Filipitɔnŋ kiri 1:27 - Jɔ Biibili ki

²⁷ A ǹʼji ɲaan finŋ woo finŋ tɛ, ábɛɛ kɔniŋ tiri kɛɲɛ Kirisa Wulujii ki wu, nwɔma a míŋ na ta ábɛɛ tɛ nmaŋ woo, walima a míŋ na ábɛɛ wulu lama woo, ábɛɛ banbamaan i ta kila, á fumaan i ji-i ɲakilila tenŋ wu, á i ye-ri ámaŋ tɛ bilinabi ki ŋununu kari ki ra, nwɔ̀ cɛ sɔɔ Wulujii ki sun.

Filipitɔnŋ kiri 1:27 Iomraidhean Croise

Matiyu 12:25

Yesu wuru kí ciiru ɲakili ki tɔ-a, niŋ na, ntiŋ tu kí tɛ : « Kɛnindaŋ wɔ̀ri i arìmaŋ kari-ra, niŋ kɛniŋ ki a gwu. Kili walima kaniŋ wɔ̀ ru tɔnŋ ni fu kì, niŋ kili ki walima niŋ kaniŋ ki i gwu-a.

Mabikiri 2:46

Jibi woo jibi, kí wuru ta-a Kirinfusinaŋ ki ra, kí i ta Kirinŋ nafɛ-ri ɲakilila tenŋ wu. Kí cunadi wuru niŋ na kusɛbɛ, niŋ fa, kí wuru arìmaŋ fu-a arɔɔ fu kiri ru, kí i bwuru ki rucɛn lu-li arìmaŋ tɛ, kí i arɔɔ nufinŋ kiri nu-ni arìmaŋ fan, ciirudibi fa sunjɛribi wu.

Mabikiri 24:24

Sunŋ dama fwuudemaan kɔɔtɛ, kɛnintiŋ Felikisi i na awɔ mari ki wu. Niŋ mari ki wuru Yawutu u, nwɔ̀ tɔ wuru tu Durusili. Kí i koŋ bo ta Pooli dɔri na. Ntiŋ i na. Konanmini kakan-i ŋi i bili Yesu Kirisa ra ɲaan wɔ̀ tɛ, Pooli i niŋ bataa ɲaanbi kí tɛ.

Mabikiri 4:32

Bilinatɔnŋ kiri bataa fu wuru-i, kí ɲakilila ki wuru tenŋ i, niŋ fa kí miiri ki i ji tenŋ i. Koŋ tɔri wuru ǹʼbi-a tu afinŋ gbɛfɛfinŋ kiri wuru a tenŋ wɔ kì. Nka kɔ́ɔ́ finŋ kiri bataa wuru kí furuba a.

Ɔrɔmutɔnŋ kiri 1:16

Míŋ ɲaankwun-a Wulujii ki wu kì, sabu Kirinŋ wɔ sotinbi ki yɛ. Nwɔ̀ri bili-i ǹʼna, ŋì i nini mwu-a niŋ sotinbi ki baraka ra, ŋì i tɔnpa Yawutu kiri sun, nini kɔɔtɛ, ŋì i so shiya pyɛ kiri sun.

Ɔrɔmutɔnŋ kiri 1:5

Mìntiŋ ki bira, Kirinŋ shɔɔrinŋ ma-i yibɛɛ tɛ, ŋì i yi ji cindaŋ ni i, nwɔma yi i ye shiya kiri bataa tɛ, kí i a gbɛ, kí i bili a ra.

Ɔrɔmutɔnŋ kiri 1:9

Míŋ baara ki ma-a Kirinŋ wɔ̀ tɛ ńʼciiru tɔnŋ ki bataa wu, ŋí i ǹʼDanshuru ki Wulujii ki sunjo-ri, niŋ Kirinŋ ki i míŋ shɛɛri ki i, tu míŋ ńʼɲakili tu-a ábɛɛ bira ńʼwɔ rafɛ kiri bataa ru.

Ɔrɔmutɔnŋ kiri 10:8

Niŋ wulu ki i nwɔ̀ bi-a, niŋ i kaa : « Kirinŋ wɔ wulu ki i miŋ kankantɛ, ŋì i miŋ tɔnŋ na, ŋì i ji miŋ ciiru. » Niŋ wulu ki i bilinabi wulu ki i, yibɛɛ i ninwɔ̀ sunjo-a.

