Filipitɔnŋ kiri 2:2 - Jɔ Biibili ki

² á ńʼwɔ ciirudibi ki rafaa ńʼgbɛ, á i fu tenŋ sun, á i ámaŋ bidi ámaŋ tɛ, á i baara ki ma ámaŋ fan ciiru tenŋ fa ŋuŋ tenŋ na.

Filipitɔnŋ kiri 2:2 Iomraidhean Croise

Yuhana 3:29

« Cɛn fu ki ru, mari ki i a shinŋ ki wɔ, nwɔ̀ i marishinŋ ki wɔ wɔshuru ki i, niŋ i ji-a nmaŋ, marishinŋ ki wɔ wulu jii kiri i niŋ ciirudi-ri. Mɔ́ɔ́n ciirudibi ki i niŋ ɲaan ki tɛ, niŋ míŋ pyii-i.

Mabikiri 1:14

Kí bataa wuru dɛbɛ-a, kí i Kirinŋ nafɛ-ri cunadibi wu. Mari dama wuru kí fan, ŋì i bo Yesu ɲiŋ Mariyamu fa Yesu tindaŋ kiri sun.

Mabikiri 2:1

Pantikɔti shikaŋ ki so-i, bilinatɔnŋ kiri bataa rakɔlimaan i ji-i arìmaŋ fan.

Mabikiri 2:46

Jibi woo jibi, kí wuru ta-a Kirinfusinaŋ ki ra, kí i ta Kirinŋ nafɛ-ri ɲakilila tenŋ wu. Kí cunadi wuru niŋ na kusɛbɛ, niŋ fa, kí wuru arìmaŋ fu-a arɔɔ fu kiri ru, kí i bwuru ki rucɛn lu-li arìmaŋ tɛ, kí i arɔɔ nufinŋ kiri nu-ni arìmaŋ fan, ciirudibi fa sunjɛribi wu.

Mabikiri 5:12

Kabakobi ri fa taanmashɛ mwɔɔnna wuru ma-a cindaŋ kiri gbɛfɛ. Kí bataa wuru arìmaŋ nakɔli-la Kirinfusinaŋ ki tɔntɔɔ ki bɛɛ ru, ǹʼwuru bi-a nwɔ̀ tɛ tu Solomani wɔ Tɔntɔɔ.

Ɔrɔmutɔnŋ kiri 12:16

Á fu tenŋ sun. Á fa á yɛri ragbɛ-ri kì, á fa cɛɛn-ni bi sinaŋ sinaŋ ni cɛfan kì. Á fa á yɛri shɛɛli-li koŋ ɲakilitiŋ ni i kì.

Korɛntitɔnŋ kiri (1) 1:10

Ńʼtindaŋ ni, míŋ i ábɛɛ rafɛ-a, ńʼtu á ǹʼma yi Ŋuntiŋ Yesu tɔ ki bira, á i fu tenŋ sun. Á fa ncusun rukila ɲakili i de á faninmwuŋ kì. Á ɲakili kiri ji tenŋ áwɔ bi ma wɔ kiri bataa ra.

Korɛntitɔnŋ kiri (2) 13:11

Ayiwa ńʼtindaŋ ni, Kirinŋ tu á fan, ŋì i ɲaanfɛfili wɔri á tɛ! Á á cunadi, á i ji koŋ nafaamaan ni i. Á i ámaŋ cunadi-ri. Á á ɲakilila kiri ji tenŋ i, á i fu, a niŋ ma, bidintɛbitiŋ Kirinŋ ki, ninwɔ̀ i ɲaanfɛfilitiŋ Kirinŋ ki i, niŋ a tu ábɛɛ fan.

Korɛntitɔnŋ kiri (2) 2:3

Niŋ ki ra, míŋ i sɛbɛ wɔri ta ábɛɛ tɛ, nwɔma míŋ fa ta ábɛɛ tɔnfɔɔmaan ni kila kì, sabu ábɛɛ kiri kakan-i á i míŋ ciirudi. Míŋ bili-i ǹʼna, tu míŋ ciirudimaan ki ábɛɛ bataa ciirudibi i.

