Filipitɔnŋ kiri 1:26 - Jɔ Biibili ki

²⁶ A niŋ ma, míŋ na ńʼpwulu ta ábɛɛ tɛ, míŋ a ji sababu ábɛɛ i á yɛri ragbɛ ŋuŋ ŋunaŋ kila Kirisa baraka ra.

Filipitɔnŋ kiri 1:26 Iomraidhean Croise

Yuhana 16:22

Mìŋ ɲaan tenŋ ki tɛ, ábɛɛ yɛrima kiri gbɛɛratɛɛmaan yɛ dɔnsaŋ, nka míŋ a na ábɛɛ ja sɛbɛ, ábɛɛ ciiru ki a na di, koŋ a na so niŋ ciirudibi ki mwu-i ábɛɛ wu kì.

Yuhana 16:24

Ŋì i na so dɔnsaŋ sun, ábɛɛ finŋ tɔri rafɛ-i míŋ tɔ ki wu sun kì, á ǹʼnafɛ, ŋì a wɔri ábɛɛ tɛ, niŋ ɲaan ki tɛ, ábɔɔ ciirudibi ki a rafaa.

Korɛntitɔnŋ kiri (2) 5:12

Ŋì i miŋ tu yibɛɛ yi tɔ shɔɔrinŋ bi-a ábɛɛ tɛ sɛbɛ kì dɛ! Yibɛɛ i ɲaan wɔri-ra ábɛɛ tɛ, á i á ciirudi yibɛɛ wu kusɛbɛ, koŋ wɔ̀ri i arì yɛri ji-a ciiru tɔnnabi kiri wu kì, kí i arì ragbɛ bantenŋ tan-ni taanna finŋ ja wɔ̀ kiri wu, á i wulubimaŋ kila nini gbɛ.

Korɛntitɔnŋ kiri (2) 7:14

Míŋ ábɛɛ tɔ shɔɔrinŋ bi wuru ntiŋ tɛ kɔ, míŋ ŋununfɛshi kila-i niŋ nu. Yibɛɛ finŋ woo finŋ bi-i ábɛɛ tɛ, niŋ bataa i sɛli i. Mìŋ ɲaan tenŋ ki tɛ, yibɛɛ wulu finŋ woo finŋ bi-i Tite tɛ ábɛɛ bi sun, nini bataa ji-i sɛli i.

Korɛntitɔnŋ kiri (2) 7:4

Míŋ gbɛ faa-a ábɛɛ ru kusɛbɛ, ŋí i ńʼyɛri ragbɛ-ri ábɛɛ wu. Sɛli ki ra, míŋ i ɲaanfɛkwulu mwɔɔnna nu, nka míŋ ciirudi-i ábɛɛ bira.

Korɛntitɔnŋ kiri (2) 7:6

Nka Kirinŋ wɔ̀ i konanmini siratu-a, niŋ yibɛɛ siratu-i Tite namaan ki wu.

Galasitɔnŋ kiri 6:4

Koŋ fɔn tenŋ tenŋ a tirika ɲaan ki rufɔɔ, a ntiŋ a nagbɛ ŋuŋ kila, ntiŋ a ciirudi niŋ wu, ŋì i kɛɲɛ a yɛri ki tirika ɲaan ki wu, ntiŋ fa a yɛri pyi koŋ tɔri wu kì.

Filipitɔnŋ kiri 3:1

Ńʼtindaŋ ni, á á ciirudi á fa Ŋuntiŋ ki wɔ tenbi ki bira. Míŋ a yɛli niŋ bi kiri sɛbɛ wɔri ta ki ra ábɛɛ tɛ, ŋí i ńʼpwulu-li yìrì sun kì, yìrì ra ábɛɛ gbɛrinpa.

Filipitɔnŋ kiri 3:3

Sabu, yibɛɛ wɔ̀ri i Kirinŋ gbɛ-a Ɲiniwɔlinŋ ki baraka ra, yibɛɛ kiri i kpeeri i, nwɔ̀ri sɔɔ-ɔ peefɛ sɛlɛsɛli ki ra. Yibɛɛ yi yɛri ragbɛ-a konanmini wɔ baara mamaan wu kì, nka Yesu Kirisa bi wɔ̀ ma-i yibɛɛ tɛ, yibɛɛ i yi ragbɛ-a niŋ wu.

Filipitɔnŋ kiri 4:10

Míŋ i ńʼyoori-ra Ŋuntiŋ ki baraka ra kusɛbɛ, sabu ábɛɛ ǹʼji-i míŋ wu dɔɔ, tu ábɛɛ ra á ɲakili tu míŋ na sɛbɛ. Niŋ ɲakilila ki wuru ábɛɛ gbɛ nmaŋ sun, nka ábɛɛ maka ɲaan kila-ri ǹʼna sun kì.

Filipitɔnŋ kiri 4:4

Á á ciirudi waarinŋ bataa ru Ŋuntiŋ ki bira. Míŋ a ńʼpwulu ǹʼsun sɛbɛ, á á ciirudi.