Filipitɔnŋ kiri 1:5 - Jɔ Biibili ki

⁵ sabu ábɛɛ ji-i míŋ baara mashi ri i Wulujii ki bi bi ki ru, kabi fɔlɔfɔlɔ ŋì i na so dɔnsaŋ sun.

Filipitɔnŋ kiri 1:5 Iomraidhean Croise

Mabikiri 2:42

Kabi niŋ shikaŋ, niŋ koŋ kiri i tu arì rakɔli-la, kí i na-ni cindaŋ kiri wɔ wulu ki rama-ni. Kí i tu kalindaŋ kiri wɔ jɛn ki ru. Kí i bwuru ki rucɛn-ni arìmaŋ tɛ, niŋ fa kí i Kirinŋ nafɛ-ri arìmaŋ fan.

Ɔrɔmutɔnŋ kiri 11:17

Isirayɛlitɔnŋ kiri i miŋ tu ji ru olinfye jirinŋ kanŋ ni i. Kirinŋ niŋ kanŋ kiri wɔ̀ri bɛɛ ri kwuru-i, ŋì i juunŋ olinfye jirinŋ kanŋ ni kwuru, ŋì i na nini kɔli, niŋ ji ru olinfye jirinŋ kanŋ kwurumaan kiri ta ru. Niŋ juunŋ olinfye jirinŋ wɔ̀ i ábɛɛ shiya tɔri kiri i, ábɛɛ i niŋ ji ru olinfye jirinŋ ki kanaŋ ki fa a jɔɔ ki bɛɛ kila-a.

Ɔrɔmutɔnŋ kiri 12:13

So nwɔ̀ri gbɛ Kirinŋ wɔ konanbi ki ru kì, á ye nini tɛ á gbɛfɛfinŋ ni wu, á i á cunadi jɛ ri marimaanna ki ra.

Ɔrɔmutɔnŋ kiri 15:26

Sabu, Maseduwanɛ fa Akayi bilinatɔnŋ kiri fu-i ǹʼsun, tu arìbɛɛ ra ye Kirinŋ wɔ konanbi gbɛwɔ kiri tɛ, Yerusalɛmu kili ki ru, arì gbɛfɛfinŋ ni wu.

Korɛntitɔnŋ kiri (1) 1:9

Kirinŋ i dariwulutiŋ i, ŋì ábɛɛ dɔri-i, ŋì i á fa a Danshuru, yi Ŋuntiŋ Yesu Kirisa ji bimashi ri i.

Korɛntitɔnŋ kiri (2) 8:1

Yi tindaŋ ni, Kirinŋ shɔɔrinŋ wɔ̀ ma-i Maseduwanɛ sɔɔta ki ru bilinatɔnŋ kwuru kiri tɛ, yibɛɛ i ǹʼtɛ yi niŋ ɲaanbi ábɛɛ tɛ.

Efɛsitɔnŋ kiri 3:6

Niŋ gonto ki i tu Kirinŋ bi shɔɔrinŋ finŋ woo finŋ tɔnŋ wɔri awɔ konanbi ki tɛ, tu ábɛɛ shiya tɔri kiri lu kila niŋ na, á i dɛbɛ ji firi tenŋ i. Kirinŋ a tɔnŋ wɔri-i bi wɔ̀ ra Yesu Kirisa bira, ábɛɛ niŋ kila-i Wulujii ki sunjomaan ki bira.

Filipitɔnŋ kiri 1:12

Ńʼtindaŋ ni, míŋ i ǹʼtɛ ńʼtu ábɛɛ i ǹʼtɔ, tu bi finŋ woo finŋ i míŋ kila-a kwumaŋ, ńʼtu niŋ i ǹʼtɔri san Kirinŋ wɔ Wulujii ki ta jɛŋ ki ra kì, nka ńʼtu nini bataa ji sababu, ŋì i ta jɛŋ.

Filipitɔnŋ kiri 1:16

Nini i arɔɔ baara ki ma-a bidintɛbi wu, sabu kí ǹʼtɔ-i tu Kirinŋ míŋ ɲaannashi, ŋí i Wulujii ki sɛli ki ji konaŋ kiri wu.

Filipitɔnŋ kiri 1:27

A ǹʼji ɲaan finŋ woo finŋ tɛ, ábɛɛ kɔniŋ tiri kɛɲɛ Kirisa Wulujii ki wu, nwɔma a míŋ na ta ábɛɛ tɛ nmaŋ woo, walima a míŋ na ábɛɛ wulu lama woo, ábɛɛ banbamaan i ta kila, á fumaan i ji-i ɲakilila tenŋ wu, á i ye-ri ámaŋ tɛ bilinabi ki ŋununu kari ki ra, nwɔ̀ cɛ sɔɔ Wulujii ki sun.

