Filipitɔnŋ kiri 1:10 - Jɔ Biibili ki

¹⁰ nwɔma á i so shɔɔrinŋ ki ɲaannashi-i, á i ji koŋ fɔɔmaan pɔlibali li i, fɔ ŋì i ta so Kirisa na shikaŋ ki sun,

Filipitɔnŋ kiri 1:10 Iomraidhean Croise

Matiyu 16:23

Yesu i a ɲaannupwulu, ntiŋ i jɛbi Pyɛɛri gbɛ tu : « Miŋ shitaanni kaa, nʼsan ńʼtɔntɛ, miŋ i míŋ ŋununlitɔnŋ i, sabu mɔɔn bi jaka ɲaan ki fa Kirinŋ wɔ ki tenŋ i kì, miŋ i nʼwɔ bi kiri ja-a konanmini wɔ jaka ɲaan na. »

Matiyu 26:33

Pyɛɛri i wulu ki shi niŋ na, ntiŋ i ǹʼbi tu : « Hali koŋ pyɛ kiri bataa ta arì kaan ábɛɛ tɛ, míŋ a ńʼkaan ábɛɛ tɛ fɛsɛfɛsɛ kì. »

Yuhana 1:47

Yesu Natanayɛli naanna ki ja-i a tɛ waarinŋ wɔ̀ ru, ntiŋ tu : « Isirayɛlidaŋ sɛlɛsɛli ki bɛɛ i kaa, shuru yɛ, nwɔ̀ teli-i haali! »

Yuhana 3:20

Aawe, manisarinŋ ki bikwɔ-i bi kulinŋ matɔnŋ ki sun, ntiŋ jɛɛn-na ntiŋ i po manisarinŋ ki tɛ kì. Ntiŋ i kɛni-na tu afinŋ po manisarinŋ ki tɛ, tu afɔɔn bi kulinŋ kiri ra ja.

Mabikiri 24:16

Niŋ ki ra, míŋ i ńʼbanba-a waaci bataa ru, nwɔma míŋ ciiru ki fa ńʼsɔsɔ ńʼtirika ɲaan ki sun Kirinŋ fa konaŋ kiri ɲaanfɛ kì.

Ɔrɔmutɔnŋ kiri 12:2

Á fa áwɔ bi kiri ma-ni juniɲa nu tɔnŋ kiri sali kì, nka ábɛɛ ɲakili ŋunaŋ wɔ̀ kila-i, á ncusun niŋ i á rapwulu, nwɔma Kirinŋ dintɛ bi shɔɔrinŋ nafaamaan ki i nwɔ̀, á i so niŋ tɔ-i.

Ɔrɔmutɔnŋ kiri 12:9

Áwɔ bidintɛbi ki ji ǹʼsɛlɛsɛli i. Á bi kulinŋ ki bikwɔ á sun, á i á da bi shɔɔrinŋ ki ra.

Ɔrɔmutɔnŋ kiri 16:17

Nwɔ̀ri i bilinatɔnŋ kiri kɔɔye-a arìmaŋ na, kí i kí fɔni-ni, á á yɛri cɔye niŋ koŋ bishi kiri ra, ábɛɛ kalinŋ wɔ̀ kila-i, niŋ fa niŋ fu-a kì. Á ámaŋ nanari kí ra.

Ɔrɔmutɔnŋ kiri 2:18

miŋ i Kirinŋ dintɛ bi ki tɔ-a, ŋi i so-ri bi shɔɔrinŋ ma-i, sabu miŋ sariya ki kali-i.

Ɔrɔmutɔnŋ kiri 7:16

Bi wɔ̀ bikwɔ-i míŋ sun, a míŋ ji ninki ma-a, niŋ i ǹʼji-a tu míŋ ńʼtu ǹʼna tu sariya ki shɔ.

Ɔrɔmutɔnŋ kiri 7:22

Kirinŋ wɔ sariya ki i míŋ tɔnnabi i, ǹʼdi-i míŋ tɛ haali.

Ɔrɔmutɔnŋ kiri 8:7

Konwɔtiŋ ɲakili ki i tu-a a yɛri ki dintɛ bi kiri ra, ntiŋ i ji-a Kirinŋ ɲa a, sabu ntiŋ a a kulu Kirinŋ wɔ sariya ki tɛ kì, ntiŋ yɛri so-a kì.

