Filipitɔnŋ kiri 3:13 - Jɔ Biibili ki

¹³ Míŋ tindaŋ ni, míŋ ǹʼtɛ ŋí i ǹʼbi, ńʼtu míŋ nafaamaan i kì dɛ! Nka míŋ i bi tenŋ ma-a : míŋ i ńʼɲakili san-a ńʼwɔ bi mamaan fwuudemaan kiri sun, ŋí i cɛɛn-ni ńʼfaan ki bataa wu ńʼjɛŋ bi kiri cɛfan.

Filipitɔnŋ kiri 3:13 Iomraidhean Croise

Luki 10:42

Nka konanmini i tɔnɔ kila-a bi tenŋ pe ru. Mariyamu ninki ɲaannashi-i, koŋ a so nwɔ̀ mwu san-i nmari wu kì. »

Luki 9:62

Yesu tu niŋ tɛ : « Nwɔ̀tiŋ i naanji kaannama ki tɔnpa-a kɔɔtɛ shɛɛli wu, nintiŋ a so ji-i baara matɔnŋ i Kirinŋ wɔ Masabi ki ru kì. »

Korɛntitɔnŋ kiri (2) 5:16

Niŋ ki ra, yibɛɛ koŋ tɔri tenŋ shɛɛli-la konanmini wɔ shɛɛlika ɲaan tɛ kili kì. Niŋ kɔri ki i tu, yibɛɛ konanmini kɔɔsun ki shɛɛli-la kili kì duu ntiŋ ciiru ki. Hali yibɛɛ ji wuru Kirisa bi ki shɛɛli-la kɔɔsun bi kiri ra fɔlɔ, dɔnsaŋ yibɛɛ ǹʼshɛɛli-la ninkunŋ kili kì.

Filipitɔnŋ kiri 2:12

Niŋ ki ra, míŋ tindaŋ byii ri, á Kirinŋ wɔ wulu ki pa tu, miŋ tu ábɛɛ ǹʼma-i waarinŋ bataa ru ɲaan wɔ̀ tɛ. Ŋì i míŋ tu ábɛɛ kanfɛ, ábɛɛ ǹʼwulu pa-i ɲaan wɔ̀ tɛ, dɔnsaŋ míŋ maŋ narimaan ki i tu ábɛɛ ra, á ji ǹʼwulupatiiri i, ŋì i fwuu niŋ sun. Á á mwu bi ki baara ki ma Kirinŋ jɛŋ kɛmi fa sɛrɛsɛri wu.

Filipitɔnŋ kiri 3:12

Míŋ ǹʼtɛ ŋí i ǹʼbi, ńʼtu míŋ so ǹʼdaŋ ki ra, walima ńʼtu míŋ nafaamaan i kì dɛ! Nka míŋ i faa ńʼwɔ bili ki ra, nwɔma ŋí i ńʼbanba, ŋí i jali ki kila, sabu Kirisa míŋ kila ji-i awɔ kɔ.

Filipitɔnŋ kiri 3:8

Sɛli ki ra, finŋ bataa i míŋ gbɛ ǹʼtawɔ ɔ, Kirisa bi ki bira. Míŋ ńʼkaan-a finŋ pyɛ kiri bataa tɛ, ŋí i yìrì ji miŋ tu shinŋ sun jɛ ri i, nwɔma ŋí i ńʼŊuntiŋ Yesu Kirisa tɔ,

Iburu kiri 6:1

Niŋ ki ra, yi fa tu Kirisa bi ki sun kalinŋ tɔnpa wulu kiri sun kì, nka yi ta jɛŋ kalinŋ ni wu, nwɔ̀ri ra yibɛɛ kɔɔ. Yi fa yi pwulu kalinŋ tɔnpa wulu kari sun kì. Niŋ kalinŋ wɔ̀ri i ǹʼbi-a tu koŋ kakan, ŋi i ntɔri bi nʼwɔ bi kulinŋ kiri ra, ŋi i bili Kirinŋ na,

Pyɛɛri (2) 3:8

Nka, á fa á ɲakili fɔni bi tenŋ ka tɛ kì, ńʼwɔ wɔshuru byii ri, á ǹʼtɔ tu : Ŋuntiŋ Kirinŋ ɲaanna, sunŋ tenŋ i miŋ tu jiri waatenŋ, jiri waatenŋ i ji miŋ tu sunŋ tenŋ.