Filipitɔnŋ kiri 2:22 - Jɔ Biibili ki

²² Ábɛɛ yɛrima kiri i ǹʼtɔ-a, tu Timote ǹʼji tu koŋ a so a gbɛ faa-a afinŋ nu, ntiŋ i ye míŋ tɛ Wulujii ki sunjo baara ki ra, miŋ tu daŋ i ye-a a tiŋ tɛ ɲaan wɔ̀ tɛ.

Filipitɔnŋ kiri 2:22 Iomraidhean Croise

Mabikiri 16:2

Lisitiri fa Ikoniyɔmu kili kiri ru bilinatɔnŋ kiri wuru ntiŋ tɔ shɔɔrinŋ bi-a.

Ɔrɔmutɔnŋ kiri 5:4

A yibɛɛ yi cɛrukɔli, ninki i ncin-a yibɛɛ i ji dariwulutiŋ ni i cɔɔri waari ki ru. A yibɛɛ ji dariwulutiŋ ni i yi cɔɔri waari ki ru, ninki i gbɛbilimaŋ wɔri-ra yibɛɛ tɛ.

Korɛntitɔnŋ kiri (1) 16:10

A Timote ta so ábɛɛ tɛ waarinŋ wɔ̀ ru, á ǹʼma ɲaan bataa tɛ, á i ntiŋ siratu, sabu ntiŋ i Ŋuntiŋ ki tɛ baara ki ma-a, miŋ tu míŋ yɛrima ki.

Korɛntitɔnŋ kiri (1) 4:17

Ninki ncin-i, míŋ i Timote cin tiri-ri ábɛɛ tɛ, ninwɔ̀ i míŋ dintɛ daŋ i, niŋ fa koŋ kulumaan i ji-i Kirisa bilinabi ki ru. Ntiŋ a ta ábɛɛ ɲakilila bo míŋ tirika ɲaan ki tɛ Kirisa bilinabi ki ru, miŋ tu míŋ i Yesu Kirisa wɔ konanbi ki kali-la ɲaan wɔ̀ tɛ mani bataa ru.

Korɛntitɔnŋ kiri (2) 2:9

Sabu mɔ́ɔ́n sɛbɛ ki wɔri ŋuŋ ki bɛɛ wuru ábɛɛ tɛ sɛbɛ, tu ŋí i ábɛɛ sunsunu, a ábɛɛ ji faa míŋ wulu pa-a bi bataa ra, ŋí i niŋ tɔ.

Korɛntitɔnŋ kiri (2) 8:22

Yibɛɛ i yi tindaŋ tɔri bo ta-a koŋ fuuli kari fan ábɛɛ tɛ sɛbɛ. Yibɛɛ ntiŋ sunsunu-i ɲaan mwɔɔnna, yi i ǹʼja tu ntiŋ cɛrukɔlimaan i waaci fɔn bataa ru, nka ntiŋ cɛrukɔlimaan yɛ dɔnsaŋ, ŋì i fwuu a jɔnɔ ki sun, sabu ntiŋ gbɛ faa-a ábɛɛ ru kusɛbɛ.

Korɛntitɔnŋ kiri (2) 8:24

Niŋ ki ra, á ǹʼji kí wu, tu kí bidi ábɛɛ tɛ sɔbɛ ra, nwɔma bilinatɔnŋ kwuru kiri i ǹʼtɔ, tu yibɛɛ jii wuru-i, yi i ábɛɛ tɔ shɔɔrinŋ bi.

Korɛntitɔnŋ kiri (2) 8:8

Míŋ faan bo-a ábɛɛ sun tu a kari wɔ ki bishi ma kì dɛ! Nka míŋ i ábɛɛ kaashi kiri wɔ cɛrukɔli ki bi-a ábɛɛ tɛ, nwɔma á i ǹʼtɔ tu ábɔɔ bidintɛbi ki ma-a ɲaan wɔ̀ tɛ, tu niŋ ǹʼsɛlɛsɛli ki i.

Filipitɔnŋ kiri 1:12

Ńʼtindaŋ ni, míŋ i ǹʼtɛ ńʼtu ábɛɛ i ǹʼtɔ, tu bi finŋ woo finŋ i míŋ kila-a kwumaŋ, ńʼtu niŋ i ǹʼtɔri san Kirinŋ wɔ Wulujii ki ta jɛŋ ki ra kì, nka ńʼtu nini bataa ji sababu, ŋì i ta jɛŋ.

