Filipitɔnŋ kiri 2:21 - Jɔ Biibili ki

²¹ Koŋ pyɛ kiri bataa i arì miiri-ra arì yɛri bira, Kirisa bi ki kí san-a arì ɲaanna kì.

Filipitɔnŋ kiri 2:21 Iomraidhean Croise

Matiyu 16:24

Yesu i ǹʼbi awɔ kalindaŋ kiri tɛ tu : « Konwɔtiŋ ji ǹʼtɛ a i ǹʼpa míŋ cɛfan, ntiŋ fa a miiri a yɛri ki bira kì. Ntiŋ a kpinkpisuu ki shi jibi woo jibi, ntiŋ i ǹʼpa míŋ cɛfan.

Luki 14:26

« Konwɔtiŋ i ǹʼtɛ a i na míŋ tɛ, nka ntiŋ dumiŋ ǹʼtɛ a i míŋ pari a tiŋ fa a ɲiŋ ki wu kì, a fa míŋ pari awɔ mari fa a daŋ wu kì, a dumiŋ fa míŋ pari a ɲɛnsimari fa ǹʼshuru wu kì, a dumiŋ fa míŋ pari a yɛri ki ɲinita ki wu kì, nintiŋ a so ji-i mɔ́ɔ́n kalindaŋ i kì.

Mabikiri 13:13

Pooli fa a tirishi kiri i de kwurinŋ bɛɛ ru Pafɔsi, kí i ta Pɛrinsi kili ki ra, Panfili kɛniŋ ki ru. Niŋ mani nu, Yuhana wɔ̀ i dɔri-ra sɛbɛ tu Maraka, niŋ a kila san-i kí ra, ntiŋ i a pwulu tiri Yerusalɛmu.

Mabikiri 15:38

Nka niŋ fu Pooli sun fɛsɛfɛsɛ kì, sabu tu ŋì i arìbɛɛ tu Panfili kili ki ra, Maraka a kaan cinŋ ki tɛ, ntiŋ i a san arìbɛɛ ra.

Korɛntitɔnŋ kiri (1) 10:24

Tu koŋ tɔri tenŋ fa a yɛri nafan ceeli kì, nka tu ntiŋ koŋ tɔri kiri wɔ ki ceeli.

Korɛntitɔnŋ kiri (1) 10:33

Míŋ yɛri ki i ǹʼma-a mìŋ ɲaan ki tɛ, ŋí i koŋ bataa dintɛ bi ki ma-ni, ŋí a ńʼtenŋ wɔ nafan ki ceeli-li kì, nka míŋ i koŋ mwɔɔnna nafan ki ceeli-la, nwɔma kí i so arì mwu-i.

Korɛntitɔnŋ kiri (1) 13:5

Ntiŋ i koŋ ɲaankwunbi ma-a kì, niŋ fa ntiŋ a tenŋ nafan ceeli-la kì. Ntiŋ tɔnkwulumaŋ di kì, ntiŋ tɛɛ tu-a a ciiru kì.

Korɛntitɔnŋ kiri (2) 1:5

Yibɛɛ i cɔɔri-ra ǹʼmwɔɔnna Kirisa bi ki ra ɲaan wɔ̀ tɛ, mìŋ ɲaan tenŋ ki tɛ, yibɛɛ i ǹʼwɔ siratubi ki ja-a yɔɔ ɲaninkulutɔnbi ki ru.

Filipitɔnŋ kiri 2:4

Á fa á yɛri nafan bantenŋ ceeli-li kì, nka koŋ fɔn tenŋ tenŋ a kaashi kiri nafan ki ceeli-li sɛbɛ.

Timote (2) 1:15

Miŋ ǹʼtɔ-i tu Asi sɔɔta ki ru tɔnŋ kiri bataa arì kaan míŋ tɛ. Fijɛli fa Erimojɛni fɔn i nini fan.

Timote (2) 3:2

Konaŋ ki a na ji amaŋ ɲaannajuutɔnŋ i, kɔ́ɔ́ jalinŋ bi ki i juuka jitan, kí i ji yɛrijitɔnŋ ni fa yɛriragbɛtɔnŋ ni i. Kí a na ji Kirinŋ tɔ litiiri fa jifinŋ wulu lamabali daŋ ni i, niŋ fa shɔɔrinŋ tɔbali li fa Kirinŋ jɛŋ kɛnibali li i.

Timote (2) 4:10

sabu Demasi a kila san-i míŋ na, ntiŋ i ǹʼpa juniɲa dintɛ bi jɛ kiri cɛfan, ntiŋ i tiri Tesaloniki kili ki ra. Keresansi, niŋ i tiri Galasi sɔɔta ki ru. Tite, niŋ i tiri Dalamasi sɔɔta ki ru.

Timote (2) 4:16

Míŋ jɔnɔ ki ta-i kitikwurutɔnŋ kiri ɲaanfɛ waarinŋ wɔ̀ ru, koŋ tɔri tenŋ tu míŋ cɛru kì, kí bataa arì san-i míŋ cɛfan. Míŋ i Kirinŋ nafɛ-a, ńʼtu Ŋì fa kí pa niŋ wu kì.