Filipitɔnŋ kiri 2:16 - Jɔ Biibili ki

¹⁶ Wulujii wɔ̀ i ɲaninkulutɔnbi ki wɔri-ra, á ta niŋ sunjo kí tɛ, a niŋ ma, ábɛɛ kiri ra na ji míŋ ŋununfɛshi sababu Yesu Kirisa na shikaŋ ki ru, á i ǹʼji tu mɔ́ɔ́n baara ki fa ńʼwɔ yɛlinŋ ki ji ǹʼtawɔ ɔ kì.

Filipitɔnŋ kiri 2:16 Iomraidhean Croise

Matiyu 10:27

A míŋ nwɔ̀ bi ábɛɛ tɛ mancinŋ nu, á niŋ sunjo konaŋ ki tɛ sunŋ sarinŋ tɛ, nwɔ̀ bi-i ábɛɛ tɛ wulu tɔtɔɔlaaŋ nu, á tunpa tanka sun, á i niŋ sunjo.

Luki 12:8

« Míŋ i ǹʼbi-a ábɛɛ tɛ, ńʼtu koŋ woo koŋ a tu ǹʼna konaŋ kiri ɲaanna, tu afinŋ mɔ́ɔ́n, Koŋ Danshuru ki yɛrima ki a na tu Kirinŋ wɔ mɛlɛkɛn kiri ɲaanfɛ, ŋì i ǹʼbi tu nintiŋ afɔɔn.

Yuhana 6:63

Ɲini ki i ɲaninkulutɔnbi ki wɔri-ra, konanmini so-a bi dantenŋ na niŋ nu kì. Míŋ wulu wɔ̀ri bi-i ábɛɛ tɛ, nini i Ɲini fa ɲaninkulutɔnbi i.

Yuhana 6:68

Nka Simɔŋ wɔ̀ wuru dɔri-ra tu Pyɛɛri, niŋ i ntiŋ nupwulu tu : « Ŋuntiŋ, yibɛɛ faa-ra ta nkɛnŋ tɛ? Ɲaninkulutɔnbi kɔbali wulu kiri i ábɛɛ gbɛ.

Mabikiri 13:26

Niŋ kɔɔtɛ, Pooli tu : « Ńʼtindaŋ ni, ábɛɛ wɔ̀ri i Aburahamu nupo o, niŋ fa ábɛɛ shiya tɔri wɔ̀ri i kɛni-na Kirinŋ jɛŋ, Kirinŋ a tɔnŋ wɔri wuru koŋ mwu bi wɔ̀ bira, ǹʼyɔ niŋ wɔri-ra yibɛɛ kiri tɛ.

Korɛntitɔnŋ kiri (1) 1:8

Mìŋ Kirinŋ tenŋ ki a ábɛɛ pa tuka shɔ, fɔ ŋì i ta so waaci rakɔɔra kiri sun, nwɔma pɔlimaŋ fa na kila á ra, yibɛɛ Ŋuntiŋ Yesu Kirisa na shikaŋ ki ru kì.

Korɛntitɔnŋ kiri (1) 9:26

Ninki i ncin-a míŋ i bili-li, ńʼɲaniŋ ki i ji ńʼwɔ bili ki rakɔmaŋ ki sun. Míŋ i miŋ tu gbɛŋuŋ keetɔnŋ, nwɔ̀ awɔ gbɛŋuŋ ki kee-ra mani tawɔ ru kì.

Galasitɔnŋ kiri 2:2

Míŋ ta ŋuŋ ki wuru, ŋí i Kirinŋ wɔ wulu bimaan rafaa ńʼtɛ. Míŋ wuru Kirinŋ wɔ Wulujii ki sunjo-a shiya tɔri kiri kanfɛ ɲaan wɔ̀ tɛ, míŋ i niŋ bataa ɲaanbi, bilinatɔnŋ kwuru kiri jɛntɔnŋ kiri tɛ arì cinŋ i, nwɔma míŋ baara wɔ̀ ma fwuude-i, niŋ fa míŋ i nwɔ̀ ma-a, niŋ fa ji ǹʼtawɔ ɔ kì.