Filipitɔnŋ kiri 1:7

Sɛli ki ra, míŋ kakan-i ŋí i ńʼmiiri-ri ábɛɛ bataa bira ka ɲaan ka tɛ, sabu ábɛɛ bi ki gbɛ-i míŋ gbɛ kusɛbɛ. Kirinŋ shɔɔrinŋ wɔ̀ ma-i míŋ tɛ, ábɛɛ á so ma-i niŋ bataa ru. Ábɛɛ i niŋ ma-a dɔɔ, ŋì i míŋ tu nkasu ki ru, niŋ fa á i ji ǹʼma-ni waarinŋ wɔ̀ ru, míŋ wuru Wulujii ki sunjo-a, ŋí i ǹʼsɛli ki ji-ri konaŋ kiri wu.

Filipitɔnŋ kiri 2:12

Niŋ ki ra, míŋ tindaŋ byii ri, á Kirinŋ wɔ wulu ki pa tu, miŋ tu ábɛɛ ǹʼma-i waarinŋ bataa ru ɲaan wɔ̀ tɛ. Ŋì i míŋ tu ábɛɛ kanfɛ, ábɛɛ ǹʼwulu pa-i ɲaan wɔ̀ tɛ, dɔnsaŋ míŋ maŋ narimaan ki i tu ábɛɛ ra, á ji ǹʼwulupatiiri i, ŋì i fwuu niŋ sun. Á á mwu bi ki baara ki ma Kirinŋ jɛŋ kɛmi fa sɛrɛsɛri wu.

Filipitɔnŋ kiri 2:22

Ábɛɛ yɛrima kiri i ǹʼtɔ-a, tu Timote ǹʼji tu koŋ a so a gbɛ faa-a afinŋ nu, ntiŋ i ye míŋ tɛ Wulujii ki sunjo baara ki ra, miŋ tu daŋ i ye-a a tiŋ tɛ ɲaan wɔ̀ tɛ.

Filipitɔnŋ kiri 4:3

Minwɔ̀ ji-i míŋ baara mashi sɔbɛ ɛ, míŋ i miŋ nafɛ-a, tu a ye kí tɛ, sabu kí yɛrima kiri yɛli-i míŋ fan Wulujii ki baara ki ra, ŋì i bo Kilema fa yi dɛbɛshi pyɛ kiri bataa sun, nini wɔ̀ri tɔ kiri i ɲaninkulutɔnbi sɛbɛ ki ru.

Filimɔn 1:17

Niŋ na, a miŋ ji míŋ ji-a nʼwɔ wɔshuru sɛli ki ra, wú pa miŋ tu míŋ.

Iburu kiri 3:14

A yibɛɛ yi banba tu yi gbɛbilimaŋ fɔɔmaan jɔnɔ ki sun, fɔ yi ta so ǹʼdaŋ ki ra, yibɛɛ ra ji Kirisa bi mashi ri i.

Pyɛɛri (2) 1:1

Míŋ Simɔŋ Pyɛɛri, Yesu Kirisa tɛ baara matɔnŋ, niŋ fa ntiŋ wɔ cindaŋ, míŋ i ka sɛbɛ ka cin ta-a ńʼkaashi bilinatɔnŋ kiri tɛ, nini wɔ̀ri fa yibɛɛ lu kila-i bilinabi sɔbɛ ki ru, Yesu Kirisa wɔ telibi ki bira, ninwɔ̀ i yibɔɔ Kirinŋ ki fa yi Mwutɔnŋ ki i.

Yuhana (1) 1:3

Niŋ ki ra, yibɛɛ nwɔ̀ ja-i, yi i nwɔ̀ rama, yibɛɛ i ninki sunjo-a ábɛɛ yɛrima kiri tɛ, nwɔma yibɛɛ fa ábɛɛ i ji tenŋ i. Yibɛɛ fa nwɔ̀ i yimaŋ fan, niŋ i Tiŋ Kirinŋ i, niŋ fa Danshuru wɔ̀ po-i Kirinŋ nu, Yesu Kirisa.

Yuhana (1) 1:7

Nka, a yibɛɛ ji tiri-ra manisarinŋ nu, miŋ tu Kirinŋ yɛrima ki i manisarinŋ nu ɲaan wɔ̀ tɛ, niŋ i ǹʼji-a tu yibɛɛ yimaŋ fan. A niŋ ma, Yesu, ninwɔ̀ i Kirinŋ Danshuru ki i, niŋ cunŋ ki a yibɔɔ bijɛ kiri bataa wu san yi ra.