Filipitɔnŋ kiri 2:29 - Jɔ Biibili ki

²⁹ Niŋ ki ra, Ŋuntiŋ ki bira, á ntiŋ ŋununafu ciirudibi wu. Ábɛɛ kakan-i á i niŋ koŋ bishi kiri gbɛ-ri,

Filipitɔnŋ kiri 2:29 Iomraidhean Croise

Luki 9:5

Nka a kili wɔ̀ ra tiiri arì kaan ábɛɛ jɛri ki sun arì gbɛ, ábɛɛ pora ki niŋ kili ki ra, á á kanŋ na fwuu kiri tuntu bo niŋ mani nu nmaŋ. Niŋ a ji taanmashɛ ɛ, nwɔ̀ a ji ábɛɛ shɛɛri i niŋ koŋ kiri bi sun. »

Yuhana 13:20

Sɛli sɛli ki ra, konwɔtiŋ i mɔ́ɔ́n cindaŋ ka bɛɛ tenŋ paka shɔ-a, nintiŋ míŋ paka shɔ-i mìnki i, konwɔtiŋ míŋ paka shɔ-i, nintiŋ míŋ cintɔnŋ ki paka shɔ-i mìnki i. »

Mabikiri 2:46

Jibi woo jibi, kí wuru ta-a Kirinfusinaŋ ki ra, kí i ta Kirinŋ nafɛ-ri ɲakilila tenŋ wu. Kí cunadi wuru niŋ na kusɛbɛ, niŋ fa, kí wuru arìmaŋ fu-a arɔɔ fu kiri ru, kí i bwuru ki rucɛn lu-li arìmaŋ tɛ, kí i arɔɔ nufinŋ kiri nu-ni arìmaŋ fan, ciirudibi fa sunjɛribi wu.

Mabikiri 28:10

Niŋ koŋ kiri fani i yibɛɛ paka shɔ haali. Yibɛɛ tiri shikaŋ ki so-i, yibɛɛ maku wuru finŋ woo finŋ na, kí i niŋ bataa wɔri yibɛɛ tɛ.

Mabikiri 8:8

Niŋ i ji ciirudibi sinaŋ niŋ kili ki bataa ru.

Ɔrɔmutɔnŋ kiri 10:15

Koŋ a so ǹʼsunjo-i dɔɔkunŋ, a ntiŋ cin kì. Miŋ tu ǹʼsɛbɛ-i Kirinŋ wɔ wulu ki ru tu : « Nwɔ̀ri i na-a Kirinŋ wɔ Wulujii ki wu, nini naka ki shɔ-i. »

Ɔrɔmutɔnŋ kiri 16:2

nwɔma ábɛɛ i nmari paka shɔ Ŋuntiŋ ki tɔ ki bira, miŋ tu Kirinŋ wɔ konanbi ki i pa-a ɲaan wɔ̀ tɛ. A finŋ woo finŋ bi tu nmari ra, á ye nmari tɛ, nmari i so niŋ kila-i, sabu nmari yɛri ki ye-i tindaŋ mwɔɔnna tɛ, hali nmari ye-i míŋ yɛrima ki tɛ.

Korɛntitɔnŋ kiri (1) 16:10

A Timote ta so ábɛɛ tɛ waarinŋ wɔ̀ ru, á ǹʼma ɲaan bataa tɛ, á i ntiŋ siratu, sabu ntiŋ i Ŋuntiŋ ki tɛ baara ki ma-a, miŋ tu míŋ yɛrima ki.

Korɛntitɔnŋ kiri (1) 16:18

Kí míŋ ɲakili ki sɔɔ tenŋ sun, miŋ tu kí ábɛɛ ɲakili ki sɔɔ tenŋ sun ɲaan wɔ̀ tɛ. Á niŋ konaŋ bishi kiri wɔ shɔɔrinŋ ki tɔ kí tɛ.

