Filipitɔnŋ kiri 3:2 - Jɔ Biibili ki

² Á á yɛri paka tɔ bi kulinŋ matɔnŋ kiri kɛlina, nini wɔ̀ri i miŋ tu kwuu ri, kí i sɔɔpeefɛmaanna gbansanŋ ki ji-ri bi sinaŋ i.

Filipitɔnŋ kiri 3:2 Iomraidhean Croise

Matiyu 24:10

Niŋ waaci ki ru, koŋ mwɔɔnna a na bilinabi ki tonbo, kí i arì san arìmaŋ cɛfan, kí i arì yɛri bikwɔ arìmaŋ sun.

Matiyu 7:15

Á á yɛri cɔye cintɔnŋ purubitɔnŋ kiri ra, sabu kí ji na-a ábɛɛ tɛ, kí i arì yɛri ji-a saa ri sali, niŋ i faa kpalinŋ juumaan ni i ji-i.

Matiyu 7:6

Nwɔma kwuu kiri fa na arì pwulu yìrì i ábɛɛ ɲiin kì, á fa finŋ wɔlinŋ ki kee bo yìrì tɛ kì. Niŋ fa, nwɔma cɛ kiri fa na áwɔ ɲɔɔnniŋ kpaafuru kiri rushɛ shɛ de arì kanfɛ kì, á fa yìrì kee bo yìrì tɛ kì. »

Ɔrɔmutɔnŋ kiri 2:28

Konwɔtiŋ i a yɛri ji-a Yawutu u taanna bi kiri ra, nintiŋ Yawutu sɔbɛ kì. Sɔɔpeefɛ wɔ̀ i taanshɛ bo-a konanmini firi ki ra, niŋ sɔɔpeefɛ sɔbɛ ki i kì.

Korɛntitɔnŋ kiri (2) 11:13

Cindaŋ purubitɔnŋ ni yɛ, baara matɔnŋ kɛrimaan ni yɛ, kí i konaŋ ki fɔni-ni, kí i arì yɛri ji-a miŋ tu Kirisa wɔ cindaŋ ni i.

Galasitɔnŋ kiri 5:13

Ńʼtindaŋ ni, Kirinŋ ábɛɛ dɔri-i tu á tu á yɛrɛtɛ, nka á fa niŋ ji á dintɛ bi ri mamaanna i kì. Á á kaashi ki bidi á tɛ, á i ji ámaŋ tɛ baara matɔnŋ ni i.

Galasitɔnŋ kiri 5:15

Nka ábɛɛ jɔrɔkɔ ámaŋ cɛfan miŋ tu kpalinŋ ni, á i ámaŋ ɲiin-ni, niŋ fa á i ámaŋ nu-ni, niŋ na, á á yɛri cɔye ábɛɛ fa na kɔ ámaŋ na kì dɛ!

Galasitɔnŋ kiri 5:6

Sabu yibɛɛ wɔ̀ri bili-i Yesu Kirisa ra, nʼsɔɔpeefɛ woo, nʼsɔɔpeefɛ kì woo, niŋ bi sinaŋ i kì. Nwɔ̀ ki i bi sinaŋ ki i, niŋ i bilinabi i, nwɔ̀ i yibɛɛ po-a bi kiri ma sun bidintɛbi wu.

Filipitɔnŋ kiri 3:19

Niŋ koŋ kiri rakɔɔra a bɔni. Kí wula ki i kɔ́ɔ́ Kirinŋ ki i. Kí i arì ɲaankwunbi kiri ji-a arì yɛri ragbɛ bi ri i. Kí ɲakili ki bataa i ka juniɲa ka ru finŋ kiri bantenŋ sun.

Filipitɔnŋ kiri 3:3

Sabu, yibɛɛ wɔ̀ri i Kirinŋ gbɛ-a Ɲiniwɔlinŋ ki baraka ra, yibɛɛ kiri i kpeeri i, nwɔ̀ri sɔɔ-ɔ peefɛ sɛlɛsɛli ki ra. Yibɛɛ yi yɛri ragbɛ-a konanmini wɔ baara mamaan wu kì, nka Yesu Kirisa bi wɔ̀ ma-i yibɛɛ tɛ, yibɛɛ i yi ragbɛ-a niŋ wu.

