Filipitɔnŋ kiri 3:12 - Jɔ Biibili ki

¹² Míŋ ǹʼtɛ ŋí i ǹʼbi, ńʼtu míŋ so ǹʼdaŋ ki ra, walima ńʼtu míŋ nafaamaan i kì dɛ! Nka míŋ i faa ńʼwɔ bili ki ra, nwɔma ŋí i ńʼbanba, ŋí i jali ki kila, sabu Kirisa míŋ kila ji-i awɔ kɔ.

Filipitɔnŋ kiri 3:12 Iomraidhean Croise

Matiyu 5:48

Á ji koŋ nafaamaan ni i, miŋ tu ábɛɛ Tiŋ Kirinŋ wɔ̀ i kirinpɔli ki ra niŋ nafaa ɲaan wɔ̀ tɛ. »

Mabikiri 9:15

Nka Ŋuntiŋ ki i ǹʼbi Ananiyasi tɛ tu : « Tiri, sabu míŋ koŋ ka ɲaannashi-i, tu ntiŋ i ji ńʼwɔ cinŋ matɔnŋ i. Ntiŋ i míŋ wulu bi shiya tɔri kiri fa arɔɔ masa kiri tɛ, niŋ fa Isirayɛli konanbi ki tɛ, kí i ńʼtɔ.

Ɔrɔmutɔnŋ kiri 8:39

walima kirinpɔli la finŋ kiri, walima pwɔkulinŋ fɛ finŋ kiri, ŋì i ta bo Kirinŋ wɔ finŋ pomaan kwuru tɔri kiri bataa sun, nini tɔri tenŋ a so yibɛɛ po san-i Kirinŋ wɔ bidintɛbi ki ru kì, ŋì ninwɔ̀ ji-i yibɛɛ wu yi Ŋuntiŋ Yesu Kirisa baraka ra.

Korɛntitɔnŋ kiri (1) 13:10

Nka a bi rafaamaan ki ja na waarinŋ wɔ̀ ru, bi rafaabali kiri ra kɔ.

Korɛntitɔnŋ kiri (1) 13:12

Dɔnsaŋ, yibɛɛ i finŋ wɔ̀ri ja-a, nini i miŋ tu koŋ finŋ miniŋ ja-a yɛrɛfɛri ru, nwɔ̀ jaka shɔ-a kì. Nka jibi bɛɛ, yi a na yìrì jaka shɔ fɛrifɛri. Dɔnsaŋ mɔ́ɔ́n bitɔbi ki rafaamaan i kì, nka jibi i jibi ru, míŋ a na finŋ bataa tɔka shɔ, miŋ tu Kirinŋ i míŋ tɔ-a ɲaan wɔ̀ tɛ.

Korɛntitɔnŋ kiri (1) 9:24

Ábɛɛ ǹʼtɔ-a tu manjanbili tanmaŋ ki ru, tu konaŋ bataa bili-la, nka tu koŋ tenŋ jali ki kila-a kì wa? Á bili, nwɔma á i jali ki kila.

Korɛntitɔnŋ kiri (2) 13:9

Hali yibɛɛ baraka ki ji kuru, a ábɛɛ baraka ki ja ji gbɛ bilinabi ki ru, niŋ i yibɛɛ ciirudi-a. Yibɔɔ Kirinŋ nafɛ ki i kaa tu ábɛɛ ji koŋ nafaamaan ni i.

Korɛntitɔnŋ kiri (2) 7:1

Míŋ tindaŋ byii ri, a Kirinŋ ji niŋ bi kiri tɔnŋ wɔri yibɛɛ tɛ, yi yi wu fɔɔ, yi i po san firi ki nɔɔbi kiri, fa ciiru tɔnŋ ki nɔɔbi kiri bataa ru, yi i yɔɔ fɔɔbi ki rafaa Kirinŋ jɛŋ kɛmi ki wu.

Galasitɔnŋ kiri 5:17

Sabu bi wɔ̀ri bidi Ɲiniwɔlinŋ ki tɛ kì, firi ki ɲaniŋ i po-a nini tɛ. Bi wɔ̀ri bidi-i firi ki tɛ, Ɲiniwɔlinŋ ki ɲaniŋ i po-a nini tɛ sɛbɛ kì. Yìrì i arìmaŋ kari-ra, nwɔma ábɛɛ i ǹʼtɛ á i nwɔ̀ ma, ábɛɛ fa so niŋ ma-i kì.

Efɛsitɔnŋ kiri 1:4

Ntiŋ baraka ra, Kirinŋ yibɛɛ ɲaannashi-i juniɲa namɔni ki jɛŋ, nwɔma yibɛɛ i ji wɔlinŋ pɔlibali li i, a ɲaanfɛ.

Efɛsitɔnŋ kiri 4:12

Ŋì niŋ bataa ma-i, nwɔma nini i ye Kirinŋ wɔ konanbi ki tɛ, kí i so ǹʼwɔ baara ki maka shɔ-i, ǹʼbɛɛ i bo Kirisa firi ki gbɛbi ki sun.

Filipitɔnŋ kiri 1:1

Míŋ Pooli fa Timote, yibɛɛ wɔ̀ri i Yesu Kirisa wɔ joŋ ni i, yibɛɛ i ka sɛbɛ ka wɔri ta-a Kirinŋ wɔ konanbi wɔlinŋ kiri bataa tɛ, nini wɔ̀ri i Filipi kili ki ra, kí i ji bili-la Yesu Kirisa ra, yi i ǹʼwɔri ta-ri bilinatɔnŋ kiri jɛntɔnŋ kiri fa arì jɛnpatɔnŋ kiri tɛ.

