Filipitɔnŋ kiri 1:6 - Jɔ Biibili ki

⁶ Míŋ bili-i ǹʼna tu Kirinŋ wɔ̀ ki baara shɔɔrinŋ ka tɔnpa-i ábɛɛ ciiru, ńʼtu mìnki a tu ábɛɛ fan, fɔ á i ǹʼnafaa, fɔ ŋì i ta so Yesu Kirisa na jibi ki sun.

Filipitɔnŋ kiri 1:6 Iomraidhean Croise

Yuhana 6:29

Yesu i kí rupwulu tu : « Kirinŋ dintɛ bi ki i tu afinŋ Kirinŋ koŋ wɔ̀ cin-i, tu á bili niŋ na. »

Mabikiri 11:18

Konaŋ ki niŋ wulu kiri rama-i waarinŋ wɔ̀ ru, kí tɔnŋ kiri i fili. Kí i Kirinŋ gbɛ tu : « Sɛli ki ra, Kirinŋ ncusun-i shiya tɔri kiri i so ntɔri bi-i arɔɔ bijɛ kiri ru, nwɔma kí i ɲaninkulutɔnbi ki kila. »

Mabikiri 16:14

Mari bɛɛ wuru kí ru, niŋ tɔ ki wuru tu Lidi. Nmari wuru po-a Tiyatiri, nmari i juulinŋ tɔtiŋ ni ju-ri. Nmari wuru Kirinŋ gbɛ-a. Niŋ mari ki Pooli wɔ wulu kiri rama-i waarinŋ wɔ̀ ru, Ŋuntiŋ ki i nmari ciiru ɲakili ki rawwulu, fɔ nmari i bili yìrì ra.

Korɛntitɔnŋ kiri (1) 1:8

Mìŋ Kirinŋ tenŋ ki a ábɛɛ pa tuka shɔ, fɔ ŋì i ta so waaci rakɔɔra kiri sun, nwɔma pɔlimaŋ fa na kila á ra, yibɛɛ Ŋuntiŋ Yesu Kirisa na shikaŋ ki ru kì.

Korɛntitɔnŋ kiri (2) 1:15

Míŋ bili wuru niŋ na fɔ ŋí i ǹʼbi ńʼtu míŋ a ta ábɛɛ tɛ sun, nwɔma míŋ fa ábɛɛ i yimaŋ ja kaan fuuli, Ŋuntiŋ ki wɔ shɔɔrinŋ ki i nafaa kaan fuuli.

Korɛntitɔnŋ kiri (2) 2:3

Niŋ ki ra, míŋ i sɛbɛ wɔri ta ábɛɛ tɛ, nwɔma míŋ fa ta ábɛɛ tɔnfɔɔmaan ni kila kì, sabu ábɛɛ kiri kakan-i á i míŋ ciirudi. Míŋ bili-i ǹʼna, tu míŋ ciirudimaan ki ábɛɛ bataa ciirudibi i.

Korɛntitɔnŋ kiri (2) 7:16

Míŋ yɛri ki ciirudimaan yɛ, sabu míŋ a so ńʼgbɛ bili-i ábɛɛ sun bi bataa bi ru.

Korɛntitɔnŋ kiri (2) 9:4

A niŋ ji-i kì, a Maseduwanitɔnŋ kiri bɛɛ ri na ta míŋ fan ábɛɛ tɛ, a kí ta fa ábɛɛ ramɔnimaan wu kì, niŋ a ji ɲaankwunŋ yibɛɛ gbɛ, koŋ ábɔɔ ki bi-a kili kì.

Galasitɔnŋ kiri 5:10

Nka niŋ fa a fɔn na míŋ ɲakili sɔɔmaan yɛ ábɛɛ bira Ŋuntiŋ ki baraka ra, ńʼtu ábɛɛ ra saa tɔri shi kì. Nka koŋ woo koŋ i ábɛɛ fɔni-na, Kirinŋ a kiti ki fɛɛn nintiŋ sun.

Efɛsitɔnŋ kiri 4:12

Ŋì niŋ bataa ma-i, nwɔma nini i ye Kirinŋ wɔ konanbi ki tɛ, kí i so ǹʼwɔ baara ki maka shɔ-i, ǹʼbɛɛ i bo Kirisa firi ki gbɛbi ki sun.

Filipitɔnŋ kiri 1:10

nwɔma á i so shɔɔrinŋ ki ɲaannashi-i, á i ji koŋ fɔɔmaan pɔlibali li i, fɔ ŋì i ta so Kirisa na shikaŋ ki sun,

Filipitɔnŋ kiri 1:29

Kirinŋ ka shɔɔrinŋ ka ma ábɛɛ tɛ, nwɔma á i bili bantenŋ tan Kirisa ra kì dɛ! Nka ŋì ǹʼma-i, nwɔma ábɛɛ i cɔɔri ǹʼbira sɛbɛ.

Filipitɔnŋ kiri 2:12

Niŋ ki ra, míŋ tindaŋ byii ri, á Kirinŋ wɔ wulu ki pa tu, miŋ tu ábɛɛ ǹʼma-i waarinŋ bataa ru ɲaan wɔ̀ tɛ. Ŋì i míŋ tu ábɛɛ kanfɛ, ábɛɛ ǹʼwulu pa-i ɲaan wɔ̀ tɛ, dɔnsaŋ míŋ maŋ narimaan ki i tu ábɛɛ ra, á ji ǹʼwulupatiiri i, ŋì i fwuu niŋ sun. Á á mwu bi ki baara ki ma Kirinŋ jɛŋ kɛmi fa sɛrɛsɛri wu.

