Filipitɔnŋ kiri 1:11 - Jɔ Biibili ki

¹¹ á i áwɔ bi kiri bataa ma-ni telibi wu Yesu Kirisa baraka ra. Niŋ bataa ra ji Kirinŋ gbɛ bi i, niŋ fa nɔɔri i bili ǹʼtɔ ki sun.

Filipitɔnŋ kiri 1:11 Iomraidhean Croise

Matiyu 5:16

Ábɛɛ sarinŋ ki po konaŋ kiri ɲaanna mìŋ ɲaan tenŋ ki tɛ, nwɔma kí i ábɛɛ mabi shɔɔrinŋ kiri ja, kí i ábɛɛ Tiŋ ki tɔ shɔɔrinŋ bi, ninwɔ̀ i kirinpɔli ki ra. »

Yuhana 15:16

Ábɛɛ kiri míŋ ɲaannashi kì, nka mínki ábɛɛ ɲaannashi-i. Míŋ ábɛɛ cin-i, ńʼtu á ta daŋ pa, nwɔ̀ a kɔ kì. Niŋ ki ra, a ábɛɛ finŋ woo finŋ nafɛ míŋ Tiŋ ki gbɛ, míŋ tɔ ki wu, niŋ finŋ ki bataa ra wɔri ábɛɛ tɛ.

Yuhana 15:2

Gbɛrinŋ finŋ woo finŋ i míŋ na, nwɔ̀ daŋ pa-a kì, kí i niŋ kwuru-ra, nka nwɔ̀ i daŋ pa-a, kí i niŋ gbɛrinŋ ki rakwuru-ra, nwɔma ŋì i pa fwuu a jɔnɔ ki sun.

Yuhana 15:8

A ábɛɛ daŋ pa ǹʼmwɔɔnna, á i ǹʼji tu ábɛɛ mɔ́ɔ́n kalindaŋ ni, míŋ Tiŋ ki a gbɛ ninki ra.

Ɔrɔmutɔnŋ kiri 15:28

A míŋ niŋ bi kiri ɲaanpo kɔ waarinŋ wɔ̀ ru, ŋí i niŋ gbɛfɛfinŋ nakɔlimaan kiri wɔri Yerusalɛmu bilinatɔnŋ kiri tɛ, míŋ a fwuude ábɛɛ tɛ nmaŋ, ŋí i kila, ŋí i tiri Ɛsipaɲi.

Ɔrɔmutɔnŋ kiri 6:22

Nka dɔnsaŋ, ábɛɛ po san-i bijɛ ki wɔ jonbi ki ru, á i ji Kirinŋ wɔ joŋ ni i. Nafan wɔ̀ i kila-a niŋ nu, niŋ i wɔlɔnbi i, ninwɔ̀ i rakɔ-a ɲaninkulutɔnbi kɔbali ki wu.

Korɛntitɔnŋ kiri (1) 10:31

Niŋ na, ábɛɛ ji nuŋ nu-a woo, á ji mwunufinŋ mwunu-na woo, á ji finŋ woo finŋ ma-a, á Kirinŋ gbɛ ǹʼbataa ra.

Korɛntitɔnŋ kiri (2) 9:10

Kirinŋ wɔ̀ ki i finŋ tu ki wɔri-ra ji kaantɔnŋ ki tɛ, mìŋ tenŋ ki i nufinŋ ki wɔri-ri, mìnki a na ábɛɛ maku shɔ finŋ kiri bataa wɔri ábɛɛ tɛ, ŋì i yìrì mwɔ, nwɔma koŋ pyɛ kiri i so mwɔɔnna kila-i ábɛɛ gbɛ sɛbɛ.

Efɛsitɔnŋ kiri 1:12

nwɔma yibɛɛ wɔ̀ri ji-i koŋ jɔnɔ kiri i, yi i yi gbɛbilimaŋ ki ji Kirisa, konaŋ ki i yibɛɛ rapwulumaan ki ja ntiŋ gbɛ, kí i ǹʼtɔ, tu ntiŋ fa gbɛ kakan, kí i ntiŋ gbɛ.

Efɛsitɔnŋ kiri 1:14

Niŋ Ɲiniwɔlinŋ ki i ǹʼji-a yibɛɛ wu, tu Kirinŋ bi shɔɔrinŋ finŋ woo finŋ tɔnŋ wɔri yibɛɛ tɛ, tu niŋ bataa ra ma a ɲaan tɛ, waarinŋ wɔ̀ ru Kirinŋ a na awɔ kiri bataa ŋuniŋ mwu kɔ, nwɔma a nɔɔri sinaŋ ki i gbɛ.

Efɛsitɔnŋ kiri 2:10

Yibɛɛ i finŋ woo finŋ i, ǹʼbataa i po-a Kirinŋ gbɛ. Yesu Kirisa baraka ra, Kirinŋ yibɔɔ ɲaninkulutɔnbi ki faa-a mabi shɔɔrinŋ ni na, ŋì nini wɔ̀ri gbɛbili-i kabi fɔlɔfɔlɔ, nwɔma yi i na yìrì ma.

