Filipitɔnŋ kiri 1:7 - Jɔ Biibili ki

⁷ Sɛli ki ra, míŋ kakan-i ŋí i ńʼmiiri-ri ábɛɛ bataa bira ka ɲaan ka tɛ, sabu ábɛɛ bi ki gbɛ-i míŋ gbɛ kusɛbɛ. Kirinŋ shɔɔrinŋ wɔ̀ ma-i míŋ tɛ, ábɛɛ á so ma-i niŋ bataa ru. Ábɛɛ i niŋ ma-a dɔɔ, ŋì i míŋ tu nkasu ki ru, niŋ fa á i ji ǹʼma-ni waarinŋ wɔ̀ ru, míŋ wuru Wulujii ki sunjo-a, ŋí i ǹʼsɛli ki ji-ri konaŋ kiri wu.

Filipitɔnŋ kiri 1:7 Iomraidhean Croise

Mabikiri 20:23

Míŋ i ka bantenŋ tɔ-a, míŋ de-i kili woo kili la, Ɲiniwɔlinŋ ki ǹʼji-i míŋ wu, tu nkasu ru bo fa ɲaanfɛkwulu míŋ jɛŋ.

Mabikiri 21:33

Surudashi ŋununtiŋ sinaŋ ki i na Pooli pa. Ntiŋ tu surudashi kiri Pooli kɔli jɔlɔkɔ fuuli wu. Pooli kɔlimaan ki kɔɔtɛ, surudashi ŋununtiŋ sinaŋ ki i nanɔri tan tu : « Nkɛnŋ? Wú nfɛnŋ ma? »

Korɛntitɔnŋ kiri (1) 13:7

Ntiŋ i koŋ bataa wɔ pɔli tu-a ntiŋ tɛ waaci bataa ru, ntiŋ i bili-la bi bataa ra, bi tɔri tenŋ ntiŋ gbɛɛratɛɛ-ra kì, ntiŋ i bi bataa pa-ri a ra.

Korɛntitɔnŋ kiri (1) 9:23

Míŋ bi bataa ma-a Wulujii ki bira, nwɔma ŋí i lu kila ǹʼtɔnɔ ki ra koŋ pyɛ kiri fan.

Korɛntitɔnŋ kiri (2) 3:2

Ábɛɛ yɛrima kiri i yibɛɛ tɔ shɔɔrinŋ ki sunjo sɛbɛ ki i, ninwɔ̀ sɛbɛ-i yibɛɛ ciiru tɔnŋ kiri ra, koŋ bataa ra so nwɔ̀ tɔ-i, kí i ǹʼkali.

Korɛntitɔnŋ kiri (2) 7:3

Míŋ i ka bi-a ábɛɛ tɛ, ŋí i ǹʼji tu ábɛɛ pɔli kì dɛ! Míŋ ǹʼbi-i ábɛɛ tɛ kɔ ńʼtu ábɛɛ bidi yibɛɛ tɛ haali. Finŋ tɔri tenŋ a so yibɛɛ san-i ábɛɛ ra pwɔkulinŋ ka sun kì, hali beŋ ki a so yibɛɛ fa ábɛɛ san-i yimaŋ na kì.

Galasitɔnŋ kiri 5:6

Sabu yibɛɛ wɔ̀ri bili-i Yesu Kirisa ra, nʼsɔɔpeefɛ woo, nʼsɔɔpeefɛ kì woo, niŋ bi sinaŋ i kì. Nwɔ̀ ki i bi sinaŋ ki i, niŋ i bilinabi i, nwɔ̀ i yibɛɛ po-a bi kiri ma sun bidintɛbi wu.

Efɛsitɔnŋ kiri 3:1

Niŋ ki ra, míŋ Pooli i Kirinŋ nafɛ-a ábɛɛ tɛ waarinŋ bataa ru. Míŋ i nkasu ru Yesu Kirisa tɔ ki bira, sabu míŋ i Wulujii ki sunjo-a ábɛɛ shiya tɔri kiri tɛ.

