Filipitɔnŋ kiri 2:17 - Jɔ Biibili ki

¹⁷ Hali míŋ cunŋ ki ji-a kɔnkɔli, niŋ i sɔɔ ábɔɔ bilinabi baara ki i nafaa Kirinŋ ɲaanfɛ, míŋ a ńʼciirudi niŋ na, ŋí i ńʼyoori ábɛɛ bataa fan.

Filipitɔnŋ kiri 2:17 Iomraidhean Croise

Mabikiri 20:24

Niŋ fa a fɔn na, míŋ ńʼyɛri ki ɲini ki ja-a finŋ tɔri kì. Míŋ tɔnnabi ki i, nwɔma ŋí i so ńʼwɔ baara ki rakɔ-i. Ŋuntiŋ Yesu awɔ cinŋ wɔ̀ biye-i míŋ gbɛsun, tu míŋ Kirinŋ wɔ shɔɔrinŋ ki Wulujii ki sunjo konaŋ ki bataa tɛ, míŋ i ninki shɛɛli-la. »

Mabikiri 21:13

Nka Pooli tu yibɛɛ tɛ : « Nfɛnŋ na, ábɛɛ ŋuntan-ni kɔɔn, á i jurubi de-ri míŋ nu? Míŋ a ńʼtu ŋí i beeni Ŋuntiŋ Yesu bira, kí i ta ǹʼbi tu míŋ kɔlilama bantenŋ Yerusalɛmu wa? »

Ɔrɔmutɔnŋ kiri 12:1

Míŋ tindaŋ ni, a Kirinŋ ji ka shɔɔrinŋ sinaŋ ka ma yibɛɛ tɛ ka ɲaan ka tɛ, míŋ i ábɛɛ rafɛ-a, ńʼtu á á firi ki wɔri Kirinŋ tɛ miŋ tu saraka ɲaninkulutɔnŋ, nwɔ̀ bo-i Kirinŋ wɔ bo ru, ŋì i di Kirinŋ tɛ. Ninki i ábɔɔ Kirinŋ gbɛka ɲaan shɔɔrinŋ ki i.

Ɔrɔmutɔnŋ kiri 15:16

Kirinŋ míŋ ji-i Yesu Kirisa tɛ baara matɔnŋ i, ábɛɛ shiya tɔri kiri kanfɛ. Kirinŋ baara wɔ̀ biye-i míŋ gbɛsun, míŋ i niŋ ma-a, miŋ tu Kirinŋ tɛ sarakawɔrɔtɔnŋ, ŋí i Kirinŋ wɔ Wulujii ki sunjo-ri, nwɔma ábɛɛ i ji miŋ tu Kirinŋ dintɛ saraka, á i bo Kirinŋ wɔ bo ru, Ɲiniwɔlinŋ ki baraka ra.

Korɛntitɔnŋ kiri (2) 12:15

Finŋ woo finŋ kɔniŋ i míŋ gbɛ, míŋ a ńʼtu ŋí i niŋ bataa wɔri ábɛɛ bira, fɔ ŋì i ta bo ńʼyɛri ŋuniŋ ki sun. Á míŋ ábɛɛ bidi ńʼtɛ niŋ ɲaan ki tɛ, ninki i ǹʼbɛɛ san-a míŋ bidintɛka ki ra ábɛɛ tɛ wa?

Korɛntitɔnŋ kiri (2) 4:12

Niŋ ɲaan ki tɛ, yibɛɛ ɲinita kiri i yi gbɛfɛ waarinŋ bataa ru Kirinŋ wɔ Wulujii ki sunjomaŋ kiri ru, nwɔma ábɛɛ i ɲaninkulutɔnbi sɛlɛsɛli ki kila.

Korɛntitɔnŋ kiri (2) 6:10

Kí ɲaanna, yibɛɛ i makwulukoŋ ni i, nka yibɛɛ ciirudimaan yɛ waarinŋ bataa ru. Kí tu yi yɛlinkɔni ni i, nka yibɛɛ i koŋ mwɔɔnna ji-a fintiŋ ni i, kí tu yi gbɛwɔ ri i, nka finŋ bataa i ji yibɔɔ.