Filipitɔnŋ kiri 3:16

A ǹʼji ɲaan woo ɲaan tɛ, yibɛɛ so-i tumaŋ wɔ̀ ru, yi i yi banba, yi i tiri kɛɲɛ niŋ wu.

Filipitɔnŋ kiri 3:3

Sabu, yibɛɛ wɔ̀ri i Kirinŋ gbɛ-a Ɲiniwɔlinŋ ki baraka ra, yibɛɛ kiri i kpeeri i, nwɔ̀ri sɔɔ-ɔ peefɛ sɛlɛsɛli ki ra. Yibɛɛ yi yɛri ragbɛ-a konanmini wɔ baara mamaan wu kì, nka Yesu Kirisa bi wɔ̀ ma-i yibɛɛ tɛ, yibɛɛ i yi ragbɛ-a niŋ wu.

Filipitɔnŋ kiri 3:8

Sɛli ki ra, finŋ bataa i míŋ gbɛ ǹʼtawɔ ɔ, Kirisa bi ki bira. Míŋ ńʼkaan-a finŋ pyɛ kiri bataa tɛ, ŋí i yìrì ji miŋ tu shinŋ sun jɛ ri i, nwɔma ŋí i ńʼŊuntiŋ Yesu Kirisa tɔ,

Tesalonikitɔnŋ kiri (1) 5:15

Á á yɛri paka shɔ, koŋ tɔri tenŋ fa bijɛ kɔni sali bijɛ wu kì. Á ji shɔɔrinŋ matɔnŋ ni waarinŋ bataa ru, ámaŋ tɛ niŋ fa koŋ bataa tɛ.

Tesalonikitɔnŋ kiri (2) 2:13

Míŋ tindaŋ ni, yibɛɛ kɔniŋ kakan-i yi i coolinŋ wɔri-ri Kirinŋ tɛ waarinŋ bataa ru ábɛɛ bira, Ŋuntiŋ ki ábɛɛ wɔ̀ri bidi-i a tɛ, sabu Kirinŋ ábɛɛ ɲaannashi-i kabi fɔlɔfɔlɔ, nwɔma a i á mwu Ɲiniwɔlinŋ ki wɔ sotinbi ki baraka ra, ninwɔ̀ ábɛɛ wu fɔɔ-ɔ áwɔ bilinabi ki bira sɛli ki ra.

Timote (1) 5:10

Nmari kakan-i, nmari tɔ shɔɔrinŋ i ji a mabi kiri ru, nmari i a daŋ kiri rakilika shɔ-ri, nmari i ji jɛshimari shɔɔrinŋ i, nmari ji bilinatɔnŋ kiri kanŋ nawutɔnŋ i, nmari i yɛlinkɔni kiri sunmakwulupa-ri, nmari i bi shɔɔrinŋ kwuru ki bataa ma-ni.

Timote (1) 6:19

Niŋ ɲaan ki tɛ, kí a nafulu shɔɔrinŋ kɔbali lakɔli bo arì jɛŋ siri, nwɔma kí i ɲaninkulutɔnbi sɛlɛsɛli ki kila.

Iburu kiri 12:14

Á ɲaanfɛfili ceeli á fa koŋ bataa faninmwuŋ. Á i ji wɔlinŋ ni i. A wɔlɔnbi ki ji-i kì, koŋ tɔri tenŋ ɲaniŋ na tu Ŋuntiŋ ki ra kì.

Iburu kiri 12:23

Ábɛɛ á kpari-i Kirinŋ wɔ konanbi jɔnɔ ɲaannashimaan ki kwuru ki tɛ, nwɔ̀ri tɔ ki sɛbɛ-i kirinpɔli ki ru. Ábɛɛ á kpari-i Kirinŋ tɛ, nwɔ̀ a na kiti ki kwuru konaŋ ki bataa sun, á i ji á kpari koŋ telimaan kiri ɲini kiri tɛ, nwɔ̀ri wɔ baara ki rafaa.

Iburu kiri 13:21

tu niŋ Kirinŋ ki ye á tɛ, á i so shɔɔrinŋ kwuru ki bataa ma-i, nwɔma á i ǹʼdintɛ bi ki ma. Ŋì a dintɛ bi ki bo yi ciiru Yesu Kirisa baraka ra. Gbɛbi bili mìntiŋ sun waarinŋ bataa ru. Amiina!

Yakuba 3:2

Yibɛɛ bataa i fɔni-na mani mwɔɔnna nu, ɲaan mwɔɔnna tɛ. Konwɔtiŋ fɔni-na wulu lu kì, nintiŋ i koŋ nafaamaan a, nwɔ̀ a so a yɛri bataa pa-i a mabi kiri bataa ru.

Pyɛɛri (1) 5:10

Nka, a ábɛɛ ɲaanfɛkwulu bi kila waaci pyaanŋ nu, Kirinŋ wɔ̀ ki i shɔɔrinŋ ki bataa tiŋ ki i, ninki a na ábɛɛ mwu, ŋì i á kɔɔ, ŋì i á baraka ki gbɛ, á i tuka shɔ bilinabi ki ru. Mìŋ Kirinŋ ki ábɛɛ dɔri-i, nwɔma a i á de awɔ nɔɔri kɔbali ki ru Kirisa wɔ tenbi ki bira.

Pyɛɛri (2) 3:18

Nka, á á banba, á i ǹʼbɛɛ bo-ri yibɛɛ Ŋuntiŋ fa yi Mwutɔnŋ Yesu Kirisa tɔbi ki fa ntiŋ wɔ shɔɔrinŋ ki sun. Nɔɔri ji ntiŋ wɔ dɔnsaŋ, niŋ fa waarinŋ bataa ru! Amiina!