Filipitɔnŋ kiri 3:10 - Jɔ Biibili ki

¹⁰ Míŋ i finŋ wɔ̀ ceeli-la, niŋ i kaa : ŋí i Kirisa tɔ, sotinbi wɔ̀ ntiŋ ŋmɛni-i, ŋí i niŋ tɔ, ŋí i ńʼwɔ lu kila ntiŋ wɔ ɲaanfɛkwulu ki ra, ŋí i ji ntiŋ bishi i, hali beŋ ki ra,

Filipitɔnŋ kiri 3:10 Iomraidhean Croise

Matiyu 20:23

Yesu i kí rupwulu tu : « Sɛli yɛ, ábɛɛ ra mɔ́ɔ́n cɔɔri ki bishi kwun á ru, nka nwɔ̀ i míŋ pantɛ walima míŋ nɔrintɛ sɔɔbi ki i, míŋ niŋ wɔrɔtɔnŋ ki i kì. Niŋ sɔɔmaŋ kiri ra wɔri kpeeri tɛ, míŋ Tiŋ ki yìrì ramɔni sɔɔ-ɔ nwɔ̀ri jɛŋ. »

Yuhana 10:18

Koŋ tɔri tenŋ so-a míŋ ɲini ki mwu-i kì, nka mínki yɛrima ki i ǹʼwɔri-ra, sabu so i míŋ gbɛ, ŋí i ńʼɲini ki wɔri, niŋ fa ŋí i ńʼpwulu, ŋí i ǹʼmwu. Míŋ nwɔ̀ kila-i Tiŋ ki gbɛ, niŋ i niŋ i. »

Yuhana 17:3

Ɲaninkulutɔnbi kɔbali ki i kaa, kí i ábɛɛ tɔ, tu ábɛɛ Kirinŋ tenŋ pe ki i, Kirinŋ sɛlɛsɛli ki, niŋ fa kí i míŋ Yesu Kirisa tɔ, ábɛɛ mínwɔ̀ cin-i.

Ɔrɔmutɔnŋ kiri 8:17

A yibɛɛ ji ǹʼdaŋ ni i, yibɛɛ i ǹʼkanishitɔnŋ ni i sɛbɛ. Yibɛɛ i Kirinŋ kanishitiiri i, yi fa Kirisa i ji kanishishi ri i, sabu a yibɛɛ ji cɔɔri Kirisa fan, yibɛɛ fa ntiŋ a nɔɔri ki kila yimaŋ fan sɛbɛ.

Ɔrɔmutɔnŋ kiri 8:29

Kirinŋ nwɔ̀ri ɲaannashi-i kabi juniɲa cɛtu ki jɛŋ, ǹʼfani ǹʼgbɛbili wuru mìŋ waarinŋ ki ru tu nini a ji a Danshuru ki sali. Niŋ ɲaan ki tɛ, a Danshuru ki i ji daŋ jɔnɔ ɔ, pwaŋ mwɔɔnna i nwɔ̀ ra.

Ɔrɔmutɔnŋ kiri 8:36

Miŋ tu ǹʼsɛbɛ-i Kirinŋ wɔ wulu ki ru ɲaan wɔ̀ tɛ, tu : « Kí i yibɛɛ kilɛn-a jibi woo jibi ábɛɛ bira. Yibɛɛ ji-i miŋ tu kí saa wɔ̀ri bo-i kilɛnmaanna tɛ. »

Korɛntitɔnŋ kiri (2) 1:10

Mìnki yibɛɛ mwu san-i niŋ beŋ jɛ ki wu, ŋì i ji-a yi mwu sɛbɛ. Sɛli ki ra, yibɛɛ ɲakili i ǹʼna, tu ŋì a yibɛɛ mwu waarinŋ tɔri ru sɛbɛ,

Korɛntitɔnŋ kiri (2) 1:5

Yibɛɛ i cɔɔri-ra ǹʼmwɔɔnna Kirisa bi ki ra ɲaan wɔ̀ tɛ, mìŋ ɲaan tenŋ ki tɛ, yibɛɛ i ǹʼwɔ siratubi ki ja-a yɔɔ ɲaninkulutɔnbi ki ru.

Korɛntitɔnŋ kiri (2) 13:4

Sɛli yɛ, Kirisa kpinkpi-i suu ki sun waarinŋ wɔ̀ ru, so wuru ntiŋ gbɛ kì, nka ntiŋ ŋmɛni-i, dɔnsaŋ ntiŋ ɲaninkulutɔnŋ yɛ Kirinŋ wɔ sotinbi ki baraka ra. Mìŋ ɲaan tenŋ ki tɛ, yibɛɛ i baraka bali li i Kirisa sali, nka yibɛɛ i ǹʼji-a ábɛɛ wu tu yibɛɛ fa ntiŋ ɲaninkulutɔnŋ ni i, niŋ fa tu yibɛɛ baara ki ma-a ábɛɛ kanfɛ Kirinŋ wɔ sotinbi ki baraka ra.