Filipitɔnŋ kiri 2:13

Sabu Kirinŋ yɛrima ki i faan ki wɔri-ra ábɛɛ tɛ, á i so á tu-i, niŋ fa á i so kila, á i ǹʼdintɛ bi ki ma-ni.

Filipitɔnŋ kiri 2:16

Wulujii wɔ̀ i ɲaninkulutɔnbi ki wɔri-ra, á ta niŋ sunjo kí tɛ, a niŋ ma, ábɛɛ kiri ra na ji míŋ ŋununfɛshi sababu Yesu Kirisa na shikaŋ ki ru, á i ǹʼji tu mɔ́ɔ́n baara ki fa ńʼwɔ yɛlinŋ ki ji ǹʼtawɔ ɔ kì.

Kɔlɔsitɔnŋ kiri 2:12

Ábɛɛ fa Kirisa kwuu ki ye-i ámaŋ fan á wu shikaŋ ki ru, á i ŋmɛni ntiŋ fan, sabu ábɛɛ bili-i Kirinŋ wɔ sotinbi ki ra, ninwɔ̀ ntiŋ ŋmɛni-i.

Tesalonikitɔnŋ kiri (1) 1:3

Ábɛɛ bi wɔ̀ri ma-i, ŋì i kɛɲɛ áwɔ bilinabi ki wu, niŋ fa ábɔɔ bidintɛbi ki ncin-i ábɛɛ baara wɔ̀ ma, niŋ fa ábɛɛ á gbɛ bili-i yibɛɛ Ŋuntiŋ Yesu Kirisa sun ɲaan wɔ̀ tɛ, á faan ki bataa wu, niŋ i yibɛɛ ɲakilila waarinŋ bataa ru yi Tiŋ Kirinŋ ɲaanfɛ.

Tesalonikitɔnŋ kiri (2) 1:11

Niŋ ki ra, yibɛɛ i Kirinŋ nafɛ-a ábɛɛ tɛ waarinŋ bataa ru, nwɔma ŋì ábɛɛ dɔri-i ŋuŋ wɔ̀ ra, ábɛɛ i niŋ nafaa. Yi i ǹʼnafɛ-ri tu ŋì i awɔ sotinbi ki wɔri á tɛ, ábɛɛ ǹʼtɛ á i ǹʼdintɛ bi finŋ woo finŋ fa bilinabi ki ru bi shɔɔrinŋ finŋ woo finŋ ma, á i so niŋ ma-i, á i ǹʼnafaa.

Tesalonikitɔnŋ kiri (2) 3:4

Ŋuntiŋ ki ncin-i yibɛɛ i bili ǹʼna, tu yibɛɛ finŋ woo finŋ bi ábɛɛ tɛ, tu ábɛɛ bi kiri ma-a, ŋì i kɛɲɛ nini wu, tu á i ji-a tu yìrì ma-a mìŋ ɲaan ki tɛ.

Filimɔn 1:21

Míŋ gbɛ faa-a miŋ nu, tu miŋ koŋ sɔbɛ ɛ, niŋ ki ra míŋ bi ka sɛbɛ wɔri ta-ri miŋ tɛ. Míŋ bili-i ǹʼna, ńʼtu miŋ a ǹʼma ŋi i fwuu mɔ́ɔ́n bimaan ki sun.

Iburu kiri 10:35

Niŋ ki ra, á fa ncusun niŋ gbɛbilimaŋ ki i a mwu á wu kì, sabu sali sinaŋ i niŋ nu.

Iburu kiri 12:2

Yi yi ɲaniŋ kiri da tu yɔɔ bilinabi ki tɔnpatɔnŋ ki fa ǹʼnafaatɔnŋ ki, Yesu ra. Mìntiŋ ki beŋ ki pa-i a ra kpinkpisuu ki sun, ntiŋ niŋ ɲaankwunŋ ki shɛɛli finŋ i kì, sabu ciirudibi wɔ̀ wuru ntiŋ jɛŋ, ntiŋ ɲaniŋ wuru niŋ na. Dɔnsaŋ, ntiŋ sɔɔ-ɔ Kirinŋ wɔ masawaalinŋ ki pantɛ.

Pyɛɛri (1) 5:10

Nka, a ábɛɛ ɲaanfɛkwulu bi kila waaci pyaanŋ nu, Kirinŋ wɔ̀ ki i shɔɔrinŋ ki bataa tiŋ ki i, ninki a na ábɛɛ mwu, ŋì i á kɔɔ, ŋì i á baraka ki gbɛ, á i tuka shɔ bilinabi ki ru. Mìŋ Kirinŋ ki ábɛɛ dɔri-i, nwɔma a i á de awɔ nɔɔri kɔbali ki ru Kirisa wɔ tenbi ki bira.

Pyɛɛri (2) 3:10

Nka, Ŋuntiŋ ki wɔ jibi ki ra na bali konaŋ kiri ra, miŋ tu kwunŋ i bali-la koŋ na ɲaan wɔ̀ tɛ. Niŋ shikaŋ, kirinpɔli ki ra na juu-u shinwulu sinaŋ nu. Tuu sinaŋ i ǹʼciiru finŋ kiri jɛɛli, pwɔkulinŋ ki fa a sun finŋ kiri i bilituru kɔ.