Ɔrɔmutɔnŋ kiri 15:16

Kirinŋ míŋ ji-i Yesu Kirisa tɛ baara matɔnŋ i, ábɛɛ shiya tɔri kiri kanfɛ. Kirinŋ baara wɔ̀ biye-i míŋ gbɛsun, míŋ i niŋ ma-a, miŋ tu Kirinŋ tɛ sarakawɔrɔtɔnŋ, ŋí i Kirinŋ wɔ Wulujii ki sunjo-ri, nwɔma ábɛɛ i ji miŋ tu Kirinŋ dintɛ saraka, á i bo Kirinŋ wɔ bo ru, Ɲiniwɔlinŋ ki baraka ra.

Ɔrɔmutɔnŋ kiri 15:29

Míŋ bili-i ǹʼna, ńʼtu míŋ na so ábɛɛ tɛ, ńʼtu yibɛɛ ra ta waaci wɔ̀ ma yimaŋ fan, ńʼtu Kirisa a baraka de niŋ nu ǹʼmwɔɔnna.

Korɛntitɔnŋ kiri (1) 1:10

Ńʼtindaŋ ni, míŋ i ábɛɛ rafɛ-a, ńʼtu á ǹʼma yi Ŋuntiŋ Yesu tɔ ki bira, á i fu tenŋ sun. Á fa ncusun rukila ɲakili i de á faninmwuŋ kì. Á ɲakili kiri ji tenŋ áwɔ bi ma wɔ kiri bataa ra.

Korɛntitɔnŋ kiri (1) 15:58

Niŋ ki ra, ńʼtindaŋ byii ri, á á cɛrukɔli kusɛbɛ, á fa kɛni kì, á Ŋuntiŋ ki tɛ baara ki ma cunadibi wu. Á bili ǹʼna, tu ábɛɛ baara wɔ̀ ma-a Ŋuntiŋ ki tɛ, tu niŋ bi tawɔ ɔ kì.

Korɛntitɔnŋ kiri (2) 13:11

Ayiwa ńʼtindaŋ ni, Kirinŋ tu á fan, ŋì i ɲaanfɛfili wɔri á tɛ! Á á cunadi, á i ji koŋ nafaamaan ni i. Á i ámaŋ cunadi-ri. Á á ɲakilila kiri ji tenŋ i, á i fu, a niŋ ma, bidintɛbitiŋ Kirinŋ ki, ninwɔ̀ i ɲaanfɛfilitiŋ Kirinŋ ki i, niŋ a tu ábɛɛ fan.

Korɛntitɔnŋ kiri (2) 4:4

Niŋ koŋ kiri bili-la Kirinŋ na kì, sabu ka juniɲa ka ŋununtiŋ ki, ninwɔ̀ i shitaanni ki i, ninki kí ciiru ɲakili kiri rala-i, nwɔma kí fa Kirinŋ wɔ Wulujii ki sarinŋ ki ja kì, niŋ Wulujii ki wɔ̀ i Kirisa nɔɔri ki ji-a, ninwɔ̀ i Kirinŋ ɲaan ki ji-a.

Korɛntitɔnŋ kiri (2) 9:13

Kí ábɔɔ yentɛfinŋ kari ja waarinŋ wɔ̀ ru, kí a ǹʼtɔ tu ábɛɛ koŋ kwuru wɔ̀ri i. Niŋ na, kí a Kirinŋ gbɛ ábɛɛ bira. Sabu, kí a ǹʼja tu ábɛɛ á tu Yesu Kirisa Wulujii ki ra, á i tiri-ri ǹʼwɔ saa ki fan, niŋ fa tu áwɔ gbɛrupilibi ki baraka ra, tu ábɛɛ á tu á i ye arìbɛɛ fa bilinatɔnŋ pyɛ kiri bataa tɛ.

Galasitɔnŋ kiri 1:7

Sɛli ki ra, Wulujii tɔri nmaŋ kì, nka konaŋ kiri bɛɛ ri i ǹʼtɛ arì i ábɛɛ fɔni. Kí i ǹʼtɛ arì i Kirisa wɔ Wulujii ki rapwulu ji ǹʼtɔri kwuru u.

Efɛsitɔnŋ kiri 1:13

Dɔnsaŋ, ábɛɛ yɛrima kiri wɔ ki ma-i mìŋ ɲaan tenŋ ki tɛ. Kabi ábɛɛ sɛli wulu ki rama-i, ninwɔ̀ i Wulujii ki i, ábɛɛ bili-i ǹʼna. Niŋ Wulujii ki ábɛɛ mwu-i. Ábɛɛ bili-i Yesu Kirisa ra, niŋ ki ra, Kirinŋ i taanmashɛ bo ábɛɛ ra. Niŋ taanmashɛ ki i Ɲiniwɔlinŋ ki i, ŋì a tɔnŋ wɔri wuru ninwɔ̀ bira. Niŋ mamaan ki ra, Kirinŋ ǹʼji-i tu yibɛɛ afɔɔn ni.