Efɛsitɔnŋ kiri 4:1

Mínwɔ̀ i nkasu ru Ŋuntiŋ Yesu tɔ ki bira, míŋ i ábɛɛ rafɛ-a, á tiri á i kɛɲɛ á dɔri ŋuŋ ki wu,

Efɛsitɔnŋ kiri 6:20

Hali míŋ ji nkasu ru dɔɔ, míŋ i Kirinŋ wɔ koŋ ɲaannashimaan i Wulujii ki birama ki tɛ, ninki bira, míŋ kɔlimaan yɛ jɔlɔkɔ ri ra. Niŋ ki ra, á Kirinŋ nafɛ míŋ tɛ, nwɔma míŋ i so wulubi-i ŋununsɔɔbi wu, miŋ tu ǹʼkakan-i ŋì i bi ɲaan wɔ̀ tɛ.

Filipitɔnŋ kiri 1:12

Ńʼtindaŋ ni, míŋ i ǹʼtɛ ńʼtu ábɛɛ i ǹʼtɔ, tu bi finŋ woo finŋ i míŋ kila-a kwumaŋ, ńʼtu niŋ i ǹʼtɔri san Kirinŋ wɔ Wulujii ki ta jɛŋ ki ra kì, nka ńʼtu nini bataa ji sababu, ŋì i ta jɛŋ.

Filipitɔnŋ kiri 1:13

Niŋ ɲaan ki tɛ, masa ki wɔ kubi ki ru tɔnŋ kiri fa koŋ tɔri kiri bataa ǹʼtɔ-i, tu míŋ kɔli bo nkasu ru jɔlɔkɔ ra Kirisa tɔ ki bira.

Filipitɔnŋ kiri 1:14

Mɔ́ɔ́n nkasu ru bo ki ji-i sababu bilinatɔnŋ mwɔɔnna i arì gbɛbilimaŋ ji Ŋuntiŋ ki i, kí i siratubi kila, kí i Kirinŋ wɔ wulu ki sunjo konaŋ kiri tɛ.

Filipitɔnŋ kiri 1:5

sabu ábɛɛ ji-i míŋ baara mashi ri i Wulujii ki bi bi ki ru, kabi fɔlɔfɔlɔ ŋì i na so dɔnsaŋ sun.

Filipitɔnŋ kiri 2:22

Ábɛɛ yɛrima kiri i ǹʼtɔ-a, tu Timote ǹʼji tu koŋ a so a gbɛ faa-a afinŋ nu, ntiŋ i ye míŋ tɛ Wulujii ki sunjo baara ki ra, miŋ tu daŋ i ye-a a tiŋ tɛ ɲaan wɔ̀ tɛ.

Filipitɔnŋ kiri 4:14

Niŋ fa a fɔn na, á ǹʼtɔ tu ábɛɛ bi shɔɔrinŋ ma, á i áwɔ lu shi mɔ́ɔ́n yɛlinŋ ki ru.

Filipitɔnŋ kiri 4:15

Míŋ tindaŋ Filipitɔnŋ ni, ábɛɛ yɛrima kiri ǹʼtɔ-i, tu kabi Wulujii ki sunjorama ki tɔnpa waari ki ru míŋ gbɛ, míŋ i po san Maseduwanɛ sɔɔta ki ru, tu bilinatɔnŋ kwuru tɔri tenŋ ye míŋ tɛ a gbɛfɛfinŋ wu, kí i mɔ́ɔ́n cinŋ ki nafan kila kì. Ábɛɛ bantenŋ ǹʼma-i.

Filipitɔnŋ kiri 4:3

Minwɔ̀ ji-i míŋ baara mashi sɔbɛ ɛ, míŋ i miŋ nafɛ-a, tu a ye kí tɛ, sabu kí yɛrima kiri yɛli-i míŋ fan Wulujii ki baara ki ra, ŋì i bo Kilema fa yi dɛbɛshi pyɛ kiri bataa sun, nini wɔ̀ri tɔ kiri i ɲaninkulutɔnbi sɛbɛ ki ru.

Kɔlɔsitɔnŋ kiri 4:18

Míŋ Pooli i ábɛɛ co-a, míŋ yɛri ki gbɛ ta i ka sɛbɛdaŋ kari dɔnsaŋ. Á á ɲakili tu ǹʼna, tu míŋ kɔlimaan a nkasu ru kwumaŋ. Kirinŋ shɔɔrinŋ ma á tɛ.