Korɛntitɔnŋ kiri (1) 1:8

Mìŋ Kirinŋ tenŋ ki a ábɛɛ pa tuka shɔ, fɔ ŋì i ta so waaci rakɔɔra kiri sun, nwɔma pɔlimaŋ fa na kila á ra, yibɛɛ Ŋuntiŋ Yesu Kirisa na shikaŋ ki ru kì.

Korɛntitɔnŋ kiri (1) 10:32

Á fa ji koŋ tɔri tenŋ ŋununli sababu u kì. Ŋì shiya tɔri woo, Yawutu i woo, nwɔ̀ri bili-i Kirinŋ na woo, á fa ji koŋ tɔri tenŋ ŋununli sababu u kì.

Korɛntitɔnŋ kiri (1) 8:13

Niŋ ki ra, a nufinŋ numaan ji-a míŋ tindaŋ ki bo bijɛ ma sun, míŋ a ńʼkaan niŋ nufinŋ kwuru ki nu, nwɔma ŋí fa na ji ńʼtindaŋ ki po san ŋuŋ u bilinabi ki ru kì.

Korɛntitɔnŋ kiri (2) 1:12

Yibɛɛ ra so yi yɛri ragbɛ-i bi wɔ̀ wu, niŋ i kaa : yibɛɛ tirika ki ábɛɛ kanfɛ niŋ fa mani bataa ru, yibɛɛ cirasun tu yibɛɛ niŋ ma ciirufɔɔbi niŋ fa sɛli ki wu Kirinŋ ɲaanfɛ, ninwɔ̀ po konanmini wɔ ɲakilitinbi ru kì, fɔ Kirinŋ wɔ shɔɔrinŋ ki baraka ra.

Korɛntitɔnŋ kiri (2) 2:17

Koŋ mwɔɔnna i Kirinŋ wɔ wulu ki rapwulu-la, kí i ǹʼnu jɔɔ tan-ni, yibɛɛ kɔniŋ miŋ tu nini kì. Kirinŋ yibɛɛ cin-i, yibɛɛ i wulu ki bi-a fɔɔbi wu ǹʼɲaanfɛ Kirisa baraka ra.

Korɛntitɔnŋ kiri (2) 6:3

Nwɔma pɔlimaŋ fa kila yibɔɔ baara ki ra kì, yibɛɛ i yi banba-a ɲaan ki fɔn tɛ, yi fa ji koŋ tɔri tenŋ fɛɛn ŋuŋ i kì.

Korɛntitɔnŋ kiri (2) 8:8

Míŋ faan bo-a ábɛɛ sun tu a kari wɔ ki bishi ma kì dɛ! Nka míŋ i ábɛɛ kaashi kiri wɔ cɛrukɔli ki bi-a ábɛɛ tɛ, nwɔma á i ǹʼtɔ tu ábɔɔ bidintɛbi ki ma-a ɲaan wɔ̀ tɛ, tu niŋ ǹʼsɛlɛsɛli ki i.

Galasitɔnŋ kiri 5:11

Ńʼtindaŋ ni, a míŋ ji wuru sɔɔpeefɛmaanna ki wulu ki sunjo-a, ŋí i ǹʼbi-ri tu ninki kakan ŋì i ma, koŋ wuru-ra ji míŋ cɔɔri-ra jiŋ kì. Niŋ fa Kirisa kpinkpisuu ki bi ki wuru-ra ji kwulu-la koŋ na kili kì.

Efɛsitɔnŋ kiri 4:15

Nka, yi sɛli ki bi yimaŋ tɛ bidintɛbi wu, a niŋ ma, yibɛɛ ra so ta-i jɛŋ Yesu Kirisa wɔ tenbi ki ru, ninwɔ̀ i bilinatɔnŋ kwuru kiri ŋununtiŋ ki i.

Efɛsitɔnŋ kiri 5:10

Á á banba, á i Ŋuntiŋ ki dintɛ bi kiri ɲaan ceeli, á i yìrì tɔ.

