Filipitɔnŋ kiri 1:25 - Jɔ Biibili ki

²⁵ Míŋ fani bili-i ǹʼna tu míŋ a tu juniɲa ka ru ábɛɛ fan sɛbɛ, nwɔma ábɛɛ i so baraka kila-i, á i ta jɛŋ, á i á ciirudi bilinabi ki ru.

Filipitɔnŋ kiri 1:25 Iomraidhean Croise

Luki 22:32

Nka míŋ Kirinŋ nafɛ-i miŋ Simɔŋ tɛ, nwɔma nʼwɔ bilinabi ki fa na li kì. A miŋ na ntɔri bi waarinŋ wɔ̀ ru, ŋi i nʼpwulu míŋ tɛ, ŋi i nʼtindaŋ kiri cunadi. »

Mabikiri 11:23

Barinabasi so-i nmaŋ waarinŋ wɔ̀ ru, ntiŋ i Kirinŋ wɔ baara mamaan ki ja bilinatɔnŋ kiri wu, niŋ i ntiŋ tɔnfili. Ntiŋ i bilinatɔnŋ kiri cunadi, tu kí ǹʼpa tu Ŋuntiŋ ki cɛfan tɔnnafurubi wu.

Mabikiri 14:22

Niŋ kili kiri ra, kí wuru bilinatɔnŋ kiri siratu-a bilinabi ki ru, kí i kí racin-ni tu : « Waajibi yɛ tu cɔɔri mwɔɔnna yibɛɛ kila, yi i kila yi i de Kirinŋ wɔ Masabi ki ru. »

Mabikiri 20:25

Pooli tu sɛbɛ : « Míŋ Kirinŋ wɔ Masabi wulu ki sunjo-i ábɛɛ finŋ woo finŋ tɛ, míŋ ǹʼtɔ-i dɔɔ ńʼtu ábɛɛ tɔri ɲaniŋ na bili míŋ sun kili kì.

Ɔrɔmutɔnŋ kiri 15:13

Yibɛɛ gbɛbilimaŋ ki i Kirinŋ wɔ̀, míŋ i niŋ nafɛ-a ńʼtu ŋì i ciirudibi fa tɔnsunfili wɔri á tɛ, bilinabi ki baraka ra, nwɔma á gbɛbilimaŋ ki i gbɛ kusɛbɛ Ɲiniwɔlinŋ ki wɔ sotinbi ki baraka ra.

Ɔrɔmutɔnŋ kiri 15:18

Yesu Kirisa nwɔ̀ ki ma-i míŋ gbɛfɛ, nwɔma shiya kiri i Kirinŋ gbɛ, a míŋ ji-a wulubi, míŋ a wulubi nini bantenŋ bi sun. Ŋì nini ma-i míŋ wulu fa ńʼmabi ri wu,

Ɔrɔmutɔnŋ kiri 15:29

Míŋ bili-i ǹʼna, ńʼtu míŋ na so ábɛɛ tɛ, ńʼtu yibɛɛ ra ta waaci wɔ̀ ma yimaŋ fan, ńʼtu Kirisa a baraka de niŋ nu ǹʼmwɔɔnna.

Ɔrɔmutɔnŋ kiri 5:2

Yibɛɛ i shɔɔrinŋ wɔ̀ ru dɔɔ, yibɛɛ de-i niŋ nu mìntiŋ ki baraka ra, yi i yi ciirudi-ri Kirinŋ wɔ nɔɔri ki tɛ, sabu yibɛɛ bili-i ǹʼna tu yibɛɛ ra niŋ bishi kila.

Korɛntitɔnŋ kiri (2) 1:24

Yibɛɛ ǹʼtɛ yi i ji ábɛɛ ŋununtiŋ ni i áwɔ bilinabi ki ru kì, sabu ábɛɛ kɔɔ bilinabi ki ru kɔ, nka yibɛɛ i ǹʼtɛ yi i baara ma ábɛɛ fan yi á ciirudi.

Filipitɔnŋ kiri 1:24

Nka, míŋ ɲaninkulutɔnŋ i tu ka juniɲa ka ru, nafan i niŋ nu ábɛɛ bira.

Filipitɔnŋ kiri 2:24

Míŋ bili-i ǹʼna Ŋuntiŋ ki baraka ra, tu ŋì a cin kì, ńʼtu míŋ yɛri ki a ta po ábɛɛ tɛ nmaŋ.

Filimɔn 1:22

Ka bataa kɔɔtɛ, ŋi i fudaŋ ki bɛɛ ramɔni míŋ tɛ nmaŋ, sabu Kirinŋ fa ábɔɔ rafɛ kiri baraka ra, ǹʼtu-i pyaanniŋ, kí i míŋ wɔri ábɛɛ tɛ.

Pyɛɛri (1) 1:8

Ábɛɛ ɲaniŋ tu Yesu ra kì, nka ntiŋ bidi-i ábɛɛ tɛ. Hali ábɛɛ ji ntiŋ ja-a kì, ábɛɛ bili-i ntiŋ na. Niŋ ki ra, ábɛɛ ciirudi-i, á i yoori-ri, daŋ i nwɔ̀ ra kì,