Filipitɔnŋ kiri 2:1 - Jɔ Biibili ki

¹ Dɔnsaŋ, miŋ tu Kirisa i siratubi wɔri-ra, ǹʼwɔ bidintɛbi ki i cunadibi wɔri-ri, tenbi i kila-ri Ɲiniwɔlinŋ baraka ra, ábɛɛ i ámaŋ sunmakwulupa-ri, á i ámaŋ bidi-ri ámaŋ tɛ,

Filipitɔnŋ kiri 2:1 Iomraidhean Croise

Luki 2:25

Koŋ bɛɛ wuru Yerusalɛmu, nwɔ̀ tɔ wuru tu Simeyɔnŋ. Koŋ telimaan niŋ fa koŋ kulumaan wuru-i Kirinŋ saa ki bataa fan. Ntiŋ wuru Isirayɛli Mwutɔnŋ ki na jibi ki saarashɛɛli-la, niŋ fa Ɲiniwɔlinŋ ki wuru ntiŋ sun.

Yuhana 14:18

Míŋ a na ábɛɛ tu a cinancinŋ kanidaŋ ni sali kì, míŋ a ńʼpwulu na ábɛɛ tɛ.

Yuhana 14:27

Á fa á gbɛɛratɛɛ kì, á fa kɛni kì, sabu míŋ i ɲaanfɛfili tu-a ábɛɛ tɛ, míŋ i ńʼwɔ ɲaanfɛfili ki wɔri-ra ábɛɛ tɛ, míŋ ǹʼwɔri-ra juniɲa wɔ wɔrika ɲaan tɛ kì.

Yuhana 17:13

Nka míŋ a tiri ábɛɛ tɛ dɔnsaŋ, míŋ i ka wulu kari bi-a, ŋì i míŋ tu juniɲa nu, nwɔma ciirudibi wɔ̀ i míŋ nu, niŋ nafaamaan ki i ji kí ru.

Mabikiri 2:46

Jibi woo jibi, kí wuru ta-a Kirinfusinaŋ ki ra, kí i ta Kirinŋ nafɛ-ri ɲakilila tenŋ wu. Kí cunadi wuru niŋ na kusɛbɛ, niŋ fa, kí wuru arìmaŋ fu-a arɔɔ fu kiri ru, kí i bwuru ki rucɛn lu-li arìmaŋ tɛ, kí i arɔɔ nufinŋ kiri nu-ni arìmaŋ fan, ciirudibi fa sunjɛribi wu.

Mabikiri 4:32

Bilinatɔnŋ kiri bataa fu wuru-i, kí ɲakilila ki wuru tenŋ i, niŋ fa kí miiri ki i ji tenŋ i. Koŋ tɔri wuru ǹʼbi-a tu afinŋ gbɛfɛfinŋ kiri wuru a tenŋ wɔ kì. Nka kɔ́ɔ́ finŋ kiri bataa wuru kí furuba a.

Ɔrɔmutɔnŋ kiri 5:5

Niŋ gbɛbilimaŋ ki koŋ janfa-a kì, sabu Kirinŋ awɔ bidintɛbi ki bo-i yibɛɛ ciiru fɔ ŋì i ǹʼmwɔ Ɲiniwɔlinŋ ki baraka ra, ŋì ninwɔ̀ wɔri-i yibɛɛ tɛ.

Ɔrɔmutɔnŋ kiri 8:26

Niŋ ɲaan ki tɛ, Ɲiniwɔlinŋ ki i ye-a yibɛɛ tɛ yi waa ǹʼna bi kiri ra, sabu yibɛɛ ǹʼnafɛ tanka ɲaantɔ-a kì, nka Ɲiniwɔlinŋ ki yɛrima ki i nafɛ ki tan-a yibɛɛ tɛ, cɔɔn wulu li lu, koŋ so-a nwɔ̀ri bi-i kì.

Korɛntitɔnŋ kiri (1) 12:13

Sabu, miŋ tu ŋi Yawutu woo, ŋi shiya tɔri woo, ŋi joŋ walima ŋi joŋ i kì woo, yi bataa wu-i Ɲiniwɔlinŋ tenŋ baraka ra, nwɔma yi i ji firi tenŋ i. Yi bataa i ji mìŋ Ɲiniwɔlinŋ tenŋ ki kila.

Korɛntitɔnŋ kiri (1) 15:31

Ńʼtindaŋ ni, míŋ i beŋ ki wɔ sɔɔ ru jibi bataa, nka sɛli ki ra, míŋ i ńʼyɛri ragbɛ-a ábɛɛ wu yibɛɛ Ŋuntiŋ Yesu Kirisa baraka ra.

Korɛntitɔnŋ kiri (1) 3:16

Ábɛɛ ǹʼtɔ tu ábɛɛ Kirinfusinaŋ ki i, niŋ fa tu Kirinŋ Ɲini ki sɔɔ ábɛɛ ciiru kì wa?

Korɛntitɔnŋ kiri (2) 2:14

Míŋ i baraka bi-a Kirinŋ tɛ, sabu mìnki i yibɛɛ bo-a waarinŋ bataa ru so kilatɔnŋ kiri fan Kirisa baraka ra. Kirinŋ i yibɛɛ sɔɔ-ra, ŋì i Kirisa bi ki sunjo ta-ri mani ki bataa ru, miŋ tu ŋuŋ kini jii i mani ki bataa shi-a ɲaan wɔ̀ tɛ.