Timote (1) 1:19

ŋi i nʼbanba, ŋi i tu bilinabi ki fa ciirufɔɔbi ki sun. Niŋ ciirufɔɔbi ki a mwu-i ǹʼbɛɛ ri wu, niŋ i ji sababu, kɔ́ɔ́ bilinabi ki i li.

Tite 1:16

Kí i arì yɛri ji-a Kirinŋ tɔtɔnŋ ni i, niŋ i faa kí mabi kiri i ǹʼji-ri tu niŋ sɛli i kì. Kí Kirinŋ dintɛ bi ri ma-a kì, kí bikwɔ-i Kirinŋ sun, niŋ ɲaan ki tɛ, kí so-a shɔɔrinŋ dantenŋ ma-i kì.

Pyɛɛri (2) 2:22

Wulusuntalinŋ wɔ̀ i ǹʼbi-a tu : « Kwuu ki a pwulu-i awɔ jɛkɔmaan ki sun », walima tu « cɛ ki wu kɔmaan ki a pwulu-i, ŋì i ta a nɔɔ-ɔ pɛri ki ru  », niŋ ji-i sɛli i kí sun.

Yodasi 1:4

Koŋ jɛ ri arì du de-i ábɛɛ kanfɛ, Kirinŋ wɔ wulu ki nwɔ̀ri haliki wulu bi-i fɔ waaci ŋmani na. Niŋ Kirinŋ jɛŋ kɛnibali kiri i yibɔɔ Kirinŋ ki wɔ shɔɔrinŋ ki shi rapwulu ji-a bi kulinŋ mamaanna a. Kí i arì kaan-na Yesu Kirisa tɛ, ninwɔ̀ i yibɛɛ Ŋununtiŋ ki fa yi Ŋuntiŋ tenŋ pe ki i.

Jafinŋ ki 2:9

Míŋ mɔɔn cɔɔri ki fa nʼwɔ gbɛwɔbi ki tɔ-i, nka niŋ fa a fɔn na, miŋ i nafulutiŋ i. Nwɔ̀ri i ǹʼbi-a tu arìbɛɛ Yawutu ri i, niŋ i faa sɛli dumiŋ i kì, nini i shitaanni wɔ konanbi i, míŋ kɔ́ɔ́ Kirinŋ tɔ li bi ki tɔ-i.

Jafinŋ ki 21:8

Nka kɛnintɔnŋ kiri fa bilinabali kiri fa bijɛmatɔnŋ kiri fa koŋ kilɛntɔnŋ kiri fa nankulinŋ kiri fa baatɔnŋ kiri fa pɛli tantɔnŋ kiri fa purubitɔnŋ kiri bataa, nini wɔ lu ki a ji kukuta sinaŋ tuutiŋ ki fa kiribitiŋ ki i, ninwɔ̀ i beŋ fuluntɔnŋ ki i. »

Jafinŋ ki 22:15

Nka, kwuu kiri, fa baatɔnŋ kiri, fa nankulinŋ kiri, fa koŋ kilɛntɔnŋ kiri, fa pɛli tantɔnŋ kiri, fa purubitɔnŋ kiri, fa puru ki di-i koŋ finŋ woo finŋ tɛ, nini bataa ra tu taanna.

Jafinŋ ki 3:9

Ǹʼshɛɛli, shitaanni wɔ konanbi wɔ̀ i puru ki bi-a tu arìbɛɛ Yawutu ri i, niŋ i faa kí Yawutu ri i kì, míŋ a bi wɔ̀ ma nini wu, niŋ i kaa : míŋ a kí karaba, kí i arì kwushiri miŋ fɛ, a niŋ ma, kí a ǹʼtɔ tu miŋ bidi míŋ tɛ.