Filipitɔnŋ kiri 1:12 - Jɔ Biibili ki

¹² Ńʼtindaŋ ni, míŋ i ǹʼtɛ ńʼtu ábɛɛ i ǹʼtɔ, tu bi finŋ woo finŋ i míŋ kila-a kwumaŋ, ńʼtu niŋ i ǹʼtɔri san Kirinŋ wɔ Wulujii ki ta jɛŋ ki ra kì, nka ńʼtu nini bataa ji sababu, ŋì i ta jɛŋ.

Filipitɔnŋ kiri 1:12 Iomraidhean Croise

Luki 21:13

Niŋ bataa ra na ji sababu, ábɛɛ i so míŋ wulu bi-i kí tɛ.

Mabikiri 8:4

Bilinatɔnŋ wɔ̀ri bili po san wuru Yerusalɛmu, nini wuru de-a mani ki bataa ru, kí i Kirinŋ wɔ Wulujii ki bi-ri.

Ɔrɔmutɔnŋ kiri 8:28

Yibɛɛ ǹʼtɔ-i tu Kirinŋ i bi kiri bataa rapwulu-la, nwɔma a bidintɛtɔnŋ kiri maku i shɔ, ŋì nini wɔ̀ri dɔri-i, ŋì i kɛɲɛ a yɛrima ki wɔ bi gbɛbilimaan ki wu.

Ɔrɔmutɔnŋ kiri 8:37

Nka, niŋ fa a fɔn na, yibɛɛ bidi-i nwɔ̀ tɛ, niŋ yibɛɛ ji-i so kilatɔnŋ sinaŋ ni i.

Filipitɔnŋ kiri 1:5

sabu ábɛɛ ji-i míŋ baara mashi ri i Wulujii ki bi bi ki ru, kabi fɔlɔfɔlɔ ŋì i na so dɔnsaŋ sun.

Filipitɔnŋ kiri 1:7

Sɛli ki ra, míŋ kakan-i ŋí i ńʼmiiri-ri ábɛɛ bataa bira ka ɲaan ka tɛ, sabu ábɛɛ bi ki gbɛ-i míŋ gbɛ kusɛbɛ. Kirinŋ shɔɔrinŋ wɔ̀ ma-i míŋ tɛ, ábɛɛ á so ma-i niŋ bataa ru. Ábɛɛ i niŋ ma-a dɔɔ, ŋì i míŋ tu nkasu ki ru, niŋ fa á i ji ǹʼma-ni waarinŋ wɔ̀ ru, míŋ wuru Wulujii ki sunjo-a, ŋí i ǹʼsɛli ki ji-ri konaŋ kiri wu.

Filipitɔnŋ kiri 2:22

Ábɛɛ yɛrima kiri i ǹʼtɔ-a, tu Timote ǹʼji tu koŋ a so a gbɛ faa-a afinŋ nu, ntiŋ i ye míŋ tɛ Wulujii ki sunjo baara ki ra, miŋ tu daŋ i ye-a a tiŋ tɛ ɲaan wɔ̀ tɛ.

Filipitɔnŋ kiri 4:15

Míŋ tindaŋ Filipitɔnŋ ni, ábɛɛ yɛrima kiri ǹʼtɔ-i, tu kabi Wulujii ki sunjorama ki tɔnpa waari ki ru míŋ gbɛ, míŋ i po san Maseduwanɛ sɔɔta ki ru, tu bilinatɔnŋ kwuru tɔri tenŋ ye míŋ tɛ a gbɛfɛfinŋ wu, kí i mɔ́ɔ́n cinŋ ki nafan kila kì. Ábɛɛ bantenŋ ǹʼma-i.

Filipitɔnŋ kiri 4:3

Minwɔ̀ ji-i míŋ baara mashi sɔbɛ ɛ, míŋ i miŋ nafɛ-a, tu a ye kí tɛ, sabu kí yɛrima kiri yɛli-i míŋ fan Wulujii ki baara ki ra, ŋì i bo Kilema fa yi dɛbɛshi pyɛ kiri bataa sun, nini wɔ̀ri tɔ kiri i ɲaninkulutɔnbi sɛbɛ ki ru.

Timote (1) 2:8

Niŋ na, míŋ i ǹʼtɛ, ńʼtu shuru kiri ji Kirinŋ nafɛ-a mani woo mani nu, ńʼtu kí arì gbɛ wɔlinŋ kiri fɛshi kirina, ciirufɔɔbi wu, tɔnkwulu fa sɔsɔɔlinŋ fa ji kí ciiru kì.

Timote (2) 2:9

Niŋ Wulujii ki bira, míŋ i cɔɔri-ra, niŋ fa jɔlɔkɔ i ji ye míŋ na, miŋ tu bi kulinŋ matɔnŋ. Nka, Kirinŋ wɔ wulu ki kɔlimaan i kì.

Timote (2) 4:17

Ŋuntiŋ ki yɛrima ki ye-i míŋ tɛ. Niŋ ki ra, míŋ i so Kirinŋ wɔ Wulujii ki sunjo-i, ŋí i ǹʼnafaa, nwɔma shiya tɔri kiri bataa i ǹʼnama. Kirinŋ i ji míŋ mwu san jari ki tɔnŋ na.