Filipitɔnŋ kiri 2:12 - Jɔ Biibili ki

¹² Niŋ ki ra, míŋ tindaŋ byii ri, á Kirinŋ wɔ wulu ki pa tu, miŋ tu ábɛɛ ǹʼma-i waarinŋ bataa ru ɲaan wɔ̀ tɛ. Ŋì i míŋ tu ábɛɛ kanfɛ, ábɛɛ ǹʼwulu pa-i ɲaan wɔ̀ tɛ, dɔnsaŋ míŋ maŋ narimaan ki i tu ábɛɛ ra, á ji ǹʼwulupatiiri i, ŋì i fwuu niŋ sun. Á á mwu bi ki baara ki ma Kirinŋ jɛŋ kɛmi fa sɛrɛsɛri wu.

Filipitɔnŋ kiri 2:12 Iomraidhean Croise

Matiyu 11:12

Ŋì i shi Wutɔnŋ Yuhana wɔ baara ki tɔnpa ki waaci ki sun, ŋì i na so dɔnsaŋ sun, kirinpɔlila Masabi ki i ceeli-la faan sun, koŋ wɔ̀ri sunfuru-i, niŋ kiri i ǹʼkila-a.

Matiyu 11:29

Á míŋ yɛsunsuu ki tɔnŋ ki shi bili á yɛ sun, á i ncusun míŋ i á kini, sabu míŋ tɔnsunfili-i, ǹʼsunjɛrimaan i ji-i sɛbɛ. A ábɛɛ niŋ ma, ábɛɛ ra ɲaanfɛfili kila.

Mabikiri 16:29

Niŋ na, nkasufu ki ɲaannasuutɔnŋ ki tu, kí na tuusarinŋ wɔri a tɛ, ntiŋ i a rukwulu tiri sɛrɛsɛri fan fu ki jɛntɛ, ntiŋ i ta a fɛɛn Pooli fa Silasi fɛ.

Mabikiri 9:6

Dɔnsaŋ, jɔrɔkɔ de kili ki ru, miŋ a nwɔ̀ ma, niŋ a ta bi miŋ tɛ nmaŋ. »

Ɔrɔmutɔnŋ kiri 2:7

Koŋ wɔ̀ri cɛrukɔli-i shɔɔrinŋ ma ki ra, kí i gbɛbi ki fa ŋununfɛshi ki fa ɲaninkulutɔnbi kɔbali ki ceeli-li, Kirinŋ a na ɲaninkulutɔnbi kɔbali ki wɔri nini tɛ.

Korɛntitɔnŋ kiri (1) 15:58

Niŋ ki ra, ńʼtindaŋ byii ri, á á cɛrukɔli kusɛbɛ, á fa kɛni kì, á Ŋuntiŋ ki tɛ baara ki ma cunadibi wu. Á bili ǹʼna, tu ábɛɛ baara wɔ̀ ma-a Ŋuntiŋ ki tɛ, tu niŋ bi tawɔ ɔ kì.

Korɛntitɔnŋ kiri (1) 2:3

Niŋ fa míŋ wuru ábɛɛ kanfɛ waarinŋ wɔ̀ ru, míŋ baraka ki kuru wuru ńʼyɛri ɲaanna, ŋí i kɛni-ni, ŋí i sɛrɛsɛrɛ-ri.

Korɛntitɔnŋ kiri (1) 4:14

Á fa npwulu-li tu míŋ ka sɛbɛ ka tan-a, ŋí i ábɛɛ ɲaankwun kì dɛ? Míŋ i ábɛɛ racin-a miŋ tu koŋ i a dintɛ daŋ nacin-a ɲaan wɔ̀ tɛ.

Korɛntitɔnŋ kiri (2) 7:15

Dɔnsaŋ, ábɛɛ bi ki gbɛ-i Tite gbɛ haali! Ábɛɛ bataa ntiŋ ŋununafuka shɔ-i, á i ntiŋ gbɛ, kɛmi fa gbɛbi wu ɲaan wɔ̀ tɛ, niŋ po san ntiŋ ciiru kì dɛ!

Efɛsitɔnŋ kiri 6:5

Ábɛɛ joŋ kiri, ŋununtiŋ wɔ̀ri i ábɛɛ ra ka juniɲa ka ru kwumaŋ, á nini wulu pa, á i baara ki ma kí tɛ kɛmi fa gbɛbi fa ciirufɔɔbi wu, miŋ tu ábɛɛ ra ji ǹʼma-a Kirisa yɛri ki tɛ.

Filipitɔnŋ kiri 1:27

A ǹʼji ɲaan finŋ woo finŋ tɛ, ábɛɛ kɔniŋ tiri kɛɲɛ Kirisa Wulujii ki wu, nwɔma a míŋ na ta ábɛɛ tɛ nmaŋ woo, walima a míŋ na ábɛɛ wulu lama woo, ábɛɛ banbamaan i ta kila, á fumaan i ji-i ɲakilila tenŋ wu, á i ye-ri ámaŋ tɛ bilinabi ki ŋununu kari ki ra, nwɔ̀ cɛ sɔɔ Wulujii ki sun.

Filipitɔnŋ kiri 1:29

Kirinŋ ka shɔɔrinŋ ka ma ábɛɛ tɛ, nwɔma á i bili bantenŋ tan Kirisa ra kì dɛ! Nka ŋì ǹʼma-i, nwɔma ábɛɛ i cɔɔri ǹʼbira sɛbɛ.

