Filipitɔnŋ kiri 2:3 - Jɔ Biibili ki

³ Á fa bi dantenŋ ma manjan ɲakili walima yɛri ji ɲakili wu kì. Nka á á yɛri sunjɛri, á i koŋ bataa pari á yɛri wu.

Filipitɔnŋ kiri 2:3 Iomraidhean Croise

Luki 18:14

Yesu i awɔ wulu ki rakɔ tu : « Míŋ i ǹʼbi-a ábɛɛ tɛ, ńʼtu Kirinŋ ɲinisarakɔlɔtɔnŋ ka wɔ rafɛ ki mwu-i, niŋ i tiri kulu. Nka Farinsiyɛnŋ ki jii kila Kirinŋ ɲaanfɛ kì, sabu koŋ woo koŋ i a yɛri gbɛ-a, Kirinŋ a nintiŋ sunjɛri. Koŋ woo koŋ i a yɛri sunjɛri-ra, Kirinŋ a nintiŋ gbɛ. »

Ɔrɔmutɔnŋ kiri 12:10

Á i ámaŋ bidi ámaŋ tɛ miŋ tu tindaŋ ni, á i ámaŋ jan-ni ámaŋ gbɛmaanna ki ra.

Ɔrɔmutɔnŋ kiri 13:13

Yi tiri tirika ɲaan shɔɔrinŋ tɛ, miŋ tu koŋ i tiri-ra suunna ɲaan wɔ̀ tɛ. Yi fa ji wulatiŋ ni fa lɔrutɛfɛ ri i kì. Yi yi yɛri paka tɔ nankulunbi kwuru ki bataa kɛlina. Yi fa ji kari kwurutiiri fa ɲaannajuutɔnŋ ni i kì.

Ɔrɔmutɔnŋ kiri 2:8

Nka, koŋ wɔ̀ri i arì kaan-na Kirinŋ tɛ, kí i arì kaan-ni sɛli ki tɛ, kí i arì tu-ri telibalibi kiri ra, Kirinŋ wɔ tɔnkwulu ki fa ǹʼwɔ kiti ki a fɛɛn nini sun.

Korɛntitɔnŋ kiri (1) 15:9

Míŋ i Yesu wɔ cindaŋ kiri bataa ru pyaanŋ ki i. Míŋ yɛri kakan-ni, ŋí i dɔri Yesu wɔ cindaŋ i kì, sabu míŋ Kirinŋ wɔ bilinatɔnŋ kwuru ki ɲaanfɛkwulu-i kusɛbɛ.

Korɛntitɔnŋ kiri (1) 3:3

A ɲaannajuubi ki fa fubalibi ki ji ábɛɛ faninmwuŋ, niŋ i ǹʼji-a tu ábɛɛ tiri-ra, á i ǹʼkɛɲɛ-ni á firi kiri dintɛ bi jɛ kiri wu miŋ tu ka juniɲa ka ru konaŋ kiri.

Korɛntitɔnŋ kiri (2) 12:20

Míŋ i kɛni-na, ńʼtu míŋ fa na ta fa ábɛɛ wu ɲaan ki bɛɛ tɛ, nwɔ̀ a fu míŋ sun kì, walima ábɛɛ na ta míŋ ja ɲaan ki bɛɛ tɛ, nwɔ̀ a fu ábɛɛ sun kì. Míŋ kɛni-na ńʼtu míŋ fa ta fa kari myɛɛnniŋ wu ábɛɛ faninmwuŋ kì, niŋ fa ɲaannajuubi, niŋ fa tɔnkwulubi, niŋ fa fyikatinbi, niŋ fa maŋ tɔlimaanna ni, fa maŋ tɔ bimaanna, niŋ fa yɛri ragbɛmaanna, ŋì i bo bi ɲaanmimaan tɔri ri sun.

Galasitɔnŋ kiri 5:15

Nka ábɛɛ jɔrɔkɔ ámaŋ cɛfan miŋ tu kpalinŋ ni, á i ámaŋ ɲiin-ni, niŋ fa á i ámaŋ nu-ni, niŋ na, á á yɛri cɔye ábɛɛ fa na kɔ ámaŋ na kì dɛ!

Galasitɔnŋ kiri 5:26

Yi fa ji koŋ nagbɛmaan ni i kì, yi fa yimaŋ tɔnsunpa-ri yi i yimaŋ tɛnbi tan-ni waarinŋ bataa ru kì.

Efɛsitɔnŋ kiri 4:2

á i á yɛri sunjɛri bi bataa ra, á i á tɔnsunfili ámaŋ tɛ, á i ji koŋ nduujii ri i, á i ámaŋ wɔ bi kwun ámaŋ nu bidintɛbi wu.

Efɛsitɔnŋ kiri 5:21

Ábɛɛ wɔ̀ri i kɛni-na Kirisa jɛŋ, á á sunjɛri ámaŋ tɛ.

Filipitɔnŋ kiri 2:14

Á fa áwɔ bi dantenŋ ma ŋununu wulu fa sɔsɔɔlinŋ wu kì,

Kɔlɔsitɔnŋ kiri 3:12

Á ǹʼtɔ, tu Kirinŋ ábɛɛ ɲaannashi, á i ji awɔ konanbi wɔlinŋ i, á bi i ji di ǹʼtɛ kusɛbɛ. Niŋ ki ra, ábɛɛ yɛrima kiri ámaŋ sunmakwulupa, á i bi shɔɔrinŋ ma-ni ámaŋ tɛ, á i á sunjɛri ámaŋ tɛ, á i á tɔnsunfili ámaŋ tɛ, á i ámaŋ sunduuduu.

Kɔlɔsitɔnŋ kiri 3:8

Nka dɔnsaŋ, á niŋ bi kiri bataa tɔnbo, miŋ tu fyintibi ki fa tɔnkwulu ki, niŋ fa juubi ki fa kiilinŋ kiri fa ɲaankwun pabali wulu wɔ̀ri i po-a ábɛɛ daru.

Timote (1) 6:4

yɛriragbɛbi i nintiŋ nu, ntiŋ i bi tɔri tɔ-a kì, bi ɲaan ceeli bi kiri niŋ fa sɔsɔɔlinŋ na wulu kiri ntiŋ ɲakili ki li-i. Niŋ bi kiri i na-a ɲaannajuubi ki fa kari kiri fa ɲakilila jɛ kiri,

Pyɛɛri (1) 3:8

Ka bataa kɔɔtɛ, á bataa ámaŋ paka shɔ ciiru tenŋ wu. Á ámaŋ sunmakwulupa, á i ámaŋ bidi ámaŋ tɛ, miŋ tu tindaŋ byii ri, á i ye-ri ámaŋ tɛ, niŋ fa á i á sunbili ámaŋ tɛ.

Pyɛɛri (1) 5:5

Nwɔ̀ i ábɛɛ ɲɔrɔkɔ kiri i, á á sunjɛri bosomaan kiri tɛ, á bataa i á sunjɛri ámaŋ tɛ, á i ye-ri ámaŋ tɛ, sabu Kirinŋ wɔ wulu ki i ǹʼbi-a tu : « Kirinŋ i yɛri ragbɛmaan kiri kari-ra, ŋì i shɔɔrinŋ ma-ni yɛri sunjɛrimaan kiri tɛ.  »