Filipitɔnŋ kiri 1:16

Nini i arɔɔ baara ki ma-a bidintɛbi wu, sabu kí ǹʼtɔ-i tu Kirinŋ míŋ ɲaannashi, ŋí i Wulujii ki sɛli ki ji konaŋ kiri wu.

Filipitɔnŋ kiri 1:5

sabu ábɛɛ ji-i míŋ baara mashi ri i Wulujii ki bi bi ki ru, kabi fɔlɔfɔlɔ ŋì i na so dɔnsaŋ sun.

Filipitɔnŋ kiri 1:7

Sɛli ki ra, míŋ kakan-i ŋí i ńʼmiiri-ri ábɛɛ bataa bira ka ɲaan ka tɛ, sabu ábɛɛ bi ki gbɛ-i míŋ gbɛ kusɛbɛ. Kirinŋ shɔɔrinŋ wɔ̀ ma-i míŋ tɛ, ábɛɛ á so ma-i niŋ bataa ru. Ábɛɛ i niŋ ma-a dɔɔ, ŋì i míŋ tu nkasu ki ru, niŋ fa á i ji ǹʼma-ni waarinŋ wɔ̀ ru, míŋ wuru Wulujii ki sunjo-a, ŋí i ǹʼsɛli ki ji-ri konaŋ kiri wu.

Filipitɔnŋ kiri 2:20

Míŋ fa mìntiŋ tenŋ pe ɲakilila ki i tenŋ i, yi i yi miiri-ri ábɛɛ bi ki ra.

Timote (1) 1:18

Timote, míŋ danshuru, míŋ i ka bi-a ŋí i ǹʼfuru miŋ tɛ, ńʼtu ŋì i kɛɲɛ cintɔnbi wulu bi fwuudemaan kiri wu miŋ bi sun, ńʼtu a kari shɔɔrinŋ ki tan, ŋi i ǹʼkɛɲɛ nini wu,

Timote (1) 1:2

míŋ i ka sɛbɛ ka wɔri tiri-ra miŋ Timote tɛ, minwɔ̀ i míŋ daŋ sɛlɛsɛli i bilinabi ki ru. Yibɛɛ Tiŋ Kirinŋ fa yi Ŋuntiŋ Yesu Kirisa shɔɔrinŋ ma nʼtɛ, ŋì i nʼsunmakwulupa, ŋì i ɲaanfɛfili wɔri nʼtɛ.

Timote (1) 4:6

A miŋ ji nʼtindaŋ kiri kali-la niŋ bi kiri ra, miŋ a ji Yesu Kirisa tɛ baara matɔnŋ shɔɔrinŋ i. Miŋ a ǹʼji niŋ ki ra, tu miŋ nʼɲini ki tɔnnafɛ-a bilinabi ki wu, niŋ fa tu miŋ tiri kɛɲɛ-a kalinŋ telimaan ki wu.

Timote (2) 1:2

Míŋ i ka sɛbɛ ka wɔri ta-a miŋ Timote tɛ, minwɔ̀ i míŋ danshuru byii i bilinabi ki ru. Yibɛɛ Tiŋ Kirinŋ fa yi Ŋuntiŋ Yesu Kirisa nʼsunmakwulupa, ŋì i ɲaanfɛfili wɔri nʼtɛ, ŋì i shɔɔrinŋ ma nʼtɛ.

Timote (2) 3:10

Nka, miŋ Timote, miŋ ǹʼpa-i míŋ cɛfan, ŋi i ńʼwɔ kalinŋ wɔrika ɲaan ki ja, ŋi i ńʼtirika ɲaan ki fa ńʼwɔ bi gbɛbilimaan kiri ja. Míŋ ńʼwɔ bilinabi ki ma-i ɲaan wɔ̀ tɛ, ŋí i ńʼtɔnsunfili ɲaan wɔ̀ tɛ, ŋí i ńʼwɔ bidintɛbi ki ma ɲaan wɔ̀ tɛ, niŋ fa ŋí i ńʼcunadi ɲaan wɔ̀ tɛ, ŋi i niŋ bataa ja.

Tite 1:4

Ńʼwɔ coolinŋ i miŋ tɛ Tite, minwɔ̀ i míŋ daŋ i bilinabi ki ru, yibɛɛ dɛbɛ-i ninwɔ̀ sun. Yibɛɛ Tiŋ Kirinŋ niŋ fa yibɛɛ Mwutɔnŋ Yesu Kirisa shɔɔrinŋ fa ɲaanfɛfili wɔri nʼtɛ.