Korɛntitɔnŋ kiri (2) 7:7

Tite namaan ki ciirudibi ki bantenŋ i kì, nka ábɔɔ bi kiri niŋ yɛrima ki siratu-i ɲaan wɔ̀ tɛ, niŋ yibɛɛ bataa ɲakili sɔɔ-ɔ. Ntiŋ tu yibɛɛ tɛ tu míŋ fyii ábɛɛ wu, tu ábɛɛ ntɔri bi áwɔ bi fwuudemaan ki bira, tu á i míŋ bi ki pa á gbɛ fuuli la dɔɔ, niŋ bataa namamaan ki ǹʼbɛɛ bo-i mɔ́ɔ́n ciirudibi ki sun.

Filipitɔnŋ kiri 1:4

Míŋ ciirudimaan i Kirinŋ nafɛ-a ábɛɛ tɛ waarinŋ bataa ru, ńʼwɔ rafɛ kiri bataa ru,

Filipitɔnŋ kiri 2:16

Wulujii wɔ̀ i ɲaninkulutɔnbi ki wɔri-ra, á ta niŋ sunjo kí tɛ, a niŋ ma, ábɛɛ kiri ra na ji míŋ ŋununfɛshi sababu Yesu Kirisa na shikaŋ ki ru, á i ǹʼji tu mɔ́ɔ́n baara ki fa ńʼwɔ yɛlinŋ ki ji ǹʼtawɔ ɔ kì.

Filipitɔnŋ kiri 2:20

Míŋ fa mìntiŋ tenŋ pe ɲakilila ki i tenŋ i, yi i yi miiri-ri ábɛɛ bi ki ra.

Filipitɔnŋ kiri 4:2

Míŋ i ǹʼceeli-la Efodi fa Sɛtisi gbɛ, tu kí ǹʼma Ŋuntiŋ ki bira, kí i fu tenŋ sun.

Kɔlɔsitɔnŋ kiri 2:5

Hali míŋ ji ábɛɛ fan firi ki ra kì, míŋ i ábɛɛ fan ɲini ki ra, niŋ fa míŋ ciirudimaan yɛ waarinŋ bataa ru, ŋí i ǹʼja tu ábɛɛ fumaan a kusɛbɛ, niŋ fa á cɛrukɔlimaan i ji-i bilinabi ki ru Kirisa ra.

Tesalonikitɔnŋ kiri (2) 2:13

Míŋ tindaŋ ni, yibɛɛ kɔniŋ kakan-i yi i coolinŋ wɔri-ri Kirinŋ tɛ waarinŋ bataa ru ábɛɛ bira, Ŋuntiŋ ki ábɛɛ wɔ̀ri bidi-i a tɛ, sabu Kirinŋ ábɛɛ ɲaannashi-i kabi fɔlɔfɔlɔ, nwɔma a i á mwu Ɲiniwɔlinŋ ki wɔ sotinbi ki baraka ra, ninwɔ̀ ábɛɛ wu fɔɔ-ɔ áwɔ bilinabi ki bira sɛli ki ra.

Timote (2) 1:4

Miŋ ɲaannaju wɔ̀ po-i míŋ fa miŋ san waari ki ru yimaŋ na, a míŋ ɲakilila bo niŋ tɛ waarinŋ wɔ̀ ru, miŋ fyii i míŋ pa-a kusɛbɛ. Niŋ na, miŋ ja tɔ i míŋ pa-a sɛbɛ, nwɔma ŋí i ciirudibi sinaŋ kila.

Filimɔn 1:20

Sɛli ki ra, míŋ tindaŋ, ǹʼma Ŋuntiŋ ki bira, ŋi i míŋ ŋununabyɛ ka bi ka ru. Yibɔɔ tenbi ki bira Kirisa ra, ciirudibi wɔri ńʼtɛ.

Yuhana (2) 1:4

Míŋ ǹʼja-i tu, miŋ daŋ kiri bɛɛ ri tiri-ra sɛli sun, ŋì i kɛɲɛ Tiŋ Kirinŋ wɔ cinŋ bimaan ki wu, yibɛɛ ninwɔ̀ kila-i, niŋ míŋ ciirudi-i kusɛbɛ.

Yuhana (3) 1:4

A míŋ ǹʼnama tu míŋ daŋ kiri tiri kɛɲɛ-a Kirinŋ wɔ sɛli ki wu, niŋ i míŋ ciirudi-a, ŋì i fwuu finŋ bataa sun.