Filipitɔnŋ kiri 3:11 - Jɔ Biibili ki

¹¹ nwɔma a ǹʼji ɲaan woo ɲaan tɛ, míŋ yɛri ki i na ŋmɛni po san konkwuu kiri ru.

Filipitɔnŋ kiri 3:11 Iomraidhean Croise

Luki 14:14

A niŋ ma, miŋ a ji koŋ fɛrɛmaan a, sabu nini a so mɔɔn ki tɔ ki kila wɔri-i nʼtɛ kì. Miŋ i ta-a niŋ kila koŋ telimaan kiri ŋmɛni shikaŋ ki ru. »

Yuhana 11:24

Nmari i Yesu rupwulu tu : « Míŋ tɔ-i tu ntiŋ a ŋmɛni konkwuu kiri ŋmɛni shikaŋ ki ru jibi rakɔɔra ki sun kɛ. »

Mabikiri 23:6

Pooli ǹʼtɔ wuru tu kitikwurutoŋ ki kɛlinŋ tenŋ ki Sadusiyɛnŋ ni i, ǹʼkɛlinŋ tenŋ i ji Farinsiyɛnŋ ni i, niŋ na, ntiŋ i tu kí faninmwuŋ, ntiŋ i fali tu : « Ńʼtindaŋ ni, míŋ i Farinsiyɛnŋ i, ŋí i ji Farinsiyɛnŋ daŋ i. Yibɛɛ bili wɔ̀ tan-i ǹʼna tu konkwuu kiri ra ŋmɛni, niŋ ɲakilila ki i míŋ bo-a kiti ka ru kwumaŋ. »

Mabikiri 26:7

Yibɔɔ shiya bwununfuuli ki bataa sɔɔ ǹʼsun, tu niŋ tɔnwɔri ki a rafaa. Niŋ ki ra, kí i arì cɛrukɔli Kirinŋ gbɛ ki ra, kí i baara ki ma-ni ǹʼtɛ cii fa sunŋ. Masa Agiripa, míŋ bili-i mìŋ tɔnwɔri tenŋ ki na, niŋ fa a fɔn na, Yawutu kiri i kiti ki fɛɛn-ni míŋ sun.

Mabikiri 27:12

Niŋ kwuruntumaŋ ki shɔ-ri shii waari ki ru kì. Niŋ ki ra, kwurinŋ ki ru konaŋ kiri ru, koŋ mwɔɔnna i arì tu, tu kwurinŋ ki po san nmaŋ, a ǹʼji a so ma-i. Kí wuru ǹʼtɛ tu arì i arì banba, arì i tiri Fenikisi kili ki ra, arì i ta shii waari ki ma niŋ mani nu. Niŋ i Kɛrɛti kɛniŋ ki kwuruntumaŋ ki bɛɛ, nwɔ̀ ɲaannu pwulu ta-i sunfyirimwuŋ.

Ɔrɔmutɔnŋ kiri 11:14

nwɔma tɛnbi i de míŋ tindaŋ Yawutu kiri ru, niŋ i ji sababu, ǹʼbɛɛ ri i arì mwu.

Korɛntitɔnŋ kiri (1) 15:23

Nka niŋ firi kiri ŋmɛnibi ki a na ji san amaŋ jɛŋ ka ɲaan ka tɛ : Kirisa ji-i ǹʼjɔnɔ ki i, ntiŋ pwulu na waaci ki ru, nwɔ̀ri ji-i ntiŋ wɔ konanbi ki i, nini a ŋmɛni gban ntiŋ na.

Korɛntitɔnŋ kiri (1) 9:22

Nwɔ̀ri faan ki kuru-i bilinabi ki ru, míŋ ńʼyɛri ji-i miŋ tu mɔ́ɔ́n bilinabi ki faan ki a ji kuru nini sali, nwɔma ŋí i kí kila. Niŋ ɲaan ki tɛ, míŋ ńʼyɛri ji-i finŋ bataa a koŋ bataa gbɛ, nwɔma ŋí i ǹʼbɛɛ ri mwu san arɔɔ bijɛ kiri wu ɲaan bataa tɛ.

Korɛntitɔnŋ kiri (1) 9:27

Míŋ i ńʼfiri ki rusi-a, ŋí i ǹʼkulu ŋununfurubi wu, sabu míŋ kɛni-na tu Wulujii ki sunjomaan ki kɔɔtɛ koŋ pyɛ kiri tɛ, ńʼtu Kirinŋ fa na a kaan míŋ tɛ kì.

Korɛntitɔnŋ kiri (2) 11:3

Nka miŋ tu Awa ncusun-i myɛɛn ki i a fɔni awɔ daalinŋ ki wu ɲaan wɔ̀ tɛ, míŋ i kɛni-na, ńʼtu ábɛɛ fa na ncusun mìŋ ɲaan ki tɛ, ábɛɛ ɲakili kiri i rapwulu san áwɔ tirika shɔɔrinŋ ka fa áwɔ fɔɔbi ka sun Yesu Kirisa wɔ saa ki fan kì.

Tesalonikitɔnŋ kiri (1) 3:5

Míŋ waa-a ábɛɛ fyii ki pa-i ńʼna, niŋ ki ra, ŋí i Timote cin, tu niŋ i ta á shɛɛli, nwɔma ŋí i so ábɔɔ bilinabi ki ɲaantɔ-i. Míŋ wuru kɛni-na, ńʼtu shitaanni fa ji ábɛɛ sunnɛɛn-ɛ, ŋì i á fɔni, yibɔɔ yɛlinŋ ki i ji ǹʼtawɔ ɔ kì.

Tesalonikitɔnŋ kiri (2) 2:3

Á fa ncusun koŋ i á sunnɛɛn ɲaan tɔri tenŋ tɛ kì. Sabu Ŋuntiŋ ki a so na sun, konaŋ kiri ra arì kaan Kirinŋ tɛ sun, niŋ kɔɔtɛ, nwɔ̀ i dɔri-ra tu « Koŋ jɛ ki », ninwɔ̀ bo-i halikirama ki tɛ, niŋ i a yɛri ji.

Timote (2) 4:8

Kabi dɔnsaŋ, telibi jali ki bo-i míŋ jɛŋ juniɲa nakɔɔra shikaŋ ki ru. Ŋuntiŋ ki, ninwɔ̀ i kitikwurutɔnŋ telimaan ki i, niŋ a na niŋ wɔri míŋ tɛ. Ŋì a wɔri míŋ tenŋ tɛ kì, nka finŋ woo finŋ ǹʼna shikaŋ ki sunsuu-ra bidintɛbi wu, ŋì a na niŋ jali ki wɔri míŋ fa nini bataa tɛ.

Iburu kiri 11:35

mari kiri bɛɛ ri wɔ konkwuu ri ŋmɛni wɔri kí tɛ. Kí i ǹʼbɛɛ ri makwulujuu-u fɔ kí i kilɛn, kí arì tu koŋ i arì mwu kì, sabu kí wuru finŋ ceeli-la nwɔ̀ pari-i, ninwɔ̀ konkwuu kiri ŋmɛnibi ki i.

Jafinŋ ki 20:5

Niŋ i konkwuu kiri ŋmɛnibi jɔnɔ ki i Kirinŋ gbɛ. Konkwuu pyɛ kiri ŋmɛni-na niŋ i sun kì, nini a na ŋmɛni jiri waatenŋ ka rafaamaan ki kɔɔtɛ.