Filipitɔnŋ kiri 1:21 - Jɔ Biibili ki

²¹ Sabu mɔ́ɔ́n ɲaninkulutɔnbi ki i ma-a Kirisa tɛ, ŋí i beeni ntiŋ bira, niŋ i ji pari ǹʼbataa wu.

Filipitɔnŋ kiri 1:21 Iomraidhean Croise

Korɛntitɔnŋ kiri (1) 1:30

Nka Kirinŋ baraka ra ábɛɛ fa Yesu Kirisa i tenŋ i. Kirinŋ Kirisa ji-i yibɛɛ fa ábɔɔ ɲakilitinbi ki fa yɔɔ telibi ki i. Kirinŋ i yibɛɛ ji-a koŋ fɔɔmaan ni i a ɲaanfɛ, ŋì i yi ji awɔ konanbi i, ŋì i yi mwu san-ni bijɛ ki wu Kirisa bira,

Korɛntitɔnŋ kiri (1) 3:22

Pooli woo, Apolɔsi woo, Pyɛɛri woo, juniɲa woo, ɲaninkulutɔnbi woo, beŋ woo, dɔnsaŋ finŋ kiri woo, finŋ naanna kiri woo, yìrì bataa i ábɛɛ kiri wɔ.

Korɛntitɔnŋ kiri (2) 5:1

Yibɔɔ pwɔkulinŋ sun firi kiri i miŋ tu mwuu ri. Yibɛɛ ǹʼtɔ-i tu niŋ mwuu ki li waarinŋ wɔ̀ ru pwɔkulinŋ ka sun, tu Kirinŋ a fu wɔri yibɛɛ tɛ kirinpɔli ki ra. Niŋ i ǹʼbi-a tu, a yibɛɛ beeni, Kirinŋ a firi tɔri wɔri yibɛɛ tɛ, ŋì i ninwɔ̀ ramɔni-i a yɛri ki gbɛɛra, niŋ firi ki dumiŋ li-a fɛsɛfɛsɛ kì.

Korɛntitɔnŋ kiri (2) 5:6

Niŋ ki ra, hali yibɛɛ ji ǹʼtɔ-a tu ŋì i yibɛɛ tu ka pwɔkulinŋ sun firi ka ru, tu yibɛɛ maŋ nari faa Ŋuntiŋ ki wɔ mani ki ra, yibɛɛ siratumaan yɛ waarinŋ bataa ru.

Korɛntitɔnŋ kiri (2) 5:8

Yibɛɛ siratumaan yɛ waarinŋ bataa ru, ǹʼdi-i yibɛɛ tɛ yi i po san ka pwɔkulinŋ sun firi ka ru, yi i tiri kulu Ŋuntiŋ ki tɛ.

Galasitɔnŋ kiri 2:20

Ábɛɛ i míŋ ja-a ɲaninkulutɔnbi wɔ̀ ru, á ǹʼtɔ tu mɔ́ɔ́n i kì, nka tu Kirisa wɔ ɲaninkulutɔnbi ki míŋ nu. Míŋ i niŋ ma-a Kirinŋ Danshuru ki ra bilinabi ki baraka ra. Mìntiŋ ki míŋ bidi-i a tɛ, ntiŋ i a yɛri wɔri beŋ ki tɛ míŋ bira.

Galasitɔnŋ kiri 6:14

Míŋ kɔniŋ na ńʼnagbɛ finŋ tɔri tenŋ bira yibɛɛ Ŋuntiŋ Yesu Kirisa kpinkpisuu ki ciniŋ kì. Niŋ kpinkpisuu ki bira, míŋ beeni-i juniɲa gbɛ, juniɲa i ji beeni míŋ gbɛ sɛbɛ.

Filipitɔnŋ kiri 1:20

Sɛli ki ra, míŋ i ninwɔ̀ saarashɛɛli-la, niŋ fa míŋ ńʼgbɛ bili-i ninwɔ̀ sun, míŋ a ɲaankwun fyewu kì, nka míŋ a tɔnnafurubi kila dɔɔ niŋ fa waarinŋ bataa ru, nwɔma míŋ ɲaninkulutɔnŋ i woo, míŋ beenimaan i woo, nɔɔri i bili Kirisa sun míŋ bira.

Filipitɔnŋ kiri 1:22

Nka a míŋ ɲaninkulutɔnŋ tu, a níŋ ji-a mɔ́ɔ́n Kirisa tɛ baara ki shɔ, míŋ ńʼɲaanna tɔ-a kili kì.

Filipitɔnŋ kiri 1:23

Míŋ ciiru ɲakili ki ɲaanmimaan yɛ bi fuuli bira. Míŋ ǹʼtɛ ŋí i tiri Kirisa tɛ, ŋí i ta tu ntiŋ fan nmaŋ, ninki a pari míŋ sun kusɛbɛ.

Filipitɔnŋ kiri 2:21

Koŋ pyɛ kiri bataa i arì miiri-ra arì yɛri bira, Kirisa bi ki kí san-a arì ɲaanna kì.

Kɔlɔsitɔnŋ kiri 3:4

Kirisa wɔ̀ i ábɔɔ ɲaninkulutɔnbi ki i, á niŋ na a yɛri ji jibi wɔ̀, ábɛɛ yɛrima kiri ra na ja ntiŋ fan niŋ waari ru a nɔɔri ki ru.

Jafinŋ ki 14:13

Niŋ kɔɔtɛ, míŋ i wulu tɔri rama, ŋì i po kirinpɔli ki ra, tu : « Ǹʼsɛbɛ tu : ‹ Koŋ wɔ̀ri i beeni-a, ŋì i kí tu Ŋuntiŋ ki wɔ bilinabi ki ru, ŋì i shi dɔɔ, nini wɔ shɔ-i. › » Ɲiniwɔlinŋ ki tu : « Aawe, niŋ i sɛli i, kí a arì rufaan arɔɔ baara ki ra, sabu kí mabi shɔɔrinŋ kiri i kí cɛfan. »