Taitos 1:6 - Di Jamiekan Nyuu Testiment

⁶ Wan elda mos liv im laif so dat nobadi kyaahn se notn bad bout im. Im mos onggl av wan waif an im pikni dem fi biliiv iina Jiizas. Im pikni dem no fi wail ar go gens wa dem mada an faada se bot mos aalwiez shuo dem rispek.

Taitos 1:6 Iomraidhean Croise

Luuk 1:5

Wen taim Erad a did King iina Judiya, wan priis did de de niem Zakaraiya. Im did bilang tu di Abija gruup a priis dem, an im waif Ilizibet a did wan a Ieran fambili.

Ifiijan 5:18

No bada jringk chrang jringk an get jongk an galang bad an gwaan wid aal kain-a naasinis. Wa unu fi du a mek di Uoli Spirit tek kanchuol a unu laif.

1 Tesaluoniyan 5:14

An breda an sista, wi beg unu fi waan di aiglaz dem we no waahn wok; elp di wan dem we friedi-friedi fi get briev, an elp di wan dem we wiik iina eni kain-a wie tu. An beg unu du, tek unu taim wid evribadi.

1 Timoti 1:9

Wi andastan se di Laa neva mek fi gud piipl bot fi piipl we a kriminal an di wan dem we wudn fiil no wie ef dem brok di Laa. It mek fi piipl we no worship di chuu Gad an di sina dem, fi di wan we no fala no kain-a gad an di wan dem we kos Gad. Di Laa mek fi di mordara dem — aal di wan dem we wuda kil dem uona mada an faada.

1 Timoti 3:12

Di diikan dem mos onggl av wan waif an mos kyan kanchuol dem pikni dem an ron dem uona ous.

Taitos 1:10

Kaaz nof piipl de bout we naa no rispek fi dem we iina powa. Dem de piipl de lov taak fuulinish an chrai fi mek piipl biliiv wa dem se, an a di Juu dem gwaan so di muos.