i kɔ-a, nka finŋ jabali kiri kɔ-a kì, nini i nmaŋ waarinŋ bataa ru.

Korɛntitɔnŋ kiri (2) 5:8

Yibɛɛ siratumaan yɛ waarinŋ bataa ru, ǹʼdi-i yibɛɛ tɛ yi i po san ka pwɔkulinŋ sun firi ka ru, yi i tiri kulu Ŋuntiŋ ki tɛ.

Galasitɔnŋ kiri 4:26

Nka Sara, ninwɔ̀ i cuunŋ Yerusalɛmu ki i, niŋ joŋ i kì. Ninki i yi bataa ɲiŋ ki i.

Efɛsitɔnŋ kiri 2:19

Niŋ ki ra, ábɛɛ jɛ ri fa kɛniŋ tɔri ru tiiri kili kì, nka ábɛɛ fa Kirinŋ wɔ konanbi wɔlinŋ ki ji-i, miŋ tu kɛniŋ tenŋ daŋ ni, Kirinŋ wɔ kanindaŋ ni.

Efɛsitɔnŋ kiri 2:6

Yibɛɛ fa Kirisa wɔ tenbi ki baraka ra, Kirinŋ yibɛɛ fa ntiŋ ŋmɛni-i yimaŋ fan, ŋì i yi sɔɔ yimaŋ fan kirinpɔlila mani narimaŋ kiri ru.

Filipitɔnŋ kiri 1:10

nwɔma á i so shɔɔrinŋ ki ɲaannashi-i, á i ji koŋ fɔɔmaan pɔlibali li i, fɔ ŋì i ta so Kirisa na shikaŋ ki sun,

Filipitɔnŋ kiri 1:27

A ǹʼji ɲaan finŋ woo finŋ tɛ, ábɛɛ kɔniŋ tiri kɛɲɛ Kirisa Wulujii ki wu, nwɔma a míŋ na ta ábɛɛ tɛ nmaŋ woo, walima a míŋ na ábɛɛ wulu lama woo, ábɛɛ banbamaan i ta kila, á fumaan i ji-i ɲakilila tenŋ wu, á i ye-ri ámaŋ tɛ bilinabi ki ŋununu kari ki ra, nwɔ̀ cɛ sɔɔ Wulujii ki sun.

Kɔlɔsitɔnŋ kiri 1:5

Ábɛɛ i niŋ ma-a, sabu gbɛbilimaŋ i ábɛɛ gbɛ Kirinŋ wɔ ki ru. Ábɛɛ niŋ gbɛbilimaŋ ki tɔ-i sɛli ki sunjomaan ki baraka ra, ninwɔ̀ i Wulujii ki i.

Tesalonikitɔnŋ kiri (1) 1:10

Niŋ fa tu ábɛɛ Kirinŋ Danshuru Yesu na ki sunsuu-ra, ŋì i po kirinpɔli ki ra, Kirinŋ ninwɔ̀ ŋmɛni po san-i konkwuu kiri kanfɛ, ŋì i yibɛɛ mwu-ni Kirinŋ wɔ tɔnkwulu naanna ki wu.

Tesalonikitɔnŋ kiri (1) 4:16

Sabu Ŋuntiŋ ki yɛrima ki a na jɛri po yiri kirinpɔli ki ra, fali wulu sinaŋ fa mɛlɛkɛn kiri ŋununtiŋ ki wulu sinaŋ wu, niŋ fa Kirinŋ wɔ bwuru shinwulu wu. A niŋ ma, nwɔ̀ri beeni-i, ŋì i kí tu Yesu wɔ bilinabi ki ru, nini a ŋmɛni ǹʼjɔnɔ.

Timote (2) 4:8

Kabi dɔnsaŋ, telibi jali ki bo-i míŋ jɛŋ juniɲa nakɔɔra shikaŋ ki ru. Ŋuntiŋ ki, ninwɔ̀ i kitikwurutɔnŋ telimaan ki i, niŋ a na niŋ wɔri míŋ tɛ. Ŋì a wɔri míŋ tenŋ tɛ kì, nka finŋ woo finŋ ǹʼna shikaŋ ki sunsuu-ra bidintɛbi wu, ŋì a na niŋ jali ki wɔri míŋ fa nini bataa tɛ.

Tite 2:13

ŋì i yi tu niŋ ŋununadibi jibi ki sunsuu-ra, ninwɔ̀ i Sotiŋ Kirinŋ, yibɛɛ Mwutɔnŋ Yesu Kirisa wɔ nɔɔri ki i.

Iburu kiri 12:22

Nka ábɛɛ á kpari-i tɔnŋ wɔ̀ tɛ, niŋ i Siyɔntɔnŋ ki i, Kirinŋ ɲaninkulutɔnŋ ki wɔ kili sinaŋ ki, ninwɔ̀ i kirinpɔlila Yerusalɛmu ki i, niŋ fa a ru mɛlɛkɛn mwɔɔnna mwɔɔnna kpaa tɔbali kiri.

Iburu kiri 9:28

Mìŋ ɲaan tenŋ ki tɛ, Kirisa a yɛri ki ji-i saraka kaan tenŋ pe, nwɔma ntiŋ i koŋ mwɔɔnna wɔ bijɛ ri shii shi. Ntiŋ na kaan fuluntɔnŋ ki a na ji bijɛ bi i kili kì, nka nwɔ̀ri i ntiŋ sunsuu-ra, nwɔma ntiŋ i na arì mwu, ntiŋ a na nini bira.

Jafinŋ ki 1:7

Á ǹʼshɛɛli! Ntiŋ a yiri loŋ kiri kanfɛ, konaŋ kiri bataa ra na ntiŋ ja, haali nwɔ̀ri ntiŋ bu-i tama ki ra, pwɔkulinŋ sun konaŋ ki bataa ra na ŋuntan ntiŋ bira. Aawe, ŋì i ji ninkunŋ! Amiina!