Filipitɔnŋ kiri 2:15 - Jɔ Biibili ki

¹⁵ nwɔma á i ji koŋ fɔɔmaan pɔlibali li i, Kirinŋ daŋ pɔlibali li ka juniɲa ka ru koŋ kɛrimaan tɔɔnnufuru kiri kanfɛ. Á ncusun á sarinŋ ki i cu kí kanfɛ, miŋ tu lanpaŋ sarinŋ.

Filipitɔnŋ kiri 2:15 Iomraidhean Croise

Matiyu 10:16

Yesu tu : « Á ǹʼshɛɛli, míŋ i ábɛɛ cin ta-a miŋ tu saa ri ta-a kpalinŋ ni kanfɛ, á kɛrɛbi miŋ tu myɛɛn, á i ji miŋ tu kilaaŋ ni, áwɔ bi fa so koŋ sun kì.

Matiyu 17:17

Yesu tu kí tɛ : « Ábɛɛ koŋ jɛ bilinabali kari, míŋ a tu ábɛɛ fan fɔ waarinŋ danwɔ ru? Míŋ a ábɔɔ bi kiri kwun ńʼnu, fɔ ŋì i ta so waaci danwɔ sun? Á na daŋ ki wu kwumaŋ. »

Matiyu 5:45

A ábɛɛ ji niŋ ma-a, ábɛɛ ra ji á Tiŋ Kirinŋ daŋ ni i, ninwɔ̀ i kirinpɔli ki ra, sabu mìŋ i awɔ sunŋ ki po-a koŋ jɛ kiri fa koŋ shɔɔrinŋ kiri tɛ, ŋì i judaŋ ki wɔri-ri koŋ telimaan kiri fa koŋ telibali kiri tɛ.

Matiyu 5:48

Á ji koŋ nafaamaan ni i, miŋ tu ábɛɛ Tiŋ Kirinŋ wɔ̀ i kirinpɔli ki ra niŋ nafaa ɲaan wɔ̀ tɛ. »

Luki 1:6

Jakaliya fa awɔ mari Elisabɛti telimaan wuru-i Kirinŋ ɲaanfɛ. Kí kulumaan wuru Ŋuntiŋ Kirinŋ wɔ cinŋ bimaan kiri fa ǹʼwɔ sariya kiri bataa tɛ fɔɔbi wu.

Luki 6:35

Nka á á ɲa kiri bidi á tɛ, á i shɔɔrinŋ ma-ni kí tɛ. A kɔni ki ye, á fa niŋ ma shɛsan ɲakili wu kì. Niŋ na, ábɔɔ sali ki a mwɔ, niŋ fa ábɛɛ ra ji Kirinsinaŋ daŋ ni i, sabu niŋ i shɔɔrinŋ ma-a shɔɔrinŋ tɔbali kiri fa koŋ jɛ kiri tɛ.

Yuhana 5:35

Sɛli ki ra, Yuhana ji-i miŋ tu sifilɛn cumaan, nwɔ̀ sarinŋ i po-a ábɛɛ faninmwuŋ, nka ábɛɛ á ciirudi-i ǹʼsarinŋ ki tɛ, waarinŋ pyaanŋ bantenŋ nu.

Mabikiri 2:40

Pyɛɛri i kí waaju, ntiŋ i cunadi wulu mwɔɔnna tɔri ri bi kí tɛ. Ntiŋ wɔ wulu kiri ru, ntiŋ wuru ǹʼbi-a tu : « Á á yɛri kɔrɔshi jiintɔnŋ kiri wɔ maka jɛ ki ra, nwɔma á i á mwu. »

Mabikiri 20:30

Hali ábɛɛ ru kwumaŋ, ǹʼbɛɛ ri a na jɔrɔkɔ puru ri wu, kí i bilinatɔnŋ kiri bɛɛ ri sunnɛɛn bo arì cɛfan.

Ɔrɔmutɔnŋ kiri 16:19

Ábɛɛ Ŋuntiŋ ki wulu pa-i ɲaan wɔ̀ tɛ, konaŋ ki bataa i niŋ tɔ-a, ninki míŋ yɛrima ki ciirudi-i. Nka míŋ i ǹʼtɛ ábɛɛ i ji ɲakilitiŋ ni fa shɔɔrinŋ matiiri i, á i ji koŋ fɔɔmaan ni i, pɔlimaŋ nwɔ̀ri ra kì.

