Filipitɔnŋ kiri 3:19 - Jɔ Biibili ki

¹⁹ Niŋ koŋ kiri rakɔɔra a bɔni. Kí wula ki i kɔ́ɔ́ Kirinŋ ki i. Kí i arì ɲaankwunbi kiri ji-a arì yɛri ragbɛ bi ri i. Kí ɲakili ki bataa i ka juniɲa ka ru finŋ kiri bantenŋ sun.

Filipitɔnŋ kiri 3:19 Iomraidhean Croise

Matiyu 16:23

Yesu i a ɲaannupwulu, ntiŋ i jɛbi Pyɛɛri gbɛ tu : « Miŋ shitaanni kaa, nʼsan ńʼtɔntɛ, miŋ i míŋ ŋununlitɔnŋ i, sabu mɔɔn bi jaka ɲaan ki fa Kirinŋ wɔ ki tenŋ i kì, miŋ i nʼwɔ bi kiri ja-a konanmini wɔ jaka ɲaan na. »

Matiyu 25:41

Niŋ kɔɔtɛ, nwɔ̀ri i ntiŋ nɔrintɛ, masa ki a na ǹʼbi nini tɛ tu : ‹ Á á san míŋ ɲaanfɛ, ábɛɛ koŋ dankamaan kari! Á tiri tuu byibali ki ru, ninwɔ̀ ramɔni-i shitaanni fa awɔ mɛlɛkɛn kiri tɛ!

Luki 12:19

Niŋ kɔɔtɛ, míŋ a ǹʼbi ńʼyɛri tɛ : Sɔɔ, ŋi i nʼwɔ nufinŋ nu-ni, ŋi i nʼwɔ mwunufinŋ mwunu-ni, niŋ fa ŋi i nʼɲaannabyɛ-ri, sabu bilaŋ i miŋ kankantɛ, nwɔ̀ a miŋ nu po jiri mwɔɔnna. ›

Luki 16:19

Yesu i ka wulusuntalinŋ ka bi awɔ kalindaŋ kiri tɛ sɛbɛ : « Ka wuru nafulutiŋ sinaŋ bɛɛ ɛ. Ntiŋ wuru juulinŋ tɔtiŋ kpaafuru ri bo-a a sun, ntiŋ i nufinŋ jii nu-ni jibi woo jibi, niŋ fa ntiŋ i a ɲaannabyɛ-ri.

Luki 18:4

Mari ki i na cin niŋ tiri ki ra, kitikwurutɔnŋ ki nmari wɔ bi ki ɲaanpo-a kì, nka nmari i tu ntiŋ ɲaanfɛkwulu-la nmaŋ. Ǹʼna-i so waaci bɛɛ ru, kitikwurutɔnŋ ki i ǹʼbi a ciiru : ‹ Sɛli yɛ, míŋ kɛni-na Kirinŋ jɛŋ kì, ńʼdumiŋ koŋ gbɛ-a kì,

Ɔrɔmutɔnŋ kiri 16:18

Sabu niŋ koŋ kwuru kiri baara ma-a yibɛɛ Ŋuntiŋ Kirisa tɛ kì, duu arì cii kiri. Nwɔ̀ri finŋ mwɔɔnna tɔ-a bilinabi ki ru kì, kí i nini sunnɛɛn-na wulu jii kiri wu, niŋ fa wulu sunnɔni kiri wu.

Ɔrɔmutɔnŋ kiri 6:21

Ábɛɛ nafan danwɔ kila niŋ mabi kulinŋ kiri ru? Niŋ bi wɔ̀ri i ábɛɛ ɲaankwun-a jiŋ, sabu yìrì i na-a beŋ ki wu.

Korɛntitɔnŋ kiri (1) 3:3

A ɲaannajuubi ki fa fubalibi ki ji ábɛɛ faninmwuŋ, niŋ i ǹʼji-a tu ábɛɛ tiri-ra, á i ǹʼkɛɲɛ-ni á firi kiri dintɛ bi jɛ kiri wu miŋ tu ka juniɲa ka ru konaŋ kiri.

Korɛntitɔnŋ kiri (1) 5:2

Niŋ fa a fɔn na, ábɛɛ i ji faa á yɛri rakali-la! Niŋ bi ki kakan wuru-i niŋ i ábɛɛ ŋununshuuli, nwɔma konwɔtiŋ niŋ bijɛ ki ma-i, niŋ i kwɔ po san ábɛɛ kanfɛ.