Galasitɔnŋ kiri 4:6

Yibɛɛ ji-i Kirinŋ daŋ ni i, sɛli ki ra. Niŋ ki ra, Kirinŋ a Danshuru ki ɲini ki bo yibɛɛ ciiru, nwɔ̀ i fali-la ŋì i bi-ri tu : « Yibɛɛ Tiŋ Baba! »

Galasitɔnŋ kiri 5:22

Nka Ɲiniwɔlinŋ ki i bi wɔ̀ bo-a koŋ tɔnŋ ki ra, niŋ i bidintɛbi, ciirudibi, ɲaanfɛfili, tɔnsunfili, shɔɔrinŋ, sunmakwulupa, telibi,

Efɛsitɔnŋ kiri 4:4

Firi tenŋ i nmaŋ, Ɲiniwɔlinŋ tenŋ fani i ji nmaŋ, miŋ tu Kirinŋ ábɛɛ dɔri-i gbɛbilimaŋ tenŋ bira ɲaan wɔ̀ tɛ.

Filipitɔnŋ kiri 1:8

Kirinŋ i míŋ shɛɛri ki i, tu ábɛɛ fyii ki míŋ wu dɔɔ, ŋì i kɛɲɛ Yesu Kirisa wɔ bidintɛbi ki wu.

Filipitɔnŋ kiri 3:3

Sabu, yibɛɛ wɔ̀ri i Kirinŋ gbɛ-a Ɲiniwɔlinŋ ki baraka ra, yibɛɛ kiri i kpeeri i, nwɔ̀ri sɔɔ-ɔ peefɛ sɛlɛsɛli ki ra. Yibɛɛ yi yɛri ragbɛ-a konanmini wɔ baara mamaan wu kì, nka Yesu Kirisa bi wɔ̀ ma-i yibɛɛ tɛ, yibɛɛ i yi ragbɛ-a niŋ wu.

Kɔlɔsitɔnŋ kiri 2:2

Míŋ i niŋ bataa ma-a, nwɔma nini i cunadibi kila, kí i fu tenŋ sun bidintɛbi ki baraka ra, Kirinŋ i shɔɔrinŋ ma kí tɛ, ŋì i ɲakilitinbi shɔɔrinŋ wɔri kí tɛ, kí i so awɔ gonto radumaan ki tɔ-i, ninwɔ̀ i Kirisa.

Kɔlɔsitɔnŋ kiri 3:12

Á ǹʼtɔ, tu Kirinŋ ábɛɛ ɲaannashi, á i ji awɔ konanbi wɔlinŋ i, á bi i ji di ǹʼtɛ kusɛbɛ. Niŋ ki ra, ábɛɛ yɛrima kiri ámaŋ sunmakwulupa, á i bi shɔɔrinŋ ma-ni ámaŋ tɛ, á i á sunjɛri ámaŋ tɛ, á i á tɔnsunfili ámaŋ tɛ, á i ámaŋ sunduuduu.

Iburu kiri 6:18

Niŋ ɲaan ki tɛ, Kirinŋ i bi rapwulubali fuuli ji yibɛɛ wu, ŋì a puru bi nwɔ̀ri ru fyewu kì. Niŋ bi kiri i cunadi bi sinaŋ ni i yibɛɛ gbɛ, yibɛɛ wɔ̀ri yi gbɛ faa niŋ gbɛbilimaŋ tɔnŋ wɔrimaan ki ru.

Pyɛɛri (1) 1:2

Tiŋ Kirinŋ ábɛɛ ɲaannashi-i kabi fɔlɔfɔlɔ, ŋì i kɛɲɛ awɔ bi gbɛbilika ɲaan ki wu, ŋì i á ji koŋ wu fɔɔmaan ni i Ɲiniwɔlinŋ ki baraka ra, nwɔma ábɛɛ i Yesu Kirisa wulu pa, ǹʼcunŋ kɔnkɔlimaan ki i á wu. Kirinŋ shɔɔrinŋ ma á tɛ, ŋì i ɲaanfɛfili wɔri á tɛ ǹʼmwɔɔnna!

Yuhana (1) 3:24

Koŋ woo koŋ i niŋ cinŋ bimaan kiri ma-a, nintiŋ i Kirinŋ fan, Kirinŋ i ji ntiŋ fan. Yibɛɛ ǹʼtɔ-a dɔɔkunŋ, tu yibɛɛ fa Kirinŋ yimaŋ fan? Kirinŋ Ɲiniwɔlinŋ ki wɔri-i yibɛɛ tɛ, niŋ ki ra, yibɛɛ i ǹʼtɔ-a tu ŋì yibɛɛ fan.

Yuhana (1) 4:12

A ŋi ǹʼbi tu Kirinŋ, koŋ tɔri tenŋ ɲaniŋ tu ǹʼna kì. Nka, a yibɛɛ yimaŋ bidi yimaŋ tɛ, niŋ i ǹʼji-a tu Kirinŋ yibɛɛ fan, niŋ fa tu ǹʼwɔ bidintɛbi ki rafaamaan ki i ji yi ru.

Yuhana (1) 4:16

Tiŋ Kirinŋ i yibɛɛ bidi-a a tɛ ɲaan wɔ̀ tɛ, yibɛɛ niŋ tɔ-i, yi fani i ji bili ǹʼna. Kirinŋ i bidintɛbi i. Bidintɛ bi ki faa koŋ woo koŋ nu, nintiŋ i Kirinŋ fan, Kirinŋ i ji ntiŋ fan sɛbɛ.