Korɛntitɔnŋ kiri (1) 1:8

Mìŋ Kirinŋ tenŋ ki a ábɛɛ pa tuka shɔ, fɔ ŋì i ta so waaci rakɔɔra kiri sun, nwɔma pɔlimaŋ fa na kila á ra, yibɛɛ Ŋuntiŋ Yesu Kirisa na shikaŋ ki ru kì.

Korɛntitɔnŋ kiri (2) 6:17

Niŋ ki ra, Ŋuntiŋ Kirinŋ tu awɔ konanbi ki tɛ tu : « Á po san kí kanfɛ, á i á san kí ra, á fa myɛ finŋ nɔɔmaan tɔri tenŋ na kì. A niŋ ma, míŋ a ji ábɛɛ tɛ.

Efɛsitɔnŋ kiri 5:27

Ŋì niŋ ma-i, nwɔma bilinatɔnŋ kwuru ki nɔɔritiŋ i so tu-i afinŋ ɲaanfɛ, nɔɔmaŋ walima mɔrɔmɔrɔmaŋ walima niŋ bishi fa ja ǹʼna kì, nka ǹʼfɔɔmaan fa ǹʼpɔlibali i ji-i.

Filipitɔnŋ kiri 1:10

nwɔma á i so shɔɔrinŋ ki ɲaannashi-i, á i ji koŋ fɔɔmaan pɔlibali li i, fɔ ŋì i ta so Kirisa na shikaŋ ki sun,

Filipitɔnŋ kiri 3:6

Míŋ cɛrukɔli wuru niŋ na, fɔ ŋí i egilisidaŋ kiri ɲaanfɛkwulu-li. Míŋ Yawutu kiri wɔ sariya ki pa wuru ɲaan wɔ̀ tɛ, koŋ wuru pɔlimaŋ ja-a míŋ na niŋ bi ru kì.

Tesalonikitɔnŋ kiri (1) 5:23

Dɔnsaŋ, ɲaanfɛfili ki i po-a Kirinŋ wɔ̀ gbɛ, tu niŋ yɛrima ki tu á fan áwɔ ɲaninkulutɔnbi ki bataa ru, ŋì i á mani ki bataa wu fɔɔ, á i ji ǹʼwɔ ri. Á ɲakili ki fa ɲini ki bataa fa á firi ki bataa pɔlibali i tu, fɔ ŋì i ta so yibɛɛ Ŋuntiŋ Yesu Kirisa pwulu na shikaŋ ki sun.

Timote (1) 3:10

Miŋ kí sunsunu sun, niŋ kɔɔtɛ, a pɔlimaŋ kila kí ra kì, kí i so bo-i egilisi ki ru cinŋ matɔnŋ ni i.

Timote (1) 3:2

Niŋ ki ra, egilisi jɛntɔnŋ ki kakan-i ntiŋ i ji koŋ pɔlibali i, shuru wɔ̀ a teli-i awɔ mari ki tɛ, ntiŋ fa a ɲaniŋ bo mari tɔri ru kì, yɛri rasɔɔtɔnŋ i, koŋ ɲakilitiŋ i, ntiŋ i ji koŋ sɔbɛ ɛ, ntiŋ i ji jɛshi shɔɔrinŋ i, ntiŋ i so konaŋ ni kali-i.

Timote (1) 5:14

Niŋ ki ra, míŋ a ǹʼbi tu kanimari bulaaŋ kiri shuru ri shi, kí i cɛn nini sun, kí i daŋ ni kila, kí i arɔɔ kaniŋ kiri gbɛrinpa-ri, nwɔma yi ɲa kiri fa yi rufyɛ wulu kila, kí i niŋ bi yi sun kì.

Timote (1) 5:20

A ǹʼbɛɛ ja ji bi pɔlimaan ma, jɛbi nintiŋ gbɛ konaŋ pyɛ kiri ɲaanna, nwɔma kɛmi i de nini nu.

Timote (1) 5:7

Miŋ kakan-i ŋi i kí ɲakilila bo niŋ bi kiri tɛ, nwɔma pɔlimaŋ fa kila kí tɔri ra kì.

