Taitos 1:3 - Di Jamiekan Nyuu Testiment

³ Wen di taim did rait, di Gad we siev wi, mek mi nuo bout da pramis ya an im sen mi fi go tel evribadi bout it.

Taitos 1:3 Iomraidhean Croise

Maak 1:15

Im se, “A taim nou! Gad suun ruul iina evri wie! Ton we fram unu sin an ton tu Gad an biliiv di gud nyuuz!”

Maak 13:10

Bot di Gud Nyuuz afi priich tu di uol worl fos bifuo dem sitn de apm.

Maak 16:15

Im tel dem se, “Go aal uova di worl an priich di Gud Nyuuz tu evribadi.

Luuk 1:47

mi suol priez Gad we siev mi;

Aks 10:36

Unu nuo di mesij we Gad sen kom tu di Izrel piipl. Di mesij we se dat Gad a-go yuuz Jiizas we a Laad fi evribadi fi mek tingz rait wid im an piipl.

Aks 17:26

Gad mek wan man fos an aal di ada chraib a piipl iina di worl kom fram da wan man de. An iivn bifuo im mek dem, Gad mek op im main wen an wich paat a di ort dem a-go liv.

Ruoman 15:19

an siek-a di sain dem an di mirikl dem we Gad Spirit gi mi di powa fi du. So fram Jeruusilem go klier a Ilirikom, mi priich di Gud Nyuuz bout Krais Jiizas aal bout.

Ruoman 16:25

Mek wi priez Gad — Gad we kyan mek unu tan op chrang iina wa unu biliiv azkaadn tu di Gud Nyuuz we mi priich bout Krais Jiizas, an azkaadn tu di chuu sitn dem we a did siikrit fram lang lang taim a bak,

Ruoman 16:26

bot we Gad mek wi nuo bout nou. Gad we liv fi eva an eva, tel di prafit dem fi rait dong dem sitn ya iina Gad wod, an sen out piipl fi priich bout it so dat evribadi wuda nuo di chuut an staat fi biliiv an fala Gad.

Ruoman 5:6

Wen wi did wiik an neva av di powa fi elp wiself, Gad sen Jiizas fi ded fi wi — fi ded fi aal wikid piipl. Gad sen im wen im did fiil se di taim did rait.

1 Korintiyan 9:17

Kaaz ef mi miself, chuuz fi priich di Gud Nyuuz, Gad wi pie mi. Bot ef a no chuuz mi chuuz fi du it, den aal mi a du, a du di wok we Gad gi mi an chos mi fi du.

Gyalieshan 4:4

Bot wen di taim we Gad set did kom, im sen im Bwai Pikni, Jiizas. Iivn duo im a did Gad pikni, Jiizas baan jos laik mi an yu. Im did av wan mada an im did afi fala di Laa tu.

Ifiijan 1:10

Wen Gad mek op im main se di taim rait, im wi mek Jiizas ruul an av powa uova evribadi an uova aal a di sitn dem we iina evn an wa de pan di ort.

Ifiijan 2:17

So Jiizas Krais kom kom priich di Gud Nyuuz bout ou piipl kyan av piis wid Gad. Im priich tu di Juu dem we a Gad piipl an tu piipl we a no Juu we neehn nuo Gad.

Filipiyan 1:13

Matarafak aal a di speshal suoja dem we gyaad di suoja kyamp wich paat mi de an evribadi els ya nuo se mi get lak op iina prizn kaaz mi a priich bout Jiizas Krais.

Koloshan 1:23

A so it go, ef unu riili uol aan chrang an gwaan chos iina im, an ef unu no tap luk faawod tu di gud sitn dem unu ier bout wen unu ier di Gud Nyuuz. Piipl pred da Gud Nyuuz de aal uova di worl. An mi, Paal, mi ton Gad sorvant, so mi kyan pred di Gud Nyuuz tu.

Koloshan 1:6

Piipl did bring di Gud Nyuuz kom gi unu. An dem kyari it aal uova di worl. It a bier fruut an a gruo jos laik ou it du mongks unu fram di fos die unu ier it an andastan umoch Gad riili lov wi fi chuu, an ou im chriit wi gud iivn duo wi no dizorv it.

1 Tesaluoniyan 2:4

Insted-a dem sitn de, wa wi did du? Wi taak laik man we Gad tes an tingk gud inof fi sen wid di mesij bout Jiizas. Wi naa chrai fi mek nobadi laik wi, wi onggl waahn du wa Gad waahn wi fi du kaaz a im a si wi aat.

1 Timoti 1:1

Timoti, dis a Paal, Jiizas Krais apasl. A di Gad we siev wi an Jiizas Krais di wan we mek wi kyan luk fi get aal kain-a gud sitn, aada mi fi bi wan apasl.

1 Timoti 1:11

an we lain op wid di Gud Nyuuz bout wa Gad du fi wi wen im sen im Bwai Pikni fi siev wi. A da siem powaful Gud Nyuuz ya, Gad, di wan we piipl fi priez, se mi fi tiich.

1 Timoti 2:3

A wan gud sopm dis an a so di Gad we siev wi waahn wi fi prie fi evribadi.

1 Timoti 4:10

Wi put wi chos iina di Gad we kyaahn ded an we siev evribadi, speshali di wan dem we biliiv iina im. Gad pramis fi mek wi liv fi eva ef wi chos iina im an a so mek wi afi chogl an wok aad.

2 Timoti 4:17

Bot di Laad did tan op saida mi an gi mi chrent. Im gi mi chrent so dat mi kuda priich di uol a im mesij tu di piipl dem we a no Juu. An im siev mi fram di piipl dem we did waahn fi fling mi gi di laiyan dem.

Taitos 2:10

ar tiif fram dem. Dem fi anis an shuo di piipl dem se dem kyan chos dem. Wen dem du dis, piipl wi luk pan dem an rispek wa wi tiich bout wi sievya Faada Gad.

Taitos 2:13

It a tiich wi wail wi wiet an luk faawod fi di die wen wi laad an sievya Jiizas Krais kom bak iina aal a im powa.

Revilieshan 14:16

So di sumadi we did sidong pan di kloud, flash im kotlis uova di ort, an gyada op we fi gyada.