Korɛntitɔnŋ kiri (1) 5:6

Ábɛɛ ragbɛ ŋuŋ ki shɔ kì dɛ! Ábɛɛ ǹʼtɔ tu lenfe pyaanŋ ki fani nusumaan mwɔɔnna bataa tuutuu-ra kì wa?

Korɛntitɔnŋ kiri (2) 11:12

Míŋ i baara ki ma-a ábɛɛ kanfɛ ɲaan wɔ̀ tɛ, míŋ a tu ǹʼma-a mìŋ ɲaan tenŋ ki tɛ, nwɔma nwɔ̀ri i ǹʼbi-a tu arìbɛɛ fa yibɛɛ fɔn baara kwuru tenŋ ma-a, daŋ i sɔɔ nini wɔ wulu kiri ra.

Korɛntitɔnŋ kiri (2) 11:15

Niŋ na, a shitaanni wɔ baara matɔnŋ kari arì rapwulu ji miŋ tu baara matɔnŋ telimaan ni i, niŋ kakan ŋì i bali yibɛɛ ra kì. Nka waaci rakɔɔra kiri ra, Kirinŋ i a na kí sali, ŋì i kɛɲɛ kɔ́ɔ́ bi kulinŋ mamaan kiri wu.

Galasitɔnŋ kiri 6:13

Sabu nwɔ̀ri i sɔɔpeefɛmaanna ki ji-a faan i, nini yɛrima kiri sariya ki rasɔɔ-ra kì. Nka kí i ǹʼbi-a tu ábɛɛ sɔɔpeefɛ, nwɔma arì i arì yɛri ragbɛ tu arìbɛɛ kiri ǹʼbi tu ábɛɛ sɔɔpeefɛ.

Filipitɔnŋ kiri 2:21

Koŋ pyɛ kiri bataa i arì miiri-ra arì yɛri bira, Kirisa bi ki kí san-a arì ɲaanna kì.

Kɔlɔsitɔnŋ kiri 3:2

Finŋ wɔ̀ri i Kirinŋ gbɛ cuunŋ, á nini bi ki bo á ciiru, á i pwɔkulinŋ sun finŋ kiri bi po san á ciiru.

Tesalonikitɔnŋ kiri (2) 1:9

Kɔ́ɔ́ ki a na ji ɲaanfɛkwulu kɔbali i. Kí i kalikali po san Ŋuntiŋ ki fa awɔ sotinbi ki nɔɔri ki fɛ.

Tesalonikitɔnŋ kiri (2) 2:12

Ǹʼma-i ninkunŋ, nwɔma koŋ wɔ̀ri bili sɛli ki ra kì, telibalibi ki i di kí tɛ, Kirinŋ wɔ kiti ki i fɛɛn nini bataa sun.

Tesalonikitɔnŋ kiri (2) 2:8

A niŋ a san nmaŋ, Koŋ jɛ ki ra a yɛri ji. Nka yibɛɛ Ŋuntiŋ Yesu a na ǹʼhaliki a tɔnŋ na faa wu, ntiŋ i ǹʼbi ki bataa kɔ a na ki sarinŋ ki wu.

Timote (1) 6:5

niŋ fa sɔsɔɔlinŋ kɔbali kiri wu ɲakili bali kiri faninmwuŋ. Niŋ koŋ kiri sɛli ki tɔ-a kili kì. Kí i Kirinŋ saa tirimaanna ki ji-a jalinŋ ceeli saa a.

Timote (2) 3:4

Kí i ji janfatiŋ ni fa yɛri dintɛ bi matiiri fa yɛriragbɛtɔnŋ sinaŋ ni i, nwɔ̀ri ɲaannabyɛ bi kiri di-i arì tɛ, kí i niŋ pari Kirinŋ wu.

Yakuba 4:16

Nka ábɛɛ niŋ bi-a kì dɛ! Ábɛɛ i á yɛri ragbɛ-a á ciiru bi kiri wu. Ŋi i nʼyɛri ragbɛ ninkunŋ, niŋ shɔ kì dɛ!

Pyɛɛri (2) 2:1

Cintɔnŋ purubitɔnŋ kiri wuru Isirayɛlidaŋ kiri kanfɛ ɲaan wɔ̀ tɛ, kalimɔɔ purubitɔnŋ ni a po ábɛɛ kanfɛ mìŋ ɲaan tenŋ ki tɛ. Kí a na arì radu de ábɛɛ kanfɛ, kalinŋ ni wu nwɔ̀ri i koŋ bo-a fɔni saa fa haliki saa sun, fɔ kí i arì kaan Ŋuntiŋ ki tɛ, ninwɔ̀ ki kí ŋunsan-i, niŋ i ji sababu kí i haliki jona.

