Filipitɔnŋ kiri 2:20 - Jɔ Biibili ki

²⁰ Míŋ fa mìntiŋ tenŋ pe ɲakilila ki i tenŋ i, yi i yi miiri-ri ábɛɛ bi ki ra.

Filipitɔnŋ kiri 2:20 Iomraidhean Croise

Yuhana 10:13

Niŋ sali ceelitɔnŋ ki miiri-ra saa kiri bira kì, sabu wari ceelitɔnŋ bantenŋ yɛ.

Yuhana 12:6

Yudasi niŋ bi-ri gbɛwɔ kiri sunmakwulupa bira kì, nka kwunŋ wuru-i, miŋ tu ntiŋ wuru jalinŋ kɛsu ki maritɔnŋ ki i, a wari wɔ̀ wɔri-ri ntiŋ tɛ, ntiŋ wuru niŋ daali-la.

Ɔrɔmutɔnŋ kiri 15:5

Kirinŋ wɔ̀ ki i tɔnsunfili ki fa cunadibi ki wɔri-ra, niŋ ncusun á i fu tenŋ sun, á i ji Yesu Kirisa rakitiiri i.

Korɛntitɔnŋ kiri (1) 16:10

A Timote ta so ábɛɛ tɛ waarinŋ wɔ̀ ru, á ǹʼma ɲaan bataa tɛ, á i ntiŋ siratu, sabu ntiŋ i Ŋuntiŋ ki tɛ baara ki ma-a, miŋ tu míŋ yɛrima ki.

Filipitɔnŋ kiri 2:2

á ńʼwɔ ciirudibi ki rafaa ńʼgbɛ, á i fu tenŋ sun, á i ámaŋ bidi ámaŋ tɛ, á i baara ki ma ámaŋ fan ciiru tenŋ fa ŋuŋ tenŋ na.

Filipitɔnŋ kiri 2:22

Ábɛɛ yɛrima kiri i ǹʼtɔ-a, tu Timote ǹʼji tu koŋ a so a gbɛ faa-a afinŋ nu, ntiŋ i ye míŋ tɛ Wulujii ki sunjo baara ki ra, miŋ tu daŋ i ye-a a tiŋ tɛ ɲaan wɔ̀ tɛ.

Kɔlɔsitɔnŋ kiri 4:11

Yesu tɔ wɔ̀ i dɔri-ri tu Yusitusi, niŋ i ábɛɛ co-a sɛbɛ. Niŋ shuru kiri bantenŋ i bilinatɔnŋ ni i, wɔ̀ri po-i Yawutu kiri ru, kí i baara ki ma-ni míŋ fan Kirinŋ wɔ Masabi ki bira. Kí cunadibi sinaŋ wɔri-i míŋ tɛ.

Timote (1) 1:2

míŋ i ka sɛbɛ ka wɔri tiri-ra miŋ Timote tɛ, minwɔ̀ i míŋ daŋ sɛlɛsɛli i bilinabi ki ru. Yibɛɛ Tiŋ Kirinŋ fa yi Ŋuntiŋ Yesu Kirisa shɔɔrinŋ ma nʼtɛ, ŋì i nʼsunmakwulupa, ŋì i ɲaanfɛfili wɔri nʼtɛ.

Timote (1) 4:6

A miŋ ji nʼtindaŋ kiri kali-la niŋ bi kiri ra, miŋ a ji Yesu Kirisa tɛ baara matɔnŋ shɔɔrinŋ i. Miŋ a ǹʼji niŋ ki ra, tu miŋ nʼɲini ki tɔnnafɛ-a bilinabi ki wu, niŋ fa tu miŋ tiri kɛɲɛ-a kalinŋ telimaan ki wu.

Timote (2) 1:5

Míŋ ɲakili tu-i mɔɔn bilinabi sɛlɛsɛli ki ra, ninwɔ̀ wuru miŋ ɲiŋ cɛɛnni Loyisi fa miŋ ɲiŋ Enisi ru miŋ jɛŋ. Míŋ bili-i ǹʼna tu mìŋ bilinabi ki miŋ yɛrima ki ru sɛbɛ.

Timote (2) 3:10

Nka, miŋ Timote, miŋ ǹʼpa-i míŋ cɛfan, ŋi i ńʼwɔ kalinŋ wɔrika ɲaan ki ja, ŋi i ńʼtirika ɲaan ki fa ńʼwɔ bi gbɛbilimaan kiri ja. Míŋ ńʼwɔ bilinabi ki ma-i ɲaan wɔ̀ tɛ, ŋí i ńʼtɔnsunfili ɲaan wɔ̀ tɛ, ŋí i ńʼwɔ bidintɛbi ki ma ɲaan wɔ̀ tɛ, niŋ fa ŋí i ńʼcunadi ɲaan wɔ̀ tɛ, ŋi i niŋ bataa ja.