Taitos 3:2 - Di Jamiekan Nyuu Testiment

² Dem no fi taak bad bout nobadi an dem no fi kwaril-kwaril. Insted-a dat, dem fi tek taim wid piipl an shuo rispek tu evribadi.

Taitos 3:2 Iomraidhean Croise

Matyu 11:29

Jos laka ou di kou tek di wudn yuok pan dem shuolda, a so unu fi tek op di sitn dem we mi tel unu fi du, an tek iin wa mi a tiich, kaa mi wi tek taim wid unu, an mi riili ombl, an unu wi get fi res unu suol.

Aks 23:5

Paal ansa se, “Mi breda, mi neva nuo se im a did di liida fi di priis dem, kaaz it rait dong iina Gad wod se, ‘Yu no fi chat bad bout di ruula fi yu piipl.’ ”

1 Korintiyan 6:10

Bot a no dem wan, piipl we tiif, piipl we waahnti-waahnti, piipl we eva a get jongk, piipl we tek dem mout tier dong ada piipl an piipl we chrik piipl fi get dem moni, no iivn wan a dem a-go tek paat iina Gad Kindom niida.

1 Korintiyan 9:19

Iivn duo mi frii an nobadi no uon mi, mi tek miself ton evribadi sliev, so dat mi kyan kaaz az moch piipl fi biliiv iina Gad az mi kyan.

2 Korintiyan 10:1

Som piipl se mi saaf wen mi de de mongks unu bot gwaan laik mi rof wen mi de faar. Bot mi, Paal, mi a beg unu, iina Jiizas niem, Jiizas we kain an jengkl,

2 Korintiyan 12:20

Mi fried se wen mi riich de, unu naa go tan ou mi waahn unu fi tan an mi naa go tan ou unu waahn mi fi tan. Mi fried se wen mi riich de a bier kyas-kyas a gwaan, piipl a-go beks an a shout aafa dem wan aneda, an piipl a bad main ada piipl fi dem sitn dem. Mi fried se mi a-go fain unu a tel lai pan unu wan aneda an a susu-susu bout unu wan aneda an evribadi onggl a-go bizniz bout demself. Wen mi kom de mi fried se mi a-go fain piipl a gwaan buosi-buosi an evriting a-go ton opsaid dong.

Gyalieshan 5:22

Bot Gad Spirit kaaz fi im piipl fi lov evribadi an aalwiez api no mata wa. It kaaz dem fi liv gud wid piipl, no fi lov fait an fi aalwiez tek taim wid ada piipl. Di Spirit mek dem kain an mek dem eva a du gud fi piipl. It kaaz dem fi bi sumadi we piipl kyan chos.

Gyalieshan 6:1

Breda an sista, ef unu fain se sumadi we iina di choch a liv iina sin, unu we a liv ou Gad Spirit se unu fi liv, mos karek dem bot tek taim wid dem. Tek kier so unu no faal iina sin tu.

Gyalieshan 6:10

So wen-eva wi av di chaans fi du gud, mek wi du it. Mek wi du gud fi evribadi, wos ef dem a paat a Gad fambili an biliiv iina Jiizas laik wi.

Ifiijan 4:2

Ombl unuself an lorn fi tek taim wid unu wan aneda. No bada rof op nobadi. Insted-a dat, aalwiez shuo lov wen unu a diil wid unu wan aneda. No kwik fi get beks.

Ifiijan 4:31

Tap kyari beli fi unu wan aneda, an beks op beks op an a get mad wid unu wan aneda — tap it. Tap kos out an tier dong unu wan aneda an unu no fi wikid tu unu wan aneda niida.

Filipiyan 4:5

Liv iina wan wie so dat evribadi kyan si se unu tek taim wid ada piipl. Di Laad suun kom bak.

1 Tesaluoniyan 2:7

An kaaz wi a apasl fi Krais Jiizas, wi kuda kom bordn unu dong, bot insted-a dat, wi chriit unu jengkl wen wi did de de, siem laik wen mada we av yong biebi a tek kier a ar likl pikni dem.

1 Timoti 3:11

A siem so di uman dem mos liv dem laif so piipl wi rispek dem. Dem no fi susu-susu, lai ar taak bad bout piipl. Insted-a dat dem fi kyan kanchuol demself, no go uova buod wid notn an piipl fi kyan chos dem.

1 Timoti 3:3

Im no fi lov jringk tu moch an im no fi lov fait, bot im fi nais an jengkl an liv iina piis wid evribadi. Pan tap a dat im no fi lov moni niida.

Jiemz 3:17

Bot unu si di piipl dem we Gad mek waiz, fos ting bout dem, dem aat kliin, dem a no waar-buot, dem kier bout ada piipl, an dem no aad-iez. Dem kwik fi paadn piipl we du dem rang, an dem aalwiez du we rait. Dem no paashal an dem a no ipokrit niida.

Jiemz 4:11

Mi breda an sista, no taak bad sitn buot wan aneda! Ef unu du dat ar joj piipl an gwaan laik se Gad kyaahn paadn dem, unu a se Gad Laa no gud. An ef unu se di Laa no gud unu a gwaan laik se a unu a joj uova di Laa.

1 Piita 2:1

So tap dabl iina aal kain-a sin an wikidnis. No beks wid piipl an no chat tu dem, no bada tel no lai an no bi no ipokrit niida. Unu no fi bad main piipl fi we dem av. An mek shuor se unu no tek unu mout an tier dong nobadi.

1 Piita 3:10

Laik we rait dong iina Gad wod, “Enibadi we waahn fi liv fi lang an liv api tu, dem mosn se notn bad bout nobadi, an dem fi tap tel lai.

1 Piita 3:8

Dis a di laas ting mi a se ya-so. Di uol a unu fi kom tugeda laik se unu a wan sumadi an chrai fi andastan wa unu wan aneda a go chuu. Unu fi lov unu wan aneda laik ou breda an sista lov dem wan aneda. Unu mos kip unu wan aneda neks tu unu aat an shuo umoch unu kier fi dem. An unu mos ombl unuself mongks unu wan aneda tu.

1 Piita 4:4

An nou, dem piipl de we a gwaan wid di siem kain-a naasinis an wikidnis, dem no tap chat unu, an a se aal kain-a sitn bout unu, kaaz dem kyaahn andastan wa riili a gwaan. Ou kom unu naa ron galang wid dem, an a du di sed sitn dem laik wan taim?

2 Piita 2:10

An aal di wan dem we eva gi iin tu wa dem badi waahn an iet nobadi we ruul uova dem, a dem im a-go ponish wikid wikid. Dem faalz tiicha ya, so brait an out-a-aada an tingk se dem nuo muo dan evribadi els, so dem mosn lisn wa nobadi se. An dem no fried fi bad mout di spirit dem we av powa fi ruul uova piipl.

Juud 1:10

Bot dem ya piipl ya se som torbl torbl sitn bout we dem no andastan. Dem a gwaan laik wail animal wa kyaahn tingk out notn. An di sitn dem we dem du andastan widout afi tingk bout dem, a dem sitn de mash dem op.

Juud 1:8

A siem so dem piipl de kliem se dem get vijan an so dem du aal kain-a naasinis we mash op dem badi. Chuu dem kliem se dem get vijan dem go gens Gad, fait gens enibadi we a ruul uova dem, an bad mout Gad ienjel dem.