Korɛntitɔnŋ kiri (2) 10:18

Á ǹʼtɔ tu konwɔtiŋ a yɛri rakali-la, tu nintiŋ ki bidi Ŋuntiŋ ki tɛ kì dɛ! Nka Ŋuntiŋ ki yɛrima ki i nwɔ̀ tɔ shɔɔrinŋ bi-a, ŋì i nintiŋ ki tɛ.

Korɛntitɔnŋ kiri (2) 7:2

Á á ɲaanfɛjii po yi tɛ. Yibɛɛ bi kulinŋ ma koŋ tɔri tenŋ wu kì, yi koŋ tɔri tenŋ bo fɔni saa fan kì, yi dumiŋ koŋ tɔri wɔ finŋ daali mwu san ntiŋ wu kì.

Filipitɔnŋ kiri 2:28

Míŋ yɛri ki kɔrɔtɔmaan yɛ, ntiŋ bo tiri ki ra ábɛɛ tɛ, nwɔma ábɛɛ ciiru i di ntiŋ jamaan ki ra, ǹʼbɛɛ i san mɔ́ɔ́n tɔnfɔɔ ki ra.

Kɔlɔsitɔnŋ kiri 4:10

Arisitariki i ábɛɛ co-a, ninwɔ̀ i míŋ fan nkasu ki ru kwumaŋ. Barinabasi wɔ jiilinŋ Maraka i á co-ri sɛbɛ. Míŋ mìntiŋ ki wulu bi wuru ábɛɛ tɛ, ńʼtu ntiŋ na so á tɛ nmaŋ, ńʼtu á i ntiŋ ŋununafuka shɔ.

Tesalonikitɔnŋ kiri (1) 5:12

Ńʼtindaŋ ni, míŋ ǹʼceeli-la ábɛɛ gbɛ, ńʼtu nwɔ̀ri i arì yɛri yɛli-la, kí i ábɛɛ bo-ri Ŋuntiŋ ki wɔ saa ki tirika ɲaan shɔɔrinŋ ki fan, niŋ fa kí i á racin-ni, ńʼtu á baraka de nini nu.

Timote (1) 5:17

Egilisi ki ciiru, bosomaan wɔ̀ri i jɛnpa ki tanka shɔ-a, nini kakan-i nini i bosomaan pyɛ kiri wɔ gbɛbi ki bishi kaan fuuli kila. Nwɔ̀ri i Kirinŋ wɔ wulu ki sunjo-a konaŋ ki tɛ, niŋ fa kí i konaŋ ki kali-li, gbɛ faa i bo nini wɔ ki sun sɛbɛ.

Iburu kiri 13:17

Á á jɛnpatɔnŋ kiri gbɛ, á i á kulu kí tɛ. Kíbɛɛ kiri i arì ɲakili tu-a ábɔɔ ɲaninkulutɔnbi ki ra, sabu kí a ta arì kwuran Kirinŋ tɛ. Á ncusun kí ciirudimaan ni i arɔɔ baara ki ma, ŋì fa ji ɲaannuŋunu wu kì. A niŋ ji-i kì, ábɛɛ ra tɔnɔ kila ǹʼnu kì.

Yuhana (3) 1:10

Niŋ ki ra, á míŋ na so ábɛɛ tɛ waarinŋ wɔ̀ ru, ntiŋ i mabi jɛ wɔ̀ri ma-a, míŋ a ta nini bi ábɛɛ tɛ. Ntiŋ i wulu kulinŋ ni bi-a yibɛɛ tɛ, nka ntiŋ tu-a niŋ sun kì dɛ! Ntiŋ a tu-a ntiŋ i yibɛɛ tindaŋ kiri jɛri a gbɛ kì. A tindaŋ tɔri ǹʼbi tu afinŋ a kí jɛri a gbɛ, ntiŋ i niŋ suu-ra niŋ sun, ntiŋ i niŋ kwɔ po san bilinatɔnŋ kwuru kiri ru.