Filipitɔnŋ kiri 2:9 - Jɔ Biibili ki

⁹ Niŋ ki ra, Kirinŋ i ntiŋ fɛshi, ŋì i ntiŋ sɔɔ finŋ kiri bataa ŋununu, ŋì i tɔ wɔri ntiŋ tɛ, tɔ wɔ̀ gbɛ-i tɔ kiri bataa wu.

Filipitɔnŋ kiri 2:9 Iomraidhean Croise

Matiyu 11:27

Ntiŋ i ǹʼbi konaŋ ki tɛ tu : « Míŋ Tiŋ ki finŋ kiri bataa de-i míŋ gbɛfɛ. Koŋ tɔri tenŋ Danshuru ki tɔ-a kì, duu Tiŋ ki tenŋ pe. Tiŋ Kirinŋ i nwɔ̀, koŋ tɔri tenŋ niŋ tɔ-a kì, duu Danshuru ki tenŋ pe, niŋ fa Danshuru ki ji ǹʼtɛ a i kí ji konwɔtiŋ wu. »

Matiyu 28:18

Yesu i a kpari kí tɛ, ntiŋ i ǹʼbi kí tɛ tu : « Sotinbi ki bataa wɔri-i míŋ tɛ kirinpɔli ki ra niŋ fa pwɔkulinŋ ki sun.

Luki 10:22

Niŋ kɔɔtɛ, ntiŋ i ǹʼbi konaŋ ki tɛ tu : « Míŋ Tiŋ ki finŋ kiri bataa de-i míŋ gbɛfɛ. Koŋ tɔri tenŋ Danshuru ki tɔ-a kì, duu Tiŋ ki tenŋ pe. Tiŋ Kirinŋ i nwɔ̀, koŋ tɔri tenŋ niŋ tɔ-a kì, duu Danshuru ki tenŋ pe, niŋ fa Danshuru ki ji ǹʼtɛ a i kí ji konwɔtiŋ wu. »

Yuhana 13:3

Yesu wuru ǹʼtɔ-a tu Kirinŋ so wɔri afinŋ tɛ finŋ bataa sun, tu afinŋ po Kirinŋ nu, a i ji-a a pwulu Kirinŋ tɛ.

Yuhana 17:11

Míŋ a po san juniɲa nu, nka kíbɛɛ ra tu pwɔkulinŋ ka sun kwumaŋ, míŋ a tiri ábɛɛ tɛ. Míŋ Tiŋ wɔlinŋ ki, á kí mari á tɔ ki bira, ábɛɛ ninwɔ̀ wɔri-i míŋ tɛ, nwɔma kí i ji tenŋ i, miŋ tu míŋ fa ábɛɛ i tenŋ i ɲaan wɔ̀ tɛ.

Yuhana 17:12

Míŋ wuru kí fan waarinŋ wɔ̀ ru, ábɛɛ nwɔ̀ri wɔri-i míŋ tɛ, míŋ nini gbɛrinpa-i ábɛɛ tɔ ki bira, ábɛɛ ninwɔ̀ wɔri-i míŋ tɛ. Míŋ kí ɲaannasuu-u, ǹʼtɔri dantenŋ fɔni san kí ra kì, duu nwɔ̀ kakan wuru-i niŋ i fɔni, nwɔma Kirinŋ wɔ wulu ki i nafaa.

Yuhana 17:5

Yesu tu sɛbɛ : « Míŋ Tiŋ, nɔɔri wɔ̀ wuru míŋ na ábɛɛ kankantɛ juniɲa cɛtu ki jɛŋ, á niŋ nɔɔri ki bili míŋ sun á ɲaanfɛ dɔnsaŋ. »

Mabikiri 5:31

Kirinŋ ntiŋ fɛshi-i, ŋì i ntiŋ ji Masa fa Mwutɔnŋ i, ŋì i ntiŋ sɔɔ a pantɛ, nwɔma tu, a Isirayɛlitɔnŋ kiri ntɔri bi, kí i na Kirinŋ tɛ, ŋì i kɔ́ɔ́ bijɛ kiri tu kí tɛ.

Efɛsitɔnŋ kiri 1:10

Ŋì i ǹʼgbɛbili wuru-i, tu waaci kiri na nafaa waarinŋ wɔ̀ ru, tu afinŋ a na pwɔkulinŋ sun finŋ kiri fa kirinpɔli la finŋ kiri bataa rakɔli, a i Kirisa ji yìrì ŋununtiŋ i.

Kɔlɔsitɔnŋ kiri 1:18

Kirisa ra bilinatɔnŋ kiri i ntiŋ firi ki i, mìntiŋ ki i ji niŋ firi ki ŋuniŋ ki i. Finŋ kiri bataa tɔnpa-i mìntiŋ ki wu. Mìntiŋ jɔnɔ ŋmɛni po san-i konkwuu kiri ru, nwɔma ntiŋ i ji finŋ bataa ŋununtiŋ i.

Tesalonikitɔnŋ kiri (2) 1:12

A niŋ ma, yibɛɛ Ŋuntiŋ Yesu tɔ ki a gbɛ ábɛɛ bira, ábɛɛ yɛrima kiri i gbɛbi kila ntiŋ bira, ŋì i kɛɲɛ yibɔɔ Kirinŋ ki fa yi Ŋuntiŋ Yesu Kirisa wɔ shɔɔrinŋ ki wu.