Filipitɔnŋ kiri 1:5

sabu ábɛɛ ji-i míŋ baara mashi ri i Wulujii ki bi bi ki ru, kabi fɔlɔfɔlɔ ŋì i na so dɔnsaŋ sun.

Filipitɔnŋ kiri 1:6

Míŋ bili-i ǹʼna tu Kirinŋ wɔ̀ ki baara shɔɔrinŋ ka tɔnpa-i ábɛɛ ciiru, ńʼtu mìnki a tu ábɛɛ fan, fɔ á i ǹʼnafaa, fɔ ŋì i ta so Yesu Kirisa na jibi ki sun.

Filipitɔnŋ kiri 2:19

Míŋ i ǹʼceeli-la Ŋuntiŋ Yesu baraka ra, ńʼtu pyaanniŋ míŋ a Timote bo ta ábɛɛ tɛ nmaŋ, ntiŋ i ta á shɛɛli, ntiŋ i na á ɲaan ki bi míŋ tɛ, nwɔma míŋ ɲakili ki i so sɔɔ.

Filipitɔnŋ kiri 4:1

Niŋ ki ra, míŋ tindaŋ byii ri, ábɛɛ wɔ̀ri ja tɔ i míŋ nu, niŋ fa ábɛɛ wɔ̀ri i míŋ ciirudi ŋuŋ ki fa míŋ ŋununfɛshi ŋuŋ ki i, ńʼwɔ wɔshuru ri, á á cɛrukɔli tu ka ɲaan ka tɛ Ŋuntiŋ ki wɔ saa ki fan.

Filipitɔnŋ kiri 4:15

Míŋ tindaŋ Filipitɔnŋ ni, ábɛɛ yɛrima kiri ǹʼtɔ-i, tu kabi Wulujii ki sunjorama ki tɔnpa waari ki ru míŋ gbɛ, míŋ i po san Maseduwanɛ sɔɔta ki ru, tu bilinatɔnŋ kwuru tɔri tenŋ ye míŋ tɛ a gbɛfɛfinŋ wu, kí i mɔ́ɔ́n cinŋ ki nafan kila kì. Ábɛɛ bantenŋ ǹʼma-i.

Tesalonikitɔnŋ kiri (1) 1:3

Ábɛɛ bi wɔ̀ri ma-i, ŋì i kɛɲɛ áwɔ bilinabi ki wu, niŋ fa ábɔɔ bidintɛbi ki ncin-i ábɛɛ baara wɔ̀ ma, niŋ fa ábɛɛ á gbɛ bili-i yibɛɛ Ŋuntiŋ Yesu Kirisa sun ɲaan wɔ̀ tɛ, á faan ki bataa wu, niŋ i yibɛɛ ɲakilila waarinŋ bataa ru yi Tiŋ Kirinŋ ɲaanfɛ.

Timote (2) 2:10

Niŋ ki ra, míŋ i bi bataa pa-ri ńʼna Kirinŋ wɔ koŋ ɲaannashimaan kiri bira, nwɔma nini yɛrima kiri i so arì mwu-i Yesu Kirisa baraka ra, niŋ fa kí i gbɛbi kɔbali ki kila.

Iburu kiri 12:1

Miŋ tu koŋ mwɔɔnna mwɔɔnna wɔ bilinabi ki wulu bi-i yibɛɛ tɛ, niŋ ki ra, finŋ woo finŋ a shii bo yibɛɛ sun, niŋ fa bijɛ wɔ̀ i yibɛɛ kanŋ kɔli-la, yi niŋ bataa tɔnbo. Manjanbili wɔ̀ bo-i yibɛɛ tɛ, yi yi cunadi, yi i niŋ bili ki tan.

Iburu kiri 4:1

Kirinŋ wɔ tɔnwɔri ki i a ta ru yibɛɛ tɛ, tu a ra yi de awɔ nufaanmaŋ ki ru, niŋ ki ra, á bataa kɛni, nwɔma koŋ tɔri tenŋ fa na tu kɔɔtɛ kì.

Iburu kiri 4:11

Niŋ ki ra, yi bataa yi banba, yi i de niŋ nufaanmaŋ ki ru, nwɔma koŋ tɔri tenŋ fa na ji Kirinŋ wulu pabali, ntiŋ i fɛɛn miŋ tu yibɛɛ tiŋ cɛɛnni kiri kì.

Iburu kiri 5:9

Ntiŋ wɔ bi kiri bataa rafaa waarinŋ wɔ̀ ru, nwɔ̀ri ntiŋ wulu pa-i, ntiŋ ji-i nini bataa gbɛ mwubi kɔbali wɔrɔtɔnŋ i.

Pyɛɛri (1) 2:11

Míŋ tindaŋ byii ri, ábɛɛ i juniɲa ka ru, miŋ tu jɛ saa fwuudetiiri. Niŋ ki ra, míŋ i ábɛɛ rafɛ-a, ńʼtu á firi ki dintɛ bi jɛ kiri tɔnbo. Niŋ firi dintɛ bi jɛ kiri i ɲini ki kari-ra.

Pyɛɛri (2) 3:18

Nka, á á banba, á i ǹʼbɛɛ bo-ri yibɛɛ Ŋuntiŋ fa yi Mwutɔnŋ Yesu Kirisa tɔbi ki fa ntiŋ wɔ shɔɔrinŋ ki sun. Nɔɔri ji ntiŋ wɔ dɔnsaŋ, niŋ fa waarinŋ bataa ru! Amiina!