Filipitɔnŋ kiri 3:15 - Jɔ Biibili ki

¹⁵ Yibɛɛ wɔ̀ri Kirisa wɔ saa ki ɲaantɔka shɔ-i, yibɛɛ bataa kakan-i yi ɲakilila ki i ji niŋ i. A ɲakilila tɔri ji ábɛɛ bɛɛ ri gbɛ ka mani ka bi sun, Kirinŋ yɛrima ki a ǹʼfɔɔ ábɛɛ tɛ.

Filipitɔnŋ kiri 3:15 Iomraidhean Croise

Matiyu 5:48

Á ji koŋ nafaamaan ni i, miŋ tu ábɛɛ Tiŋ Kirinŋ wɔ̀ i kirinpɔli ki ra niŋ nafaa ɲaan wɔ̀ tɛ. »

Luki 11:13

Ábɛɛ wɔ̀ri juu-u, a ábɛɛ ji finŋ shɔɔrinŋ tɔ-a, á i niŋ wɔri-ri á daŋ kiri tɛ, ábɛɛ Tiŋ wɔ̀ i kirinpɔli ki ra, niŋ a Ɲiniwɔlinŋ ki wɔri a rafɛtɔnŋ kiri tɛ, ŋì i fwuu ábɔɔ finŋ wɔrimaan kiri sun kì wa? »

Yuhana 6:45

Ǹʼsɛbɛ-i Kirinŋ wɔ cintɔnŋ kiri wɔ sɛbɛ ki ru tu : ‹ Kirinŋ a kí bataa kali. › Koŋ finŋ woo finŋ Tiŋ ki wɔ kalinŋ ki kila, ntiŋ i ǹʼnama, nintiŋ i na-a míŋ tɛ.

Yuhana 7:17

Konwɔtiŋ i ǹʼtɛ a i Kirinŋ dintɛ bi ki ma, ntiŋ a ǹʼtɔ mɔ́ɔ́n kalinŋ ki ru wulu kiri ra, a yìrì ji po-a Kirinŋ nu walima a yìrì ji po-a míŋ yɛrima ki ru.

Ɔrɔmutɔnŋ kiri 15:1

Yibɛɛ wɔ̀ri wɔ bilinabi ki faan ki gbɛ-i, yi ye yi tindaŋ bilinatɔnŋ ni tɛ, nwɔ̀ri wɔ bilinabi ki rakuru-i, yi i kɔ́ɔ́ baraka kurubi ki shii ki shi. Yi fa yi yɛri dintɛ bi ri ma-ni kì.

Korɛntitɔnŋ kiri (1) 14:20

Ńʼtindaŋ ni, á fa bi kiri shɛɛli miŋ tu tiraŋ ni kì. Nka nwɔ̀ i bijɛ ki i, á ji miŋ tu tiraŋ ni, nka bi shɛɛlika ɲaan ki tɛ, á ji bwuumaan ni i.

Korɛntitɔnŋ kiri (1) 2:6

Nka nwɔ̀ri tiri-i jɛŋ bilinabi ki ru kɔ, yibɔɔ waajulu ki i ɲakilitinbi i nini ɲaanna. Niŋ ɲakilitinbi ki fa juniɲa wɔ ki tenŋ i kì, ǹʼdumiŋ fa ka juniɲa ka ŋununtiŋ kiri wɔ ki tenŋ i sɛbɛ kì, niŋ ŋununtiŋ kiri bataa i kɔ-a.

Galasitɔnŋ kiri 5:10

Nka niŋ fa a fɔn na míŋ ɲakili sɔɔmaan yɛ ábɛɛ bira Ŋuntiŋ ki baraka ra, ńʼtu ábɛɛ ra saa tɔri shi kì. Nka koŋ woo koŋ i ábɛɛ fɔni-na, Kirinŋ a kiti ki fɛɛn nintiŋ sun.

Efɛsitɔnŋ kiri 1:17

Míŋ i ǹʼnafɛ-a Kirinŋ nɔɔritiŋ ki gbɛ, ninwɔ̀ i yibɛɛ Ŋuntiŋ Yesu Kirisa tiŋ ki i, tu ŋì ɲakilitinbi wɔri á tɛ, ŋì i a yɛri ji á wu, nwɔma á i ǹʼtɔka shɔ.

Kɔlɔsitɔnŋ kiri 1:28

Yibɛɛ i niŋ Kirisa ki bi ki sunjo-a, yi i konaŋ kiri bataa racin-ni, yi i kí kali-li ɲakilitinbi ki bataa wu, nwɔma konaŋ ki bataa tenŋ tenŋ i so ji-i koŋ nafaamaan ni i, Kirinŋ ɲaanfɛ Kirisa sababu ra.

Kɔlɔsitɔnŋ kiri 4:12

Epafirasi, ninwɔ̀ i ábɛɛ bɛɛ ɛ, niŋ i ábɛɛ co-a sɛbɛ. Yesu Kirisa tɛ baara matɔnŋ sɛlɛsɛli yɛ. Ntiŋ cɛrukɔli-i Kirinŋ nafɛ ki ra ábɛɛ tɛ waarinŋ bataa ru, nwɔma ábɛɛ i tu Kirinŋ wɔ saa ki sun, á i ta jɛŋ bilinabi ki ru, á i ji Kirinŋ dintɛ bi kiri tɛ bi bataa ra.

Tesalonikitɔnŋ kiri (1) 4:9

Ǹʼso koŋ i sɛbɛ tan wɔri ta ábɛɛ tɛ bilinatɔnŋ kiri wɔ maŋ bidintɛbi ki bi sun kili kì, sabu Kirinŋ yɛrima ki ábɛɛ kali-i niŋ na kɔ, tu á ámaŋ bidi ámaŋ tɛ.

Timote (2) 3:17

nwɔma Kirinŋ wɔ konanbi ki i nafaa, kí i baara shɔɔrinŋ kwuru ki bataa maka ɲaantɔ.

Iburu kiri 5:14

Nka bwuumaan kiri i nufinŋ sunfuru kiri nu-a, sabu kíbɛɛ arì yɛri kini-i, kí i so bi shɔɔrinŋ ki fa bi kulinŋ ki tɔ po san-i arìmaŋ nu.

Yuhana (1) 2:5

Konwɔtiŋ i ǹʼwɔ wulu ki po-a a saa tɛ, nintiŋ i ǹʼji-a tu Kirinŋ bidi afinŋ tɛ kusɛbɛ, yibɛɛ i ǹʼtɔ-a niŋ na, tu Kirinŋ ntiŋ fan.