Kɔlɔsitɔnŋ kiri 4:3

Á Kirinŋ nafɛ-ri yibɛɛ yɛrima kiri tɛ sɛbɛ, nwɔma ǹʼyɛri ki i ye yibɛɛ tɛ, ŋì i ɲaan shɔɔrinŋ wɔri yi tɛ, yi i so wulubi-i, yi i Kirisa gonto ki sunjoka shɔ konaŋ kiri tɛ, ninwɔ̀ bira, míŋ i nkasu ru kwumaŋ.

Tesalonikitɔnŋ kiri (1) 5:5

Sabu ábɛɛ bataa i manisarinŋ daŋ ni i, niŋ fa suntɔnŋ daŋ ni i, yibɛɛ cii fa mancinŋ daŋ ni i kì.

Timote (2) 1:8

Yibɛɛ Ŋuntiŋ ki wulu ki sunjorama ki fa nʼɲaankwun kì. Nʼdumiŋ fa ɲaankwun míŋ wu kì, mínwɔ̀ i nkasudaŋ i, Ŋuntiŋ ki bira. Nka nʼtu, ŋi i cɔɔri míŋ sali Kirinŋ wɔ Wulujii ki bira, ŋi i nʼgbɛ bili Kirinŋ wɔ sotinbi ki sun.

Timote (2) 2:9

Niŋ Wulujii ki bira, míŋ i cɔɔri-ra, niŋ fa jɔlɔkɔ i ji ye míŋ na, miŋ tu bi kulinŋ matɔnŋ. Nka, Kirinŋ wɔ wulu ki kɔlimaan i kì.

Filimɔn 1:13

Ǹʼwuru-ra di míŋ tɛ, ŋí i wú tu ńʼkankantɛ kwumaŋ waaci wɔ̀ ru, míŋ i nkasu ru Kirinŋ wɔ Wulujii ki bira, wú i ńʼwɔ cinŋ kiri ma-ni miŋ ta ru,

Iburu kiri 3:1

Ńʼtindaŋ ni, Kirinŋ ábɛɛ dɔri-i, ŋì i á ji awɔ ri. Niŋ ki ra, yibɛɛ Yesu wɔ̀ tɔ-i cindaŋ i, niŋ fa sarakawɔrɔtɔnŋ kiri ŋununtiŋ sinaŋ i, bilinabi ki ru, á á ɲaniŋ da tu niŋ na.

Pyɛɛri (1) 4:13

Nka, ábɛɛ kakan-i á i á ciirudi, sabu ábɛɛ lu kila-i Kirisa wɔ cɔɔri ki ra, nwɔma a Kirisa na na awɔ nɔɔri ki wu waaci wɔ̀ ru, á i so á ciirudi-i, á i á yoori kusɛbɛ.

Pyɛɛri (1) 5:1

Bilinatɔnŋ cɛɛnni wɔ̀ri i ábɛɛ kanfɛ jɛnbi ki ra Kirinfu ki ru, míŋ a wulubi nini tɛ dɔnsaŋ. Míŋ a wulubi kí tɛ, sabu míŋ yɛri ki i bilinatɔnŋ cɛɛnni ki bɛɛ ɛ, ŋí i ji Kirisa wɔ ɲaanfɛkwulu ki shɛɛri i. Kirisa a na a nɔɔri wɔ̀ ji, míŋ a lu kila niŋ na sɛbɛ.

Pyɛɛri (2) 1:13

Ŋì i míŋ tu ńʼɲaanna, míŋ ǹʼja-i ńʼtu ǹʼshɔ, míŋ i tu ŋí i ábɛɛ ɲakilila bo-ri ka cunadi wulu kari wu.

Yuhana (1) 3:14

A yibɛɛ ji yi tindaŋ ki bidi-a yi tɛ, niŋ i ǹʼji-a tu yibɛɛ po san beŋ ki ru, yi i de ɲaninkulutɔnbi ŋunaŋ ki ru. Bidintɛ bi koŋ woo koŋ nu kì, nintiŋ tumaan yɛ beŋ ki ru.