Efɛsitɔnŋ kiri 1:15

Ábɛɛ bili-i Yesu ra ɲaan wɔ̀ tɛ, niŋ fa ábɛɛ Kirinŋ wɔ wɔlinŋ kiri bidi-i á tɛ ɲaan wɔ̀ tɛ, míŋ niŋ bataa rama-i.

Efɛsitɔnŋ kiri 4:1

Mínwɔ̀ i nkasu ru Ŋuntiŋ Yesu tɔ ki bira, míŋ i ábɛɛ rafɛ-a, á tiri á i kɛɲɛ á dɔri ŋuŋ ki wu,

Filipitɔnŋ kiri 1:5

sabu ábɛɛ ji-i míŋ baara mashi ri i Wulujii ki bi bi ki ru, kabi fɔlɔfɔlɔ ŋì i na so dɔnsaŋ sun.

Filipitɔnŋ kiri 2:12

Niŋ ki ra, míŋ tindaŋ byii ri, á Kirinŋ wɔ wulu ki pa tu, miŋ tu ábɛɛ ǹʼma-i waarinŋ bataa ru ɲaan wɔ̀ tɛ. Ŋì i míŋ tu ábɛɛ kanfɛ, ábɛɛ ǹʼwulu pa-i ɲaan wɔ̀ tɛ, dɔnsaŋ míŋ maŋ narimaan ki i tu ábɛɛ ra, á ji ǹʼwulupatiiri i, ŋì i fwuu niŋ sun. Á á mwu bi ki baara ki ma Kirinŋ jɛŋ kɛmi fa sɛrɛsɛri wu.

Filipitɔnŋ kiri 2:24

Míŋ bili-i ǹʼna Ŋuntiŋ ki baraka ra, tu ŋì a cin kì, ńʼtu míŋ yɛri ki a ta po ábɛɛ tɛ nmaŋ.

Filipitɔnŋ kiri 3:18

Míŋ ka bi-i ábɛɛ tɛ kaan mwɔɔnna kɔ, nka míŋ a ńʼpwulu ǹʼsun ɲaannaju wu dɔɔ, ńʼtu koŋ mwɔɔnna wɔ ɲaninkulutɔnbi ki maka ki ǹʼji-a, tu kí Kirisa kpinkpisuu ki ɲa ni i.

Filipitɔnŋ kiri 3:20

Nka, nwɔ̀ i yibɛɛ, yibɛɛ i kirinpɔlila Masabi ki daŋ ni i, yi i ji yi Mwutɔnŋ ki, Ŋuntiŋ Yesu Kirisa na ki sunsuu-ra, ntiŋ i po nmaŋ.

Filipitɔnŋ kiri 4:1

Niŋ ki ra, míŋ tindaŋ byii ri, ábɛɛ wɔ̀ri ja tɔ i míŋ nu, niŋ fa ábɛɛ wɔ̀ri i míŋ ciirudi ŋuŋ ki fa míŋ ŋununfɛshi ŋuŋ ki i, ńʼwɔ wɔshuru ri, á á cɛrukɔli tu ka ɲaan ka tɛ Ŋuntiŋ ki wɔ saa ki fan.

Kɔlɔsitɔnŋ kiri 1:10

A niŋ ma, ábɛɛ tiri kɛɲɛ Ŋuntiŋ ki dintɛ bi ki wu, á mabi kiri i di ǹʼtɛ sɛbɛ, ábɛɛ ra so Kirinŋ dintɛ bi ki ma-i, á i mabi shɔɔrinŋ kwuru ki bataa ma, á i ta jɛŋ Kirinŋ tɔbi sɛlɛsɛli ki ra.

Kɔlɔsitɔnŋ kiri 1:4

sabu ábɛɛ bili-i Yesu Kirisa ra ɲaan wɔ̀ tɛ, niŋ fa ábɛɛ Kirinŋ wɔ wɔlinŋ kiri bidi-i á tɛ ɲaan wɔ̀ tɛ, yibɛɛ niŋ bataa rama-i.