Efɛsitɔnŋ kiri 5:27

Ŋì niŋ ma-i, nwɔma bilinatɔnŋ kwuru ki nɔɔritiŋ i so tu-i afinŋ ɲaanfɛ, nɔɔmaŋ walima mɔrɔmɔrɔmaŋ walima niŋ bishi fa ja ǹʼna kì, nka ǹʼfɔɔmaan fa ǹʼpɔlibali i ji-i.

Efɛsitɔnŋ kiri 6:24

Yi Ŋuntiŋ Yesu Kirisa bidi-i nwɔ̀ri tɛ kusɛbɛ arì sɔbɛ ra, tu Kirinŋ awɔ shɔɔrinŋ ki ma nini bataa tɛ.

Filipitɔnŋ kiri 1:16

Nini i arɔɔ baara ki ma-a bidintɛbi wu, sabu kí ǹʼtɔ-i tu Kirinŋ míŋ ɲaannashi, ŋí i Wulujii ki sɛli ki ji konaŋ kiri wu.

Filipitɔnŋ kiri 1:6

Míŋ bili-i ǹʼna tu Kirinŋ wɔ̀ ki baara shɔɔrinŋ ka tɔnpa-i ábɛɛ ciiru, ńʼtu mìnki a tu ábɛɛ fan, fɔ á i ǹʼnafaa, fɔ ŋì i ta so Yesu Kirisa na jibi ki sun.

Filipitɔnŋ kiri 2:16

Wulujii wɔ̀ i ɲaninkulutɔnbi ki wɔri-ra, á ta niŋ sunjo kí tɛ, a niŋ ma, ábɛɛ kiri ra na ji míŋ ŋununfɛshi sababu Yesu Kirisa na shikaŋ ki ru, á i ǹʼji tu mɔ́ɔ́n baara ki fa ńʼwɔ yɛlinŋ ki ji ǹʼtawɔ ɔ kì.

Tesalonikitɔnŋ kiri (1) 3:13

Ŋì baraka de á ru, á i ji koŋ shɔɔrinŋ pɔlibali li i, yibɛɛ Tiŋ Kirinŋ ɲaanfɛ, yi Ŋuntiŋ Yesu Kirisa pwulu na waaci ki ru, awɔ konanbi wɔlinŋ ki bataa wu. Amiina!

Tesalonikitɔnŋ kiri (1) 5:21

nka á wulu bimaan ki bataa rufɔɔ, nwɔ̀ shɔ-i, á i niŋ pa á sɔbɛ ra.

Tesalonikitɔnŋ kiri (1) 5:23

Dɔnsaŋ, ɲaanfɛfili ki i po-a Kirinŋ wɔ̀ gbɛ, tu niŋ yɛrima ki tu á fan áwɔ ɲaninkulutɔnbi ki bataa ru, ŋì i á mani ki bataa wu fɔɔ, á i ji ǹʼwɔ ri. Á ɲakili ki fa ɲini ki bataa fa á firi ki bataa pɔlibali i tu, fɔ ŋì i ta so yibɛɛ Ŋuntiŋ Yesu Kirisa pwulu na shikaŋ ki sun.

Yuhana (1) 4:1

Míŋ tindaŋ byii ri, koŋ wɔ̀ri i ǹʼbi-a tu Ɲiniwɔlinŋ ki arìbɛɛ ru, á fa bili nini bataa ra kì. Nka á ɲini kiri rufɔɔka shɔ, a Kirinŋ wɔ ki ji-i walima a niŋ ji-i kì, ábɛɛ ra niŋ tɔ. Á ǹʼtɔ tu cintɔnŋ purubitɔnŋ kiri mwɔ juniɲa ki ru dɔɔ.

Jafinŋ ki 2:2

Míŋ miŋ mabi kiri tɔ-i, ŋí i nʼwɔ yɛlinŋ ki fa nʼwɔ tɔnsunfili ki ja. Míŋ ǹʼtɔ-i, ńʼtu miŋ fa koŋ jɛ kiri kwun-a kì, sabu koŋ wɔ̀ri i ǹʼbi-a tu arìbɛɛ cindaŋ ni i, niŋ i faa sɛli i kì, miŋ niŋ koŋ kiri rufɔɔ-ɔ, ŋi i ǹʼja tu purubitɔnŋ ni i.