Pyɛɛri (2) 2:13

Kí i bi kulinŋ wɔ̀ri ma-a, mìŋ bi kulinŋ kiri bishi ri a na ji kí sali ki i. Kí suunna nankulunbi ki ji-i arì dintɛ bi i. Kí bataa i koŋ nɔɔmaan ni i. Ŋì i kí tu niŋ ɲaan ki tɛ, kí i arì tɔɔn-na, kí i ta-ri arì bo-ri ábɛɛ sun áwɔ ɲaannabyɛ kiri ru, kí i ɲaankwunŋ bo-ri á sun.

Pyɛɛri (2) 2:3

Niŋ kalimɔɔ purubitɔnŋ kiri wɔ wari bi juuka jɛ ki a na ncusun kí i ábɛɛ ji jɔɔfinŋ ni i, arɔɔ koŋ sunnɛɛn wulu kiri wu. Kiti ki fɛɛn-ɛ kí sun fɔ waaci ŋmani nu kɔ, kí haliki bi ki i kí kpɛli-la.

Yodasi 1:10

Ka koŋ kari i finŋ wɔ̀ri ki-a, kí yìrì tɔ-a kì. Kí i arɔɔ bi kiri ma-a arì ŋununtɛ miŋ tu juunfinŋ ni, ninki i kí bo-ri arì haliki bi ki sun.

Yodasi 1:16

Niŋ koŋ kiri bi tɔri tɔ-a myɛɛnniŋ na wulu ciniŋ kì, finŋ tɔri tenŋ kí ɲaniŋ pyii-ra kì. Kí i tiri kɛɲɛ-a arì yɛri dintɛ bi kiri wu. Kí tɔnŋ na wulu ki bataa i yɛri ragbɛ wulu li i. Kí i konaŋ kiri gbɛ-a arì yɛri nafan bira.

Yodasi 1:4

Koŋ jɛ ri arì du de-i ábɛɛ kanfɛ, Kirinŋ wɔ wulu ki nwɔ̀ri haliki wulu bi-i fɔ waaci ŋmani na. Niŋ Kirinŋ jɛŋ kɛnibali kiri i yibɔɔ Kirinŋ ki wɔ shɔɔrinŋ ki shi rapwulu ji-a bi kulinŋ mamaanna a. Kí i arì kaan-na Yesu Kirisa tɛ, ninwɔ̀ i yibɛɛ Ŋununtiŋ ki fa yi Ŋuntiŋ tenŋ pe ki i.

Jafinŋ ki 18:7

Ŋì a yɛri ragbɛ-i, ŋì i awɔ kila mwɔɔnna ki jiisan ɲaan wɔ̀ tɛ, á niŋ bishi cɔɔri fa ɲaanfɛkwulu bili ǹʼsun, sabu ŋì ǹʼbi-i a ciiru tu : ‹ Míŋ masamariramaŋ sɔɔ-ɔ kwumaŋ. Míŋ kanimari kì. Míŋ a beŋ nasɔɔ fyewu kì. ›

Jafinŋ ki 19:20

Kpalinŋ ki i pa, niŋ fa cintɔnŋ purubitɔnŋ ki i pa, ninwɔ̀ wuru kabakobi kiri ma-a kpalinŋ ki ɲaanfɛ, ŋì i konaŋ kiri fɔni-ni, nwɔma kí i arì tu, kpalinŋ ki wɔ taanshɛ ki i bo arì ra, niŋ fa kí i ǹʼminiŋ ki gbɛ-ri. Kpalinŋ ki fa cintɔnŋ purubitɔnŋ ki ɲaninkulutɔnŋ ni i pa kee kukuta cuumaan tuutiŋ ki fa kiribitiŋ ki ru.

Jafinŋ ki 21:8

Nka kɛnintɔnŋ kiri fa bilinabali kiri fa bijɛmatɔnŋ kiri fa koŋ kilɛntɔnŋ kiri fa nankulinŋ kiri fa baatɔnŋ kiri fa pɛli tantɔnŋ kiri fa purubitɔnŋ kiri bataa, nini wɔ lu ki a ji kukuta sinaŋ tuutiŋ ki fa kiribitiŋ ki i, ninwɔ̀ i beŋ fuluntɔnŋ ki i. »

Jafinŋ ki 22:15

Nka, kwuu kiri, fa baatɔnŋ kiri, fa nankulinŋ kiri, fa koŋ kilɛntɔnŋ kiri, fa pɛli tantɔnŋ kiri, fa purubitɔnŋ kiri, fa puru ki di-i koŋ finŋ woo finŋ tɛ, nini bataa ra tu taanna.