Iburu kiri 1:4

Kirinŋ Danshuru ki tumaŋ ki gbɛ-i mɛlɛkɛn kiri wɔ ki wu, niŋ ki ra, Kirinŋ i tɔ wɔri ǹʼtɛ, nwɔ̀ gbɛ-i mɛlɛkɛn kiri wɔ ki wu pewu.

Iburu kiri 1:9

Telibi ki bidi-i miŋ tɛ, juubi ki bi i kwɔ nʼsun. Niŋ ki ra, miŋ Kirinŋ i, mɔɔn Kirinŋ ki ciirudi ŋuŋ pwulu bo-i miŋ ŋununu, ŋì i miŋ pari nʼkaashi kiri bataa wu. »

Iburu kiri 12:2

Yi yi ɲaniŋ kiri da tu yɔɔ bilinabi ki tɔnpatɔnŋ ki fa ǹʼnafaatɔnŋ ki, Yesu ra. Mìntiŋ ki beŋ ki pa-i a ra kpinkpisuu ki sun, ntiŋ niŋ ɲaankwunŋ ki shɛɛli finŋ i kì, sabu ciirudibi wɔ̀ wuru ntiŋ jɛŋ, ntiŋ ɲaniŋ wuru niŋ na. Dɔnsaŋ, ntiŋ sɔɔ-ɔ Kirinŋ wɔ masawaalinŋ ki pantɛ.

Iburu kiri 2:9

Nka nwɔ̀ sunjɛri-i mɛlɛkɛn kiri fɛ waaci pyaanŋ nu, niŋ i Yesu. Yibɛɛ i ǹʼja-a tu Kirinŋ nɔɔri fa gbɛbi masabunfila ye ntiŋ ŋununa, sabu ntiŋ cɔɔri-i, ntiŋ i beeni. Niŋ ɲaan ki tɛ, Kirinŋ wɔ shɔɔrinŋ ki baraka ra, ntiŋ beeni-i konaŋ kiri bataa ŋunfɛ.

Pyɛɛri (1) 3:22

Ntiŋ tunpa-i kirinpɔli ki ra, ntiŋ i ta sɔɔ Kirinŋ pantɛ. Mɛlɛkɛn kiri fa masabi kiri fa sotinbi kiri bataa kulu-i ntiŋ tɛ.

Pyɛɛri (2) 1:17

Ntiŋ gbɛbi fa nɔɔri kila-i Tiŋ Kirinŋ gbɛ waarinŋ wɔ̀ ru, wulu po-i gbɛbi fa nɔɔritiŋ ki gbɛ, ŋì i ǹʼbi tu : « Ka i míŋ dintɛ Danshuru tenŋ pe ki i, ǹʼwɔ bi di-i míŋ tɛ haali. »

Yuhana (3) 1:7

Kí po-i Yesu tɔ ki bira, kí arì tu, kí i finŋ tɔri dantenŋ mwu bilinabali kiri wu arì kansa kì.

Jafinŋ ki 1:5

Yesu yɛrima ki shɔɔrinŋ fa ɲaanfɛfili wɔri á tɛ. Ninwɔ̀ i shɛɛri telimaan a, nwɔ̀ jɔnɔ ŋmɛni po-i konkwuu kiri kanfɛ, ŋì i ji juniɲa ka ru masa kiri wɔ masa a. Mìntiŋ ki yibɛɛ bidi-i a tɛ, ŋì i yi mwu yi wɔ bijɛ kiri wu a yɛrima ki cunŋ ki baraka ra.

Jafinŋ ki 11:15

Mɛlɛkɛn jɔnpɔnɔtɔnŋ ki i awɔ bwuru ki fyɛ. Wulu bɛɛ i po kirinpɔli ki ra, ŋì i fali, ŋì i ǹʼbi tu : « Dɔnsaŋ, juniɲa ki ru masabi ki ji-i yibɛɛ Ŋuntiŋ Kirinŋ fa a Ɲaannakonshimaan ki wɔ, ŋì a na sɔɔ masabi ki sun waarinŋ bataa ru. »

Jafinŋ ki 19:16

Tɔ bɛɛ sɛbɛ wuru ntiŋ wɔ jɛrɛbi ki fa ntiŋ kulɔ ki sun, tu : « Masa kiri wɔ Masa, niŋ fa ŋuntiŋ kiri wɔ Ŋuntiŋ ki. »

Jafinŋ ki 3:21

Konwɔtiŋ so kila, míŋ a na ntiŋ sɔɔ ńʼfan ńʼwɔ masawaalinŋ ki sun, miŋ tu míŋ yɛrima ki so kila-i ɲaan wɔ̀ tɛ, ŋí i sɔɔ ńʼTiŋ Kirinŋ fan awɔ masawaalinŋ ki sun.

Jafinŋ ki 5:12

Yìrì i ǹʼbi-ri faanna tu : « Kí Saanaŋ wɔ̀ kilɛn-i, sotinbi i niŋ wɔ, ǹʼfa fintinbi fa ɲakilitinbi fa faan, gbɛbi i ji ǹʼwɔ, ǹʼfa nɔɔri fa tɔ shɔɔrinŋ. »