Matyu 9:4 - Di Jamiekan Nyuu Testiment

⁴ Jiizas did si wa dem a tingk se, so im se tu dem se, “Wa mek unu tingk dem wikid sitn de iina unu aat?

Matyu 9:4 Iomraidhean Croise

Matyu 12:25

Nou, Jiizas did nuo wa de iina dem main, so im se tu dem se, “It no mata wich kindom, ef di piipl dem we liv iin de a fait gens dem wan aneda, it naa go laas. An no toun ar fambili we av piipl a fait gens dem wan aneda kyan tan op chrang.

Maak 12:15

Bot im nuo se dem did op tu no gud, so im aks dem se, “Wa unu a tes mi fa? Gi mi wan silva kain mek mi si'it!”

Maak 2:8

Bot siem taim Jiizas pik op iina im spirit wa dem did a tingk. So im se tu dem se, “Wa mek unu a tingk dem sitn de iina unu aat?

Luuk 11:17

Jiizas did nuo wa did de iina dem main, so im se tu dem se: “Wan kindom naa go laas ef di piipl dem we liv iina it a fait gens dem wan aneda, it a-go mash op. Eni fambili we a fait gens dem wan aneda mos mash op.

Luuk 5:22

Jiizas did nuo wa dem did a tingk an so im aks dem se, “Wa mek unu tingk dem sitn de iina unu aat?

Luuk 6:8

Jiizas nuo wa dem a tingk, so im se tu di man we did av di kripl an se, “Git op an tan op infronta dem.” So im get op an tan op infronta evribadi.

Luuk 7:40

So Jiizas se tu im se, “Saiman, mi av sopm fi tel yu.” “Wa dat, tiicha?” Saiman se.

Jan 16:19

Jiizas si se dem did waahn aks im bout it, so im se tu dem se, “A wa mi dis se unu a aks unu wan aneda bout, ‘Likl bit fram nou unu naa go si mi no muo, den likl bit afta dat unu gweehn si mi’?

Jan 16:30

A nou wi nuo se yu nuo evriting, an yu no niid nobadi fi aks yu notn. Siek-a dat, wi biliiv se a Gad sen yu kom iina di worl.”

Jan 21:17

Fi di tord taim Jiizas aks im se, “Saiman, Jan bwai pikni, yu lov mi?” Piita did fiil a wie, kaaz a chrii taim nou Jiizas aks se, “Yu lov mi?” So im se, “Laad, yu nuo evriting. Yu nuo se mi lov yu.” Den Jiizas se tu im se, “Fiid mi shiip dem.

Jan 6:61

Bot chuu Jiizas did nuo se im falara dem did a se dem sitn de, im se tu dem se, “Wa apm, wa mi se a bada unu?

Jan 6:64

Bot, som a unu no biliiv.” (Jiizas se dem sitn ya, kaa fram di staat, im did nuo di wan dem we neehn chos iina im, plos di wan we did a-go ton im uova tu im enimi dem.)

Aks 5:9

Piita se tu ar se, “Mek di tuu a unu mek op unu main fi si ef unu kuda lai tu di Laad Spirit an no get ponish? Luk! Di man dem we beri yu ozban tan op a di duor, an dem a kom fi yu fi go beri yu tu.”

Revilieshan 2:23

Mi a-go kil aaf ar falara dem. Den aal a di choch dem wi fain out se a mi a di wan we sorch out evribadi main an aat. An fi aal we unu a du, mi a-go pie unu bak wa unu fi get.