Filipitɔnŋ kiri 1:23 - Jɔ Biibili ki

²³ Míŋ ciiru ɲakili ki ɲaanmimaan yɛ bi fuuli bira. Míŋ ǹʼtɛ ŋí i tiri Kirisa tɛ, ŋí i ta tu ntiŋ fan nmaŋ, ninki a pari míŋ sun kusɛbɛ.

Filipitɔnŋ kiri 1:23 Iomraidhean Croise

Luki 12:50

Nka míŋ kakan-i ŋí i wu, ninwɔ̀ i cɔɔri sinaŋ i, nwɔ̀ kakan-i ŋì i míŋ kila sun. Míŋ ciirufɔnimaan yɛ, fɔ ŋì i ta so niŋ cɔɔri ki jibi ki sun.

Luki 23:43

Yesu tu ntiŋ tɛ : « Sɛli ki ra, míŋ i ǹʼbi-a miŋ tɛ, ńʼtu miŋ a de míŋ fan alijina ki ru mìŋ jiŋ. »

Luki 8:38

Koŋ kenemaan ki i Yesu rafɛ, tu a ra ta ntiŋ fan. Nka Yesu tu :

Yuhana 12:26

Konwɔtiŋ ji ǹʼtɛ a i baara ma míŋ tɛ, nintiŋ ǹʼpa míŋ cɛfan. Míŋ a ji mani wɔ̀ ru, míŋ tɛ baara matɔnŋ ki ra ji mìŋ mani ki ru. Konwɔtiŋ i baara ma-a míŋ tɛ, Tiŋ ki a baraka de nintiŋ nu. »

Yuhana 13:1

Jonbikɔ ɲaannabyɛ ki myɛmaan ki, Yesu ǹʼtɔ wuru tu afinŋ po san waaci ki so-ri juniɲa ka ru kɔ, a i tiri a Tiŋ Kirinŋ tɛ. Ntiŋ wɔ koŋ wɔ̀ri i juniɲa ka ru, ntiŋ i nini bidi wuru a tɛ, daŋ nwɔ̀ ra kì.

Yuhana 14:3

A míŋ ta mani ki ramɔni kɔ ábɛɛ tɛ waarinŋ wɔ̀ ru, míŋ a ńʼpwulu na ábɛɛ shi, á i ta tu ńʼfan niŋ mani ki ru nmaŋ.

Yuhana 17:24

Yesu tu sɛbɛ tu : « Míŋ Tiŋ, ábɛɛ kí wɔri-i míŋ tɛ, ǹʼdi-i míŋ tɛ míŋ fa kí i ji mani tenŋ nu, nwɔma ábɛɛ nɔɔri wɔ̀ wɔri-i míŋ tɛ, kí i niŋ ja, sabu ábɛɛ míŋ bidi-i á tɛ juniɲa cɛtu ki jɛŋ.

Mabikiri 7:59

Waarinŋ wɔ̀ ru, kí wuru Ecɛni jɛri-ra kwɔ ki ra, ntiŋ i rafɛ ka tan tu : « Ŋuntiŋ Yesu, míŋ ɲini ki mwu. »

Korɛntitɔnŋ kiri (2) 5:8

Yibɛɛ siratumaan yɛ waarinŋ bataa ru, ǹʼdi-i yibɛɛ tɛ yi i po san ka pwɔkulinŋ sun firi ka ru, yi i tiri kulu Ŋuntiŋ ki tɛ.

Korɛntitɔnŋ kiri (2) 6:12

Yibɛɛ yi kaan ábɛɛ bidi yi tɛ kì, nka yibɛɛ bidi ábɛɛ kiri tɛ kì.

Filipitɔnŋ kiri 1:24

Nka, míŋ ɲaninkulutɔnŋ i tu ka juniɲa ka ru, nafan i niŋ nu ábɛɛ bira.

Tesalonikitɔnŋ kiri (1) 2:1

Ńʼtindaŋ ni, ábɛɛ yɛrima kiri ǹʼtɔ-i tu yibɛɛ tamaan ki ji ǹʼgbansanŋ i ábɛɛ tɛ kì.

Tesalonikitɔnŋ kiri (1) 2:13

Yibɛɛ i baraka bi-a Kirinŋ tɛ waarinŋ bataa ru ábɛɛ bira, sabu yibɛɛ Kirinŋ wɔ wulu wɔ̀ bi-i ábɛɛ tɛ, ábɛɛ niŋ ji konanmini tɔnŋ na wulu gbansanŋ i kì. Ábɛɛ ǹʼji-i Kirinŋ dariwulu ki yɛrima ki i. Mìnki dumiŋ i ji-i sɛli ki ra. Ábɛɛ wɔ̀ri bili-i niŋ wulu ki ra, ŋì i baara ki ma-a ábɛɛ ciiru.

Tesalonikitɔnŋ kiri (1) 4:17

Niŋ kɔɔtɛ, a niŋ na fa yibɛɛ bilinatɔnŋ pyɛ wɔ̀ri wu yi ɲaanna, Ŋuntiŋ ki a na yibɛɛ fa kí shi, yi bataa i dɛbɛ fɛshi kirinpɔli ki ra, yi tunpa tiri Ŋuntiŋ ki ŋununafumaŋ ki ru loŋ kiri ru. Niŋ ɲaan ki tɛ, yi a tu Ŋuntiŋ ki fan waarinŋ bataa ru.

Timote (2) 4:6

Míŋ kɔniŋ ji-i miŋ tu saraka kɔnkɔlimaan Kirinŋ tɛ kɔ, míŋ po san waari ki so-i ka juniɲa ka ru.

Jafinŋ ki 14:13

Niŋ kɔɔtɛ, míŋ i wulu tɔri rama, ŋì i po kirinpɔli ki ra, tu : « Ǹʼsɛbɛ tu : ‹ Koŋ wɔ̀ri i beeni-a, ŋì i kí tu Ŋuntiŋ ki wɔ bilinabi ki ru, ŋì i shi dɔɔ, nini wɔ shɔ-i. › » Ɲiniwɔlinŋ ki tu : « Aawe, niŋ i sɛli i, kí a arì rufaan arɔɔ baara ki ra, sabu kí mabi shɔɔrinŋ kiri i kí cɛfan. »