Filipitɔnŋ kiri 1:29 - Jɔ Biibili ki

²⁹ Kirinŋ ka shɔɔrinŋ ka ma ábɛɛ tɛ, nwɔma á i bili bantenŋ tan Kirisa ra kì dɛ! Nka ŋì ǹʼma-i, nwɔma ábɛɛ i cɔɔri ǹʼbira sɛbɛ.

Filipitɔnŋ kiri 1:29 Iomraidhean Croise

Matiyu 16:17

Yesu tu ntiŋ tɛ : « Yonasi danshuru Simɔŋ, mɔɔn shɔ-i, sabu nwɔ̀ ka sɛli ka ji-i miŋ wu, niŋ konanmini ki, duu míŋ Tiŋ wɔ̀ i kirinpɔli ki ra.

Mabikiri 14:22

Niŋ kili kiri ra, kí wuru bilinatɔnŋ kiri siratu-a bilinabi ki ru, kí i kí racin-ni tu : « Waajibi yɛ tu cɔɔri mwɔɔnna yibɛɛ kila, yi i kila yi i de Kirinŋ wɔ Masabi ki ru. »

Mabikiri 14:27

Niŋ ki ra, Pooli fa Barinabasi arì pwulu de-i kili ki ru waarinŋ wɔ̀ ru, kí i bilinatɔnŋ kiri bataa rakɔli. Kí so-i bi wɔ̀ri ma-i Kirinŋ wɔ so ki ciiru, niŋ fa ŋì awɔ masabi ki tɔnŋ nawwulu-i shiya tɔri kiri tɛ ɲaan wɔ̀ tɛ, nwɔma kí i bili Yesu ra, kí i niŋ bataa rakali kí tɛ.

Mabikiri 5:41

Cindaŋ kiri i po san kitikwurumaŋ ki ru, kí i tiri. Kí ciirudi wuru-i, sabu kɔ́ɔ́ ɲaankwunŋ kilamaan ki Yesu bira, kí niŋ ji wuru gbɛbi i.

Ɔrɔmutɔnŋ kiri 5:3

Niŋ bantenŋ i kì, yi i yi ciirudi-a yi cɔɔri bi kiri bira sɛbɛ, sabu yibɛɛ ǹʼtɔ-i, tu cɔɔri ki cɛrukɔlibi wɔri-ra konanmini tɛ.

Efɛsitɔnŋ kiri 2:8

Ábɛɛ á mwu-i Kirinŋ wɔ shɔɔrinŋ ki baraka ra áwɔ bilinabi ki bira, niŋ po ábɛɛ yɛrima kiri ru kì, nka Kirinŋ wɔ kafinŋ yɛ.

Kɔlɔsitɔnŋ kiri 2:12

Ábɛɛ fa Kirisa kwuu ki ye-i ámaŋ fan á wu shikaŋ ki ru, á i ŋmɛni ntiŋ fan, sabu ábɛɛ bili-i Kirinŋ wɔ sotinbi ki ra, ninwɔ̀ ntiŋ ŋmɛni-i.

Yakuba 1:2

Ńʼtindaŋ ni, a cɔɔri finŋ woo finŋ á kila Yesu bira, á niŋ ji á ciirudi ŋuŋ i.

Pyɛɛri (1) 4:13

Nka, ábɛɛ kakan-i á i á ciirudi, sabu ábɛɛ lu kila-i Kirisa wɔ cɔɔri ki ra, nwɔma a Kirisa na na awɔ nɔɔri ki wu waaci wɔ̀ ru, á i so á ciirudi-i, á i á yoori kusɛbɛ.