Tesalonikitɔnŋ kiri (1) 3:6

Nka dɔnsaŋ, Timote yiri-i ábɛɛ tɛ, ntiŋ i so yibɛɛ tɛ kwumaŋ. Ntiŋ na-i ábɔɔ bilinabi ki niŋ fa áwɔ bidintɛbi ki ru wulu shɔɔrinŋ bi yibɛɛ tɛ. Ntiŋ tu ábɛɛ ɲakili yibɛɛ ra kusɛbɛ, niŋ fa tu yibɛɛ fyii ábɛɛ ru, miŋ tu ábɛɛ fyii ki i yibɛɛ ru ɲaan wɔ̀ tɛ.

Tesalonikitɔnŋ kiri (1) 4:1

Ńʼtindaŋ ni, ábɛɛ kakan-i á i tirika shɔ Kirinŋ ɲaanfɛ ɲaan wɔ̀ tɛ, yibɛɛ niŋ ɲaanji-i ábɛɛ wu kɔ, ábɛɛ yɛrima kiri i ji juu tiri-ra niŋ ɲaan ki tɛ kɔ. Yibɛɛ i nwɔ̀ ceeli-la ábɛɛ gbɛ dɔnsaŋ, niŋ i tu á ǹʼbɛɛ bo niŋ sun sɛbɛ.

Timote (1) 1:11

Niŋ kalinŋ sɔbɛ ki i po-a Shɔɔrintiŋ Kirinŋ wɔ Wulujii nɔɔritiŋ ki ru, Kirinŋ ninwɔ̀ biye-i míŋ gbɛsun.

Timote (1) 1:19

ŋi i nʼbanba, ŋi i tu bilinabi ki fa ciirufɔɔbi ki sun. Niŋ ciirufɔɔbi ki a mwu-i ǹʼbɛɛ ri wu, niŋ i ji sababu, kɔ́ɔ́ bilinabi ki i li.

Timote (2) 4:7

Míŋ kari shɔɔrinŋ tan-i. Míŋ manjanbili ki tan-i, ŋí i so ńʼtumaŋ ki ru, ŋí i tu bilinabi ki ru.

Tite 2:10

Kí fa arì ŋununtiŋ kiri wɔ finŋ kiri kwun-ni kì. Kí ǹʼji kí wu tu arìbɛɛ koŋ sɔbɛ ri i, waaci bataa ru. A niŋ ma, kí a yibɛɛ Mwutɔnŋ Kirinŋ wulu ki gbɛ.

Filimɔn 1:5

Sɛli ki ra, mɔɔn bilinabi ki Ŋuntiŋ Yesu ra, niŋ fa miŋ Kirinŋ wɔ konanbi ki bidi-i nʼtɛ ɲaan wɔ̀ tɛ, míŋ niŋ bataa rama-i.

Yakuba 3:18

Ɲaanfɛfili ki bidi-i nwɔ̀ri tɛ, nini i ɲaanfɛfili ki ɲɛɛn-na arì kankanfan ki ru, miŋ tu bilantu, kí i daŋ wɔ̀ kila-a ǹʼnu, niŋ i mabi telimaan ni i.

Pyɛɛri (2) 3:11

A niŋ finŋ kiri bataa ji-a na jɛɛli ka ɲaan ka tɛ, niŋ na, ábɛɛ kakan-i á i áwɔ ɲaninkulutɔnbi ki ji ǹʼwɔlinŋ i, á i ji Kirinŋ jɛŋ kɛnitiiri i,

Pyɛɛri (2) 3:14

Niŋ ki ra, ńʼwɔ wɔshuru byii ri, ŋì i ábɛɛ tu niŋ sunsuu ki ra, á á banba á fɔɔmaan fa á pɔlibali i kila Kirinŋ ɲaanfɛ, ɲaanfɛfili ciiru.

Yodasi 1:3

Ńʼwɔ wɔshuru byii ri, míŋ tɔnnabi wuru-i, ŋí i sɛbɛ wɔri ta ábɛɛ tɛ, míŋ fa ábɛɛ mwu bi ki bi sun. Míŋ ǹʼja-i tu míŋ kakan, ŋí i ǹʼsɛbɛ wɔri ta ábɛɛ tɛ dɔnsaŋ, ŋí i á racin, tu á á cɛrukɔli nwɔma á i bilinabi ki ŋununu kari tan. Kirinŋ ninwɔ̀ wɔri-i kaan tenŋ, awɔ konanbi wɔlinŋ ki tɛ, niŋ bishi tɔri ra ma kili kì.