Filipitɔnŋ kiri 2:25 - Jɔ Biibili ki

²⁵ Niŋ jɛŋ, míŋ ǹʼja-i ńʼtu míŋ kakan ŋí i yi tindaŋ Epaforoditusi bo pwulu ábɛɛ tɛ nmaŋ. Niŋ i míŋ bilinatɔnshi fa ńʼbaara mashi i, míŋ fa nwɔ̀ i kari ki tan-a yimaŋ fan, finŋ wɔ̀ri bi wuru míŋ na, ábɛɛ mìntiŋ ki bo na wuru nini wu.

Filipitɔnŋ kiri 2:25 Iomraidhean Croise

Yuhana 13:16

Sɛli sɛli ki ra, míŋ a ǹʼbi ábɛɛ tɛ ńʼtu joŋ ki gbɛ-a a ŋuntiŋ ki wu kì, cindaŋ ki dumiŋ gbɛ-a a cintɔnŋ ki wu kì.

Yuhana 17:18

Miŋ tu ábɛɛ míŋ cin na-i juniɲa nu ɲaan wɔ̀ tɛ, míŋ yɛrima ki i kí cin-a juniɲa ki ru mìŋ ɲaan tenŋ ki tɛ.

Ɔrɔmutɔnŋ kiri 16:3

Á ńʼwɔ coolinŋ wɔri Pirisili fa Akilasi tɛ, nini i míŋ baara mashi ri i, Yesu Kirisa tɛ baara ki ru.

Ɔrɔmutɔnŋ kiri 16:9

Á ńʼwɔ coolinŋ wɔri Urubanusi tɛ, ninwɔ̀ i yibɛɛ baara mashi i, Kirisa tɛ. Á i ńʼwɔ coolinŋ wɔri míŋ tindaŋ byii Sitakisi tɛ sɛbɛ.

Korɛntitɔnŋ kiri (1) 3:9

Sabu yibɛɛ fɔn bataa i baara mashi ri i Kirinŋ gbɛ. Ábɛɛ i miŋ tu Kirinŋ wɔ ji ki, niŋ fa á i ji miŋ tu ǹʼwɔ fu, ǹʼyɔ nwɔ̀ tan-a.

Korɛntitɔnŋ kiri (2) 2:13

Nka míŋ ciirufɔnimaan wuru-i kusɛbɛ, sabu míŋ ńʼtindaŋ Tite ja-ri kì. Niŋ ki ra, míŋ i saarafɛ kí gbɛ, ŋí i tiri Maseduwanɛ sɔɔta ki ru.

Filipitɔnŋ kiri 2:26

Ntiŋ kɔrɔtɔmaan i ábɛɛ bataa ja ki ra a gbɛ, ntiŋ ciirufɔnimaan i ji-i tu ábɛɛ afinŋ kira wulu ki rama-ni.

Filipitɔnŋ kiri 4:18

Finŋ woo finŋ bi wuru míŋ na, míŋ yìrì bataa kila-i, ŋí i ji fintiŋ i. Kabi Epaforoditusi na-i yìrì wɔri míŋ tɛ, míŋ ńʼgbɛ faa-a, fɔ ŋì i fwuu a daŋ ki sun. Yìrì ji-i miŋ tu saraka shɔɔrinŋ, nwɔ̀ kini di-i Kirinŋ tɛ.

Filipitɔnŋ kiri 4:3

Minwɔ̀ ji-i míŋ baara mashi sɔbɛ ɛ, míŋ i miŋ nafɛ-a, tu a ye kí tɛ, sabu kí yɛrima kiri yɛli-i míŋ fan Wulujii ki baara ki ra, ŋì i bo Kilema fa yi dɛbɛshi pyɛ kiri bataa sun, nini wɔ̀ri tɔ kiri i ɲaninkulutɔnbi sɛbɛ ki ru.

Kɔlɔsitɔnŋ kiri 1:7

Epafirasi, ninwɔ̀ i yibɛɛ baara mashi i, nwɔ̀ bidi-i yibɛɛ tɛ haali, ninki ábɛɛ kini-i niŋ bi kiri ra. Bilinakoŋ yɛ Kirisa tɛ baara ki ru ábɛɛ kanfɛ.

Kɔlɔsitɔnŋ kiri 4:11

Yesu tɔ wɔ̀ i dɔri-ri tu Yusitusi, niŋ i ábɛɛ co-a sɛbɛ. Niŋ shuru kiri bantenŋ i bilinatɔnŋ ni i, wɔ̀ri po-i Yawutu kiri ru, kí i baara ki ma-ni míŋ fan Kirinŋ wɔ Masabi ki bira. Kí cunadibi sinaŋ wɔri-i míŋ tɛ.

Tesalonikitɔnŋ kiri (1) 3:2

yi i Timote bo tiri ábɛɛ tɛ. Kirinŋ wɔ baara ki ru, ninwɔ̀ i Kirisa Wulujii ki sunjorama ki i, yibɛɛ tindaŋ fa yi baara mashi yɛ. Yibɛɛ i ntiŋ cin ta-a ye ábɛɛ tɛ. Ntiŋ a ta ye ábɛɛ tɛ, á i tɔnnafurubi kila áwɔ bilinabi ki ru,

Filimɔn 1:24

Míŋ baara mashi wɔ̀ri i Maraka, Arisitariki, Demasi niŋ fa Luki, nini bataa miŋ co-i.

Iburu kiri 3:1

Ńʼtindaŋ ni, Kirinŋ ábɛɛ dɔri-i, ŋì i á ji awɔ ri. Niŋ ki ra, yibɛɛ Yesu wɔ̀ tɔ-i cindaŋ i, niŋ fa sarakawɔrɔtɔnŋ kiri ŋununtiŋ sinaŋ i, bilinabi ki ru, á á ɲaniŋ da tu niŋ na.