Tite 1:6

Pɔlimaŋ fa kila niŋ cɛɛnni ki tɔri ra kì, ntiŋ i ji shuru u, wɔ̀ a teli-i awɔ mari ki tɛ, ntiŋ fa ji mari tɔri ceelitɔnŋ i kì, ntiŋ daŋ kiri i ji bilinatɔnŋ ni i, koŋ i a gbɛ faa-ra nwɔ̀ri ru. Kí tɔ jɛ fa bi de-ri konaŋ kiri tɔnŋ na arɔɔ kakaalibi fa arɔɔ kulubalibi bira kì.

Tite 2:10

Kí fa arì ŋununtiŋ kiri wɔ finŋ kiri kwun-ni kì. Kí ǹʼji kí wu tu arìbɛɛ koŋ sɔbɛ ri i, waaci bataa ru. A niŋ ma, kí a yibɛɛ Mwutɔnŋ Kirinŋ wulu ki gbɛ.

Tite 2:15

Miŋ kakan-i ŋi i konaŋ ki kali-li ka ɲaan ka tɛ, ŋi i kí racin, ŋi i kí siratu, ŋi i kí fɔnimaŋ kiri bi kí tɛ, ŋununtinbi wu, koŋ tɔri tenŋ fa miŋ nufyɛ kì.

Iburu kiri 7:26

Sarakawɔrɔtɔnŋ kiri ŋununtiŋ wɔ̀ bi wuru yibɛɛ ra, niŋ i mìntiŋ i. Wɔlinŋ yɛ, pɔlimaŋ ntiŋ na kì, ntiŋ bijɛ ma kì. Ntiŋ shi po san-i bijɛmatɔnŋ kiri kanfɛ, ntiŋ i fɛshi kirinpɔli la finŋ kiri bataa ŋununu.

Pyɛɛri (1) 2:12

Á á tirika ki tɔ koŋ tɔri kiri kanfɛ, nwɔma, hali kí ji ábɛɛ tɔ jɛ bi-a mani wɔ̀ ru, kí i á ji-ri bi kulinŋ matiiri i, kí i á mabi shɔɔrinŋ kiri ja. A niŋ ma, a Kirinŋ na a yɛri ji kí wu jibi wɔ̀, kí a na ǹʼgbɛ ábɔɔ mabi shɔɔrinŋ kiri bira.

Pyɛɛri (1) 2:9

Nka, ábɛɛ kɔniŋ i Kirinŋ wɔ shiya ɲaannashimaan a, á i ji sarakawɔrɔtɔnŋ masa ri i, niŋ fa shiya wɔlinŋ i, Kirinŋ nwɔ̀ ŋunsan-i, nwɔma ábɛɛ i awɔ shɔɔrinŋ mamaan kiri sunjo, afinŋ wɔ̀ ki ábɛɛ cɛɛn po san-i mancinŋ ki ru, a i na á wu awɔ manisarinŋ jii ki ru.

Pyɛɛri (2) 3:14

Niŋ ki ra, ńʼwɔ wɔshuru byii ri, ŋì i ábɛɛ tu niŋ sunsuu ki ra, á á banba á fɔɔmaan fa á pɔlibali i kila Kirinŋ ɲaanfɛ, ɲaanfɛfili ciiru.

Jafinŋ ki 2:5

Miŋ wuru ɲaan wɔ̀ tɛ sun, nʼɲakilila bo niŋ tɛ, ŋi i ntɔri bi, ŋi i pwulu nʼmabi jɔnɔ kiri sun. A miŋ niŋ ma kì, míŋ a na mɔɔn sifilɛnduŋ ki shi san a ta ru.

Jafinŋ ki 3:9

Ǹʼshɛɛli, shitaanni wɔ konanbi wɔ̀ i puru ki bi-a tu arìbɛɛ Yawutu ri i, niŋ i faa kí Yawutu ri i kì, míŋ a bi wɔ̀ ma nini wu, niŋ i kaa : míŋ a kí karaba, kí i arì kwushiri miŋ fɛ, a niŋ ma, kí a ǹʼtɔ tu miŋ bidi míŋ tɛ.