Filipitɔnŋ kiri 1:13 - Jɔ Biibili ki

¹³ Niŋ ɲaan ki tɛ, masa ki wɔ kubi ki ru tɔnŋ kiri fa koŋ tɔri kiri bataa ǹʼtɔ-i, tu míŋ kɔli bo nkasu ru jɔlɔkɔ ra Kirisa tɔ ki bira.

Filipitɔnŋ kiri 1:13 Iomraidhean Croise

Mabikiri 26:29

Pooli tu : « Ŋì i ji dɔɔ walima kɔɔtɛ, míŋ i Kirinŋ nafɛ-a ńʼtu ábɛɛ ji míŋ sali. Ábɛɛ bantenŋ bi i kili kì, nka tu finŋ woo finŋ mɔ́ɔ́n wulu kiri rama-i jiŋ, tu niŋ bataa ji míŋ sali, nka kí fa ji jɔlɔkɔ ra miŋ tu míŋ i kì. »

Mabikiri 26:31

Kí pomaan ki kɔɔtɛ, kí tu arìmaŋ tɛ tu : « Ka koŋ ka bijɛ tɔri tenŋ ma, nwɔ̀ a so ji-i sababu, ntiŋ i kilɛn walima ntiŋ i bo nkasu ru kì. »

Mabikiri 28:17

Sunŋ byaŋ kɔɔtɛ, Pooli i Ɔrɔmu Yawutu kiri dɔri na a tɛ. Kí rakɔli-i waarinŋ wɔ̀ ru, ntiŋ tu kí tɛ : « Ńʼtindaŋ ni, míŋ bijɛ dantenŋ ma yibɔɔ shiya ki wu kì, ńʼfani yi tiŋ cɛɛnni kiri wɔ ladaŋ kiri li kì, niŋ fa a fɔn na, kí míŋ pa-i Yerusalɛmu, kí i míŋ de Ɔrɔmutɔnŋ kiri gbɛfɛ.

Mabikiri 28:20

Niŋ ki ra, míŋ i ábɛɛ dɔri na-a kwumaŋ, nwɔma ŋí i wulubi ábɛɛ tɛ, sabu Isirayɛli bili-i bi wɔ̀ ra, míŋ kɔli-i jɔlɔkɔ ra ninki bira. »

Mabikiri 28:30

Pooli i jiri fuuli lafaa awɔ fu shimaan ki ru Ɔrɔmu ciiru. Koŋ woo koŋ wuru na-a ntiŋ shɛɛli, ntiŋ wuru niŋ ŋununafuka shɔ-a, ntiŋ i a tɔɔnye ntiŋ tɛ.

Efɛsitɔnŋ kiri 3:1

Niŋ ki ra, míŋ Pooli i Kirinŋ nafɛ-a ábɛɛ tɛ waarinŋ bataa ru. Míŋ i nkasu ru Yesu Kirisa tɔ ki bira, sabu míŋ i Wulujii ki sunjo-a ábɛɛ shiya tɔri kiri tɛ.

Efɛsitɔnŋ kiri 4:1

Mínwɔ̀ i nkasu ru Ŋuntiŋ Yesu tɔ ki bira, míŋ i ábɛɛ rafɛ-a, á tiri á i kɛɲɛ á dɔri ŋuŋ ki wu,

Efɛsitɔnŋ kiri 6:20

Hali míŋ ji nkasu ru dɔɔ, míŋ i Kirinŋ wɔ koŋ ɲaannashimaan i Wulujii ki birama ki tɛ, ninki bira, míŋ kɔlimaan yɛ jɔlɔkɔ ri ra. Niŋ ki ra, á Kirinŋ nafɛ míŋ tɛ, nwɔma míŋ i so wulubi-i ŋununsɔɔbi wu, miŋ tu ǹʼkakan-i ŋì i bi ɲaan wɔ̀ tɛ.

Filipitɔnŋ kiri 1:30

Ábɛɛ míŋ ja-i kari wɔ̀ri ru waarinŋ fwuudemaan kiri ra, fɔ ŋì i na so dɔɔ, á ǹʼtɔ tu ábɛɛ yɛrima kiri niŋ bishi ki ru kaa.

Filipitɔnŋ kiri 1:7

Sɛli ki ra, míŋ kakan-i ŋí i ńʼmiiri-ri ábɛɛ bataa bira ka ɲaan ka tɛ, sabu ábɛɛ bi ki gbɛ-i míŋ gbɛ kusɛbɛ. Kirinŋ shɔɔrinŋ wɔ̀ ma-i míŋ tɛ, ábɛɛ á so ma-i niŋ bataa ru. Ábɛɛ i niŋ ma-a dɔɔ, ŋì i míŋ tu nkasu ki ru, niŋ fa á i ji ǹʼma-ni waarinŋ wɔ̀ ru, míŋ wuru Wulujii ki sunjo-a, ŋí i ǹʼsɛli ki ji-ri konaŋ kiri wu.

Filipitɔnŋ kiri 4:22

Kirinŋ wɔ wɔlinŋ kiri bataa i ábɛɛ co-a, nka nwɔ̀ri i Masa Sensaari wɔ kaniŋ ki sun, nini i ábɛɛ co-a kusɛbɛ.

Timote (2) 2:9

Niŋ Wulujii ki bira, míŋ i cɔɔri-ra, niŋ fa jɔlɔkɔ i ji ye míŋ na, miŋ tu bi kulinŋ matɔnŋ. Nka, Kirinŋ wɔ wulu ki kɔlimaan i kì.