Filipitɔnŋ kiri 1:20 - Jɔ Biibili ki

²⁰ Sɛli ki ra, míŋ i ninwɔ̀ saarashɛɛli-la, niŋ fa míŋ ńʼgbɛ bili-i ninwɔ̀ sun, míŋ a ɲaankwun fyewu kì, nka míŋ a tɔnnafurubi kila dɔɔ niŋ fa waarinŋ bataa ru, nwɔma míŋ ɲaninkulutɔnŋ i woo, míŋ beenimaan i woo, nɔɔri i bili Kirisa sun míŋ bira.

Filipitɔnŋ kiri 1:20 Iomraidhean Croise

Yuhana 21:19

Pyɛɛri wuru-ra na beeni ɲaan wɔ̀ tɛ, nɔɔri i bili Kirinŋ sun, Yesu wuru ninki ɲaanbi-a niŋ wulu kiri ru. Niŋ kɔɔtɛ Yesu i ǹʼbi Pyɛɛri tɛ tu : « Ǹʼpa míŋ cɛfan! »

Mabikiri 20:24

Niŋ fa a fɔn na, míŋ ńʼyɛri ki ɲini ki ja-a finŋ tɔri kì. Míŋ tɔnnabi ki i, nwɔma ŋí i so ńʼwɔ baara ki rakɔ-i. Ŋuntiŋ Yesu awɔ cinŋ wɔ̀ biye-i míŋ gbɛsun, tu míŋ Kirinŋ wɔ shɔɔrinŋ ki Wulujii ki sunjo konaŋ ki bataa tɛ, míŋ i ninki shɛɛli-la. »

Mabikiri 21:13

Nka Pooli tu yibɛɛ tɛ : « Nfɛnŋ na, ábɛɛ ŋuntan-ni kɔɔn, á i jurubi de-ri míŋ nu? Míŋ a ńʼtu ŋí i beeni Ŋuntiŋ Yesu bira, kí i ta ǹʼbi tu míŋ kɔlilama bantenŋ Yerusalɛmu wa? »

Mabikiri 4:31

Kí Kirinŋ nafɛ kɔ-i waarinŋ wɔ̀ ru, kí rakɔli wuru mani wɔ̀ ru, niŋ i sɛrɛsɛri. Kí bataa i faa Ɲiniwɔlinŋ ki ra, kí i Kirinŋ wɔ wulu ki bi-ri tɔnnafurubi wu.

Ɔrɔmutɔnŋ kiri 12:1

Míŋ tindaŋ ni, a Kirinŋ ji ka shɔɔrinŋ sinaŋ ka ma yibɛɛ tɛ ka ɲaan ka tɛ, míŋ i ábɛɛ rafɛ-a, ńʼtu á á firi ki wɔri Kirinŋ tɛ miŋ tu saraka ɲaninkulutɔnŋ, nwɔ̀ bo-i Kirinŋ wɔ bo ru, ŋì i di Kirinŋ tɛ. Ninki i ábɔɔ Kirinŋ gbɛka ɲaan shɔɔrinŋ ki i.

Ɔrɔmutɔnŋ kiri 5:5

Niŋ gbɛbilimaŋ ki koŋ janfa-a kì, sabu Kirinŋ awɔ bidintɛbi ki bo-i yibɛɛ ciiru fɔ ŋì i ǹʼmwɔ Ɲiniwɔlinŋ ki baraka ra, ŋì ninwɔ̀ wɔri-i yibɛɛ tɛ.

Ɔrɔmutɔnŋ kiri 6:13

Á fa á firi ki mani dantenŋ tu bijɛ ki gbɛ, ŋì i niŋ ji telibalibi baara mafinŋ i kì. Nka, á á yɛri wɔri Kirinŋ tɛ, sabu ábɛɛ beeni wuru-i, nka dɔnsaŋ, ábɛɛ ɲaninkulutɔnbi ŋunaŋ kila-i. Niŋ na, á á firi ki bataa ji telibi ki wɔ baara mafinŋ i Kirinŋ tɛ.

