Filipitɔnŋ kiri 1:19 - Jɔ Biibili ki

¹⁹ Sabu, míŋ ǹʼtɔ-i ńʼtu ábɔɔ rafɛ kiri baraka ra, Yesu Kirisa Ɲiniwɔlinŋ ki a ye míŋ tɛ, niŋ bi kiri bataa i rapwulu ji míŋ mwu sababu.

Filipitɔnŋ kiri 1:19 Iomraidhean Croise

Mabikiri 16:7

Kí ta-i myɛ Misi sɔɔta ki daŋ ki tɛ waarinŋ wɔ̀ ru, kí i ji ǹʼtɛ arì i ta Bitini kɛniŋ ki ru, nka Yesu Ɲini ki a tu kí i ta niŋ mani nu sɛbɛ kì.

Ɔrɔmutɔnŋ kiri 8:28

Yibɛɛ ǹʼtɔ-i tu Kirinŋ i bi kiri bataa rapwulu-la, nwɔma a bidintɛtɔnŋ kiri maku i shɔ, ŋì nini wɔ̀ri dɔri-i, ŋì i kɛɲɛ a yɛrima ki wɔ bi gbɛbilimaan ki wu.

Ɔrɔmutɔnŋ kiri 8:9

Ábɛɛ kɔniŋ tiri kɛɲɛ-a á firi ki dintɛ bi kiri wu kili kì, ábɛɛ i tiri kɛɲɛ-a Ɲiniwɔlinŋ ki dintɛ bi kiri wu, sabu Kirinŋ ɲini ki i ábɛɛ ciiru. A Kirisa ɲini ki ji konwɔtiŋ ciiru kì, nintiŋ Kirisa wɔ kì.

Korɛntitɔnŋ kiri (1) 4:17

Ninki ncin-i, míŋ i Timote cin tiri-ri ábɛɛ tɛ, ninwɔ̀ i míŋ dintɛ daŋ i, niŋ fa koŋ kulumaan i ji-i Kirisa bilinabi ki ru. Ntiŋ a ta ábɛɛ ɲakilila bo míŋ tirika ɲaan ki tɛ Kirisa bilinabi ki ru, miŋ tu míŋ i Yesu Kirisa wɔ konanbi ki kali-la ɲaan wɔ̀ tɛ mani bataa ru.

Korɛntitɔnŋ kiri (2) 1:11

ábɛɛ yɛrima kiri tumaŋ shi-i niŋ nu áwɔ Kirinŋ nafɛ ki baraka ra. Niŋ ɲaan ki tɛ, Kirinŋ a shɔɔrinŋ wɔ̀ ma yibɛɛ tɛ koŋ mwɔɔnna wɔ Kirinŋ nafɛ kiri baraka ra, niŋ a ji sababu koŋ mwɔɔnna i baraka bi Kirinŋ tɛ yibɛɛ bira.

Galasitɔnŋ kiri 3:5

Kirinŋ Ɲiniwɔlinŋ ki wɔri-i ábɛɛ tɛ, ŋì i kabakobi kiri ma á faninmwuŋ waarinŋ wɔ̀ ru, ŋì niŋ ma wuru ábɔɔ sariya ki rasɔɔmaan ki baraka ra wa, walima áwɔ bilinabi ki Kirinŋ wɔ Wulujii ki ramamaan ki baraka ra?

Galasitɔnŋ kiri 4:6

Yibɛɛ ji-i Kirinŋ daŋ ni i, sɛli ki ra. Niŋ ki ra, Kirinŋ a Danshuru ki ɲini ki bo yibɛɛ ciiru, nwɔ̀ i fali-la ŋì i bi-ri tu : « Yibɛɛ Tiŋ Baba! »

Filipitɔnŋ kiri 1:18

Nka sɛli ki ra, niŋ tɔri finŋ tɔri míŋ ɲaanna kì. A kí ǹʼma ciirufɔɔbi woo, a kí ǹʼma ciirufɔɔbi wu kì woo, a Kirisa wulu ki ji sunjo-a kɔ, niŋ i míŋ ciirudi-a. Ǹʼfani i ji-a ńʼciirudi waarinŋ bataa ru.

Pyɛɛri (1) 1:11

Kirisa Ɲini wɔ̀ wuru kí ru, niŋ wuru ǹʼjɛnbi-a kí tɛ, tu Kirisa a na ɲaanfɛkwulu bi ri kila, tu niŋ kɔɔtɛ, tu ntiŋ i nɔɔri kila Kirinŋ gbɛ. Kí wuru ǹʼtɛ arì i niŋ bi kiri ma waari ki fa yìrì maka ɲaan ki tɔ.