Galasitɔnŋ kiri 4:11

Míŋ i kɛni-na ńʼtu míŋ baara wɔ̀ bataa ma-i ábɛɛ kanfɛ, ńʼtu niŋ fa ji ǹʼgbansanŋ i kì.

Filipitɔnŋ kiri 1:10

nwɔma á i so shɔɔrinŋ ki ɲaannashi-i, á i ji koŋ fɔɔmaan pɔlibali li i, fɔ ŋì i ta so Kirisa na shikaŋ ki sun,

Filipitɔnŋ kiri 1:6

Míŋ bili-i ǹʼna tu Kirinŋ wɔ̀ ki baara shɔɔrinŋ ka tɔnpa-i ábɛɛ ciiru, ńʼtu mìnki a tu ábɛɛ fan, fɔ á i ǹʼnafaa, fɔ ŋì i ta so Yesu Kirisa na jibi ki sun.

Tesalonikitɔnŋ kiri (1) 2:19

Nkɛnŋ ni yibɛɛ gbɛbilimaŋ ki fa yi ciirudi ŋuŋ ki fa yɔɔ ŋununfɛshi ŋuŋ ki i Yesu Kirisa ɲaanfɛ? Ábɛɛ kiri niŋ i, Ŋuntiŋ Yesu ɲaanfɛ, a na shikaŋ ki ru kì wa?

Tesalonikitɔnŋ kiri (1) 3:5

Míŋ waa-a ábɛɛ fyii ki pa-i ńʼna, niŋ ki ra, ŋí i Timote cin, tu niŋ i ta á shɛɛli, nwɔma ŋí i so ábɔɔ bilinabi ki ɲaantɔ-i. Míŋ wuru kɛni-na, ńʼtu shitaanni fa ji ábɛɛ sunnɛɛn-ɛ, ŋì i á fɔni, yibɔɔ yɛlinŋ ki i ji ǹʼtawɔ ɔ kì.

Iburu kiri 4:12

Kirinŋ wɔ wulu ki ɲaninkulutɔnŋ yɛ, faan i ji ǹʼnu. Ǹʼtɔnŋ ki di-i, ŋì i fwuu baamwuru tɔnŋ fuuli kwuru bataa sun. Ŋì i de-a konaŋ nu, fɔ ŋì i so ciiru tɔnŋ ki fa ɲini ki rukila san-i arìmaŋ na, ŋì i so wɔ tɔnŋ yemaŋ kiri fa sɛmɛ ki sun, ŋì i konanmini ciiru ɲakili ki fa ntiŋ tɔnnabi ki rufɔɔ, ŋì i yìrì tɔ.

Pyɛɛri (1) 1:23

Kirinŋ ɲaninkulutɔnbi ŋunaŋ wɔ̀ wɔri-i ábɛɛ tɛ, ábɛɛ niŋ kila finŋ sababu ra, nwɔ̀ a gbɛ kì. Finŋ wɔ̀ gbɛ-a kì, ǹʼdumiŋ li-a kì, ábɛɛ ǹʼkila-i ninki sababu ra, niŋ i Kirinŋ wɔ wulu ki i, wulu ɲaninkulutɔnŋ yɛ, ŋì i rapwulu-la kì.

Yuhana (1) 1:1

Juniɲa cɛtu ki jɛŋ, nwɔ̀ wuru nmaŋ, yibɛɛ i nwɔ̀ rama, yi i nwɔ̀ ja yi ɲaninaŋ kiri ra, yi i nwɔ̀ shɛɛli, yi gbɛ ki i myɛ nwɔ̀ ra, niŋ i Wulu ki i, ninwɔ̀ i ɲaninkulutɔnbi ki wɔri-ra.

Jafinŋ ki 22:17

Ɲiniwɔlinŋ ki fa cɛnmaannaanŋ ki tu : « Na! » Tu Konwɔtiŋ ka wulu ka rama, ntiŋ yɛri ki ǹʼbi sɛbɛ tu : « Na! » Jumwunu i konwɔtiŋ wu, ntiŋ i na. Nwɔ̀tiŋ i ɲaninkulutɔnbi ju ki tɛ, ntiŋ ǹʼshi ǹʼgbansanŋ i.