Ɔrɔmutɔnŋ kiri 6:19

Míŋ i ka wulu ka bi-a kwumaŋ miŋ tu koŋ pyɛ kiri, ŋí i ǹʼkɛɲɛ ábɔɔ konanminibi bi ɲaantɔka ɲaan ki wu. Miŋ tu ábɛɛ á firi ki mani kiri bo wuru nɔɔkɔnɔbi fa juubi ki wɔ jonbi ki ru ɲaan wɔ̀ tɛ, á i bijɛ ki ma-ni, mìŋ ɲaan tenŋ ki tɛ, dɔnsaŋ, á á firi ki mani kiri bo telibi ki wɔ jonbi ki ru, á i á yɛri bo Kirinŋ wɔ bo ru.

Ɔrɔmutɔnŋ kiri 8:19

Kirinŋ a na a daŋ kiri ji jibi wɔ̀, Kirinŋ wɔ finŋ pomaan ki bataa kɔrɔtɔmaan i niŋ jibi ki sunsuu-ra.

Ɔrɔmutɔnŋ kiri 9:33

miŋ tu ǹʼsɛbɛ-i Kirinŋ wɔ wulu ki ru ɲaan wɔ̀ tɛ tu : « Míŋ a kanŋ nakwuru kwɔ sɔɔ-ɔ Siyɔn, faa yɛ, nwɔ̀ i koŋ fɛɛn-na. A konwɔtiŋ bili niŋ kwɔ ki ra, nintiŋ a ɲaankwun fyewu kì. »

Korɛntitɔnŋ kiri (1) 15:31

Ńʼtindaŋ ni, míŋ i beŋ ki wɔ sɔɔ ru jibi bataa, nka sɛli ki ra, míŋ i ńʼyɛri ragbɛ-a ábɛɛ wu yibɛɛ Ŋuntiŋ Yesu Kirisa baraka ra.

Korɛntitɔnŋ kiri (1) 6:20

Sabu Kirinŋ ábɛɛ ŋunsan-i kpaafuru ra, niŋ ki ra, á ǹʼgbɛ á firi kiri wu yɛri rasɔɔbi wu.

Korɛntitɔnŋ kiri (1) 7:34

Niŋ na, ntiŋ ciiru ɲakili ki i tu-a niŋ fɔɔnbi fuuli ki sun. Mìŋ ɲaan tenŋ ki tɛ, mari wɔ̀, walima maannaanŋ wɔ̀ cɛn-i sun kì, niŋ ciiru ɲakili ki i tu-a Ŋuntiŋ ki wɔ baara ki ra, nwɔma a i so a yɛri bataa wɔri-i Ŋuntiŋ ki tɛ. Nka nwɔ̀ cɛn-i, niŋ ciiru ɲakili ki i tu-a ka juniɲa ka ru finŋ kiri ra, a i a shinŋ ki dintɛ bi kiri ma.

Korɛntitɔnŋ kiri (2) 10:8

Ŋuntiŋ ki sotinbi wɔ̀ wɔri-i yibɛɛ tɛ, hali míŋ ji ńʼyɛri ragbɛka jitan-a pyaanniŋ niŋ wu, niŋ míŋ ɲaankwun-a kì, Ŋuntiŋ ki ǹʼwɔri-i yibɛɛ tɛ ábɔɔ jɛŋ ta ki bira, ŋì i ǹʼwɔri ábɛɛ halikirama bira kì.

Korɛntitɔnŋ kiri (2) 3:12

Yibɛɛ gbɛbilimaŋ ki i niŋ bi kiri, niŋ ki ra, yibɛɛ ɲakili sɔɔmaan yɛ waarinŋ bataa ru.

Korɛntitɔnŋ kiri (2) 4:10

Kí i yibɛɛ kilɛnmaŋ ceeli-la waarinŋ bataa ru, miŋ tu kí Yesu kilɛn-i ɲaan wɔ̀ tɛ. Nka Kirinŋ i yibɛɛ mwu-a, nwɔma konaŋ kiri i Yesu wɔ ɲaninkulutɔnbi ki ja yibɛɛ firi kiri ru, kí i ǹʼtɔ tu ntiŋ ɲaninkulutɔnŋ i.