Efɛsitɔnŋ kiri 5:9

Shɔɔrinŋ kwuru ki fa telibi ki fa sɛli ki i po-a manisarinŋ ki ru.

Filipitɔnŋ kiri 4:17

Ŋì i miŋ tu míŋ ńʼkafinŋ ceeli-la ábɛɛ gbɛ kì dɛ! Nka míŋ i nwɔ̀ ceeli-la, niŋ i tu ábɔɔ bi shɔɔrinŋ mamaan ki sali ki mwɔ.

Kɔlɔsitɔnŋ kiri 1:10

A niŋ ma, ábɛɛ tiri kɛɲɛ Ŋuntiŋ ki dintɛ bi ki wu, á mabi kiri i di ǹʼtɛ sɛbɛ, ábɛɛ ra so Kirinŋ dintɛ bi ki ma-i, á i mabi shɔɔrinŋ kwuru ki bataa ma, á i ta jɛŋ Kirinŋ tɔbi sɛlɛsɛli ki ra.

Kɔlɔsitɔnŋ kiri 1:6

Niŋ Wulujii ki so-i ábɛɛ tɛ, miŋ tu ǹʼso-i juniɲa bataa tɛ ɲaan wɔ̀ tɛ, ŋì i tiri-ri jɛŋ. Ǹʼyɔ mìŋ ɲaan tenŋ ki tɛ ábɛɛ faninmwuŋ, kabi ábɛɛ Kirinŋ wɔ shɔɔrinŋ wulu ki rama-i, á i ǹʼsɛli ki tɔ.

Tesalonikitɔnŋ kiri (2) 1:12

A niŋ ma, yibɛɛ Ŋuntiŋ Yesu tɔ ki a gbɛ ábɛɛ bira, ábɛɛ yɛrima kiri i gbɛbi kila ntiŋ bira, ŋì i kɛɲɛ yibɔɔ Kirinŋ ki fa yi Ŋuntiŋ Yesu Kirisa wɔ shɔɔrinŋ ki wu.

Tite 3:14

Yibɛɛ tindaŋ kiri kakan-i, kí i arì yɛri kini bi shɔɔrinŋ ma ki ra, nwɔma kí i so ye-i ǹʼbɛɛ ri tɛ arì fɔɔn bi kwulumaan kiri ra, kí kakan kí i ji koŋ kulu bali li i kì.

Iburu kiri 12:11

Bwɔ ki koŋ ciirudi-a a ma waari ki ru kì, ŋì i ntiŋ ɲaannuŋunu-na. Nka kɔɔtɛ, nwɔ̀ri arì kini-i ǹʼna, ŋì i ɲaninkulutɔnbi wɔri-ra nini tɛ, nwɔ̀ i ma-a telibi fa ɲaanfɛfili lu.

Pyɛɛri (1) 2:12

Á á tirika ki tɔ koŋ tɔri kiri kanfɛ, nwɔma, hali kí ji ábɛɛ tɔ jɛ bi-a mani wɔ̀ ru, kí i á ji-ri bi kulinŋ matiiri i, kí i á mabi shɔɔrinŋ kiri ja. A niŋ ma, a Kirinŋ na a yɛri ji kí wu jibi wɔ̀, kí a na ǹʼgbɛ ábɔɔ mabi shɔɔrinŋ kiri bira.

Pyɛɛri (1) 2:5

Mìŋ ɲaan tenŋ ki tɛ, ábɛɛ yɛrima kiri i miŋ tu kwɔ ɲaninkulutɔnŋ ni i, á ji Ɲiniwɔlinŋ ki wɔ fu ki tan kwɔ ri i, nwɔma á i ji sarakawɔrɔtɔnŋ ni i, á i saraka wɔri Kirinŋ tɛ, nwɔ̀ a di ǹʼtɛ Yesu Kirisa baraka ra.

Pyɛɛri (1) 2:9

Nka, ábɛɛ kɔniŋ i Kirinŋ wɔ shiya ɲaannashimaan a, á i ji sarakawɔrɔtɔnŋ masa ri i, niŋ fa shiya wɔlinŋ i, Kirinŋ nwɔ̀ ŋunsan-i, nwɔma ábɛɛ i awɔ shɔɔrinŋ mamaan kiri sunjo, afinŋ wɔ̀ ki ábɛɛ cɛɛn po san-i mancinŋ ki ru, a i na á wu awɔ manisarinŋ jii ki ru.

Pyɛɛri (1) 4:14

A konaŋ kiri ji ábɛɛ ki-a, tu nfɛnŋ na ábɛɛ ji Kirisa wɔ ri, ábɔɔ shɔ-i, sabu Kirinŋ ɲini nɔɔritiŋ ki i ábɛɛ ru.