Filipitɔnŋ kiri 1:28 - Jɔ Biibili ki

²⁸ Á fa ncusun ábɛɛ ɲa kiri i kɛmi de á ru ɲaan dantenŋ tɛ kì. Kíbɛɛ tirika ɲaan ki i ǹʼji-a, tu kí a haliki, nka ábɛɛ tirika ɲaan ki i ǹʼbi-ri, tu ábɛɛ mwu saa ki sun, tu niŋ i ji po-a Kirinŋ nu.

Filipitɔnŋ kiri 1:28 Iomraidhean Croise

Matiyu 10:28

Nwɔ̀ ri i firi ki bantenŋ kilɛn-a, kí dumiŋ so-a ɲini ki kilɛn-i kì, á fa kɛni nini jɛŋ kì. Nka, nwɔ̀ a so ábɛɛ firi ki fa á ɲini ki fɔn haliki-i jaanama ki ru, á kɛni niŋ jɛŋ.

Maraka 3:3

Yesu i ǹʼbi shuru gbɛ tenŋ furumaantiŋ ki tɛ tu : « Jɔrɔkɔ, ŋi i tu koŋ bataa ɲaanfɛ kwumaŋ. »

Luki 3:6

A niŋ ma, koŋ bataa ra na Kirinŋ wɔ koŋ mwuka ɲaan ki ja. › »

Yuhana 16:8

A niŋ na waarinŋ wɔ̀ ru, ŋì a na ǹʼji juniɲa nu tɔnŋ kiri wu tu kí fɔnimaan ni i bijɛ ki bi ki sun, kí i fɔni telibi ki bi ki sun niŋ fa Kirinŋ wɔ kiti ki bi ki sun sɛbɛ.

Mabikiri 28:28

Pooli tu kí tɛ sɛbɛ : « Á ǹʼtɔ tu Kirinŋ wɔ koŋ mwu bi ki so shiya tɔri kiri tɛ sɛbɛ. Nini kɔniŋ na ǹʼnama woo. »

Ɔrɔmutɔnŋ kiri 8:17

A yibɛɛ ji ǹʼdaŋ ni i, yibɛɛ i ǹʼkanishitɔnŋ ni i sɛbɛ. Yibɛɛ i Kirinŋ kanishitiiri i, yi fa Kirisa i ji kanishishi ri i, sabu a yibɛɛ ji cɔɔri Kirisa fan, yibɛɛ fa ntiŋ a nɔɔri ki kila yimaŋ fan sɛbɛ.

Tesalonikitɔnŋ kiri (1) 2:2

Ábɛɛ ǹʼtɔ-i tu kí yibɛɛ ki, niŋ fa kí i yi paka jɛ tan Filipi kili ki ru, nka niŋ fa a fɔn na, yibɛɛ yi gbɛ bili-i yɔɔ Kirinŋ ki sun, yi i ta Wulujii ki bi ábɛɛ tɛ kari mwɔɔnna faninmwuŋ.

Iburu kiri 13:6

Niŋ ɲaan ki tɛ, fɔ yibɛɛ ɲakili sɔɔmaan i so-a ǹʼbi-i tu : « Míŋ yentɛtɔnŋ ki i Ŋuntiŋ ki i, míŋ a kɛni finŋ dantenŋ jɛŋ kì, konanmini na so nfɛnŋ ma-i míŋ wu? »

Jafinŋ ki 2:10

Cɔɔri wɔ̀ri ra na miŋ kila, fa kɛni nini jɛŋ kì. Shitaanni a na ncusun kí i ábɛɛ bɛɛ ri pa bo nkasu ru, nwɔma a i á kɔrɔbɔ. Ábɛɛ ra na cɔɔri sunŋ byinŋ ciiru. Á tu bilinabi ki ru, fɔ ŋì i ta so á beŋ ki sun. A niŋ ma, míŋ a na ɲaninkulutɔnbi masabunfila ki wɔri ábɛɛ tɛ.