Korɛntitɔnŋ kiri (2) 5:15

Ntiŋ beeni-i konaŋ ki bataa ta ru, nwɔma tu nwɔ̀ri i arì ɲaanna, nini fa tiri ŋì i kɛɲɛ arì dintɛ bi wu kili kì, nka kí i tiri ŋì i kɛɲɛ Yesu dintɛ bi kiri wu, nka ŋì i ma-a Yesu tɛ, ninwɔ̀ beeni-i ntiŋ i ŋmɛni kí bira.

Korɛntitɔnŋ kiri (2) 7:14

Míŋ ábɛɛ tɔ shɔɔrinŋ bi wuru ntiŋ tɛ kɔ, míŋ ŋununfɛshi kila-i niŋ nu. Yibɛɛ finŋ woo finŋ bi-i ábɛɛ tɛ, niŋ bataa i sɛli i. Mìŋ ɲaan tenŋ ki tɛ, yibɛɛ wulu finŋ woo finŋ bi-i Tite tɛ ábɛɛ bi sun, nini bataa ji-i sɛli i.

Korɛntitɔnŋ kiri (2) 7:4

Míŋ gbɛ faa-a ábɛɛ ru kusɛbɛ, ŋí i ńʼyɛri ragbɛ-ri ábɛɛ wu. Sɛli ki ra, míŋ i ɲaanfɛkwulu mwɔɔnna nu, nka míŋ ciirudi-i ábɛɛ bira.

Filipitɔnŋ kiri 1:14

Mɔ́ɔ́n nkasu ru bo ki ji-i sababu bilinatɔnŋ mwɔɔnna i arì gbɛbilimaŋ ji Ŋuntiŋ ki i, kí i siratubi kila, kí i Kirinŋ wɔ wulu ki sunjo konaŋ kiri tɛ.

Filipitɔnŋ kiri 2:17

Hali míŋ cunŋ ki ji-a kɔnkɔli, niŋ i sɔɔ ábɔɔ bilinabi baara ki i nafaa Kirinŋ ɲaanfɛ, míŋ a ńʼciirudi niŋ na, ŋí i ńʼyoori ábɛɛ bataa fan.

Kɔlɔsitɔnŋ kiri 1:24

Dɔnsaŋ, míŋ i ńʼyoori-ra ńʼwɔ cɔɔri kilamaan ki ra ábɛɛ bira, sabu nwɔ̀ cin wuru Kirisa wɔ cɔɔri ki ra, míŋ i niŋ nafaa-ra ńʼfiri ki wu, Kirisa firi ki tɛ, ninwɔ̀ i bilinatɔnŋ kwuru kiri i.

Tesalonikitɔnŋ kiri (1) 5:23

Dɔnsaŋ, ɲaanfɛfili ki i po-a Kirinŋ wɔ̀ gbɛ, tu niŋ yɛrima ki tu á fan áwɔ ɲaninkulutɔnbi ki bataa ru, ŋì i á mani ki bataa wu fɔɔ, á i ji ǹʼwɔ ri. Á ɲakili ki fa ɲini ki bataa fa á firi ki bataa pɔlibali i tu, fɔ ŋì i ta so yibɛɛ Ŋuntiŋ Yesu Kirisa pwulu na shikaŋ ki sun.

Pyɛɛri (1) 4:16

Nka, a ábɛɛ cɔɔri ŋuŋ ki ji tu ábɛɛ Kirisa wɔ ri, niŋ fa ábɛɛ ɲaankwun kì, nka á baraka bi-ri Kirinŋ tɛ niŋ tɔ ki bira.

Yuhana (1) 2:28

Ńʼdaŋ ni, á á da tu Yesu ra, nwɔma ntiŋ na waaci ki i na fa yi ɲakili sɔɔmaan wu, niŋ fa yi fa na ɲaankwunŋ kila ntiŋ ɲaanfɛ kì.