Korɛntitɔnŋ kiri (2) 7:4

Míŋ gbɛ faa-a ábɛɛ ru kusɛbɛ, ŋí i ńʼyɛri ragbɛ-ri ábɛɛ wu. Sɛli ki ra, míŋ i ɲaanfɛkwulu mwɔɔnna nu, nka míŋ ciirudi-i ábɛɛ bira.

Filipitɔnŋ kiri 1:20

Sɛli ki ra, míŋ i ninwɔ̀ saarashɛɛli-la, niŋ fa míŋ ńʼgbɛ bili-i ninwɔ̀ sun, míŋ a ɲaankwun fyewu kì, nka míŋ a tɔnnafurubi kila dɔɔ niŋ fa waarinŋ bataa ru, nwɔma míŋ ɲaninkulutɔnŋ i woo, míŋ beenimaan i woo, nɔɔri i bili Kirisa sun míŋ bira.

Filipitɔnŋ kiri 2:18

Mìŋ ɲaan tenŋ ki tɛ, ábɛɛ yɛrima kiri á ciirudi, á i á yoori míŋ fan.

Filipitɔnŋ kiri 2:30

sabu ntiŋ wuru juu-ra beeni Kirisa tɛ baara ki bira kɔ. Ntiŋ a tu-i, ntiŋ i a ɲini ki wɔri, ntiŋ i baara ma míŋ tɛ ábɛɛ ta ru.

Filipitɔnŋ kiri 4:18

Finŋ woo finŋ bi wuru míŋ na, míŋ yìrì bataa kila-i, ŋí i ji fintiŋ i. Kabi Epaforoditusi na-i yìrì wɔri míŋ tɛ, míŋ ńʼgbɛ faa-a, fɔ ŋì i fwuu a daŋ ki sun. Yìrì ji-i miŋ tu saraka shɔɔrinŋ, nwɔ̀ kini di-i Kirinŋ tɛ.

Kɔlɔsitɔnŋ kiri 1:24

Dɔnsaŋ, míŋ i ńʼyoori-ra ńʼwɔ cɔɔri kilamaan ki ra ábɛɛ bira, sabu nwɔ̀ cin wuru Kirisa wɔ cɔɔri ki ra, míŋ i niŋ nafaa-ra ńʼfiri ki wu, Kirisa firi ki tɛ, ninwɔ̀ i bilinatɔnŋ kwuru kiri i.

Tesalonikitɔnŋ kiri (1) 2:8

Ábɛɛ bidi wuru yibɛɛ tɛ kusɛbɛ, niŋ ki ra, yibɛɛ i yi tu yi i Kirinŋ wɔ Wulujii ki bi ábɛɛ tɛ, niŋ fa yi ji wuru-ra yi tu yi i yi ɲini ki wɔri ábɛɛ bira, sabu ábɛɛ bi ki gbɛ wuru yibɛɛ gbɛ kusɛbɛ.

Timote (2) 4:6

Míŋ kɔniŋ ji-i miŋ tu saraka kɔnkɔlimaan Kirinŋ tɛ kɔ, míŋ po san waari ki so-i ka juniɲa ka ru.

Pyɛɛri (1) 2:5

Mìŋ ɲaan tenŋ ki tɛ, ábɛɛ yɛrima kiri i miŋ tu kwɔ ɲaninkulutɔnŋ ni i, á ji Ɲiniwɔlinŋ ki wɔ fu ki tan kwɔ ri i, nwɔma á i ji sarakawɔrɔtɔnŋ ni i, á i saraka wɔri Kirinŋ tɛ, nwɔ̀ a di ǹʼtɛ Yesu Kirisa baraka ra.

Yuhana (1) 3:16

Yibɛɛ i bidintɛbi ki tɔ-a nwɔ̀ ra, niŋ i kaa tu : Kirisa a ɲini ki wɔri-i yibɛɛ bira, mìŋ ɲaan tenŋ ki tɛ, yibɛɛ yɛrima kiri kakan-i yi i yi ɲini kiri wɔri yi tindaŋ kiri bira.