Galasitɔnŋ kiri 2:20

Ábɛɛ i míŋ ja-a ɲaninkulutɔnbi wɔ̀ ru, á ǹʼtɔ tu mɔ́ɔ́n i kì, nka tu Kirisa wɔ ɲaninkulutɔnbi ki míŋ nu. Míŋ i niŋ ma-a Kirinŋ Danshuru ki ra bilinabi ki baraka ra. Mìntiŋ ki míŋ bidi-i a tɛ, ntiŋ i a yɛri wɔri beŋ ki tɛ míŋ bira.

Galasitɔnŋ kiri 6:17

Niŋ ki ra, ŋì i san jiŋ na, koŋ tɔri tenŋ fa ńʼcɔɔri kili kì, sabu tafatari ri i míŋ firi ki sun Yesu Kirisa bira.

Efɛsitɔnŋ kiri 4:13

Niŋ ɲaan ki tɛ, yibɔɔ bilinabi ki fa yɔɔ Kirinŋ Danshuru ki tɔmaan ki bira, yibɛɛ bataa ra na ji tenŋ i, yi i kɔɔ, yi i ji koŋ nafaamaan ni i, miŋ tu Kirisa.

Filipitɔnŋ kiri 3:8

Sɛli ki ra, finŋ bataa i míŋ gbɛ ǹʼtawɔ ɔ, Kirisa bi ki bira. Míŋ ńʼkaan-a finŋ pyɛ kiri bataa tɛ, ŋí i yìrì ji miŋ tu shinŋ sun jɛ ri i, nwɔma ŋí i ńʼŊuntiŋ Yesu Kirisa tɔ,

Kɔlɔsitɔnŋ kiri 1:24

Dɔnsaŋ, míŋ i ńʼyoori-ra ńʼwɔ cɔɔri kilamaan ki ra ábɛɛ bira, sabu nwɔ̀ cin wuru Kirisa wɔ cɔɔri ki ra, míŋ i niŋ nafaa-ra ńʼfiri ki wu, Kirisa firi ki tɛ, ninwɔ̀ i bilinatɔnŋ kwuru kiri i.

Kɔlɔsitɔnŋ kiri 2:13

Ábɛɛ beenimaan wuru-i áwɔ bijɛ kiri fa á firi ki sɔɔpeefɛbali ki bira. Nka Kirinŋ ábɛɛ fa Kirisa ŋmɛni-i ámaŋ fan. Ntiŋ i yibɔɔ bijɛ kiri bataa tu yi tɛ.

Kɔlɔsitɔnŋ kiri 3:1

A ábɛɛ fa Kirisa ji ŋmɛni ámaŋ fan, á kirinpɔli la finŋ kiri ceeli, Kirisa sɔɔ-ɔ niŋ mani wɔ̀ ru Kirinŋ pantɛ.

Pyɛɛri (1) 1:3

Yi baraka bi Kirinŋ tɛ, ninwɔ̀ i yibɛɛ Ŋuntiŋ Yesu Kirisa Tiŋ ki i. Kirinŋ yibɛɛ sunmakwulupa-i ǹʼmwɔɔnna, ŋì i yi ji koŋ ŋunaŋ ni i, ŋì i Yesu Kirisa ŋmɛni po san konkwuu kiri ru, ŋì i ɲaninkulutɔnbi ki wɔri yibɛɛ tɛ niŋ sababu ra, nwɔma yi i ɲaninkulutɔnbi gbɛbilimaŋ ki kila.

Pyɛɛri (2) 1:13

Ŋì i míŋ tu ńʼɲaanna, míŋ ǹʼja-i ńʼtu ǹʼshɔ, míŋ i tu ŋí i ábɛɛ ɲakilila bo-ri ka cunadi wulu kari wu.

Yuhana (1) 2:3

A yibɛɛ ji Kirisa wɔ cinŋ bimaan kiri ma-a, yibɛɛ i ǹʼtɔ-a niŋ na, tu yibɛɛ ntiŋ tɔ-a.

Yuhana (1) 2:5

Konwɔtiŋ i ǹʼwɔ wulu ki po-a a saa tɛ, nintiŋ i ǹʼji-a tu Kirinŋ bidi afinŋ tɛ kusɛbɛ, yibɛɛ i ǹʼtɔ-a niŋ na, tu Kirinŋ ntiŋ fan.

Jafinŋ ki 1:18

Míŋ ɲaninkulutɔnŋ yɛ. Míŋ beeni wuru-i, nka dɔnsaŋ, míŋ ɲaninkulutɔnŋ a tu waarinŋ bataa ru. Beŋ ki fa lahara ki bunaŋ kiri i míŋ gbɛta ciiru.