Matyu 9:2 - Di Jamiekan Nyuu Testiment

² Siem taim som piipl bring wan kripl man kom tu im pan wan chrecha. Wen Jiizas si umoch dem biliiv iina im, im se tu di kripl man se, “No wori mi bwai! Mi paadn yu fram aal a yu sin dem.”

Matyu 9:2 Iomraidhean Croise

Matyu 14:27

Bot siem taim Jiizas se tu dem se, “Unu tek aat! A mi, man. No bada fried.”

Matyu 4:24

So piipl staat ier bout im muo an muo aal roun Siriya, an dem kyari aal saat a piipl kom we sik iina dis ya wie ar dat de wie. Dem kyari piipl we pien op an a sofa fram aal saat a kraasiz, an aal uu did a sofa fram sitn we mek dem kech fits dem kyari dem kom tu. Dem kyari piipl we kyaahn waak, piipl we av diiman iina dem, an Jiizas get di uol a dem beta.

Matyu 6:12

Paadn wi fi aal a di rang we wi du, siem laik ou wi paadn dem we du wi rang.

Matyu 8:10

Jiizas jaa jrap wen im ier dis ya, an im se tu di piipl dem we did a fala im se, “Mek mi tel unu dis, an a chuu mi a taak, mi no fain nobadi iina Izrel we chos iina mi so!

Matyu 8:16

Wen iivnin kom, dem kyari uol iip a piipl we av iin diiman kom wich paat Jiizas did de. Im jos se wan wod an diiman kom outa piipl, an aal a uu did sik, im mek dem get beta.

Matyu 9:22

Bot wen Jiizas ton roun an si ar, im se, “No fret daata! Kaaz yu biliiv iina mi, yu aarait nou.” An fram da taim de di uman did beta.

Matyu 9:5

Tel mi sopm, wich wan iiziya, fi se, ‘Mi paadn yu sin dem’ ar ‘Git op an waak’?

Matyu 9:6

Bot fi mek unu nuo, mi a-go shuo unu se di Man we Gad Pik av di rait an di powa fi paadn sin pan ort,” den im ton tu di kripl man an se, “Git op, tek op yu chrecha an gwaan a yu yaad.”

Maak 1:32

Afta di son go dong an iivnin kom, di piipl dem kyari aal a di sik piipl dem an aal a di piipl dem we diiman did a kanchuol go a Jiizas.

Maak 10:49

So Jiizas tap an se, “Kaal im.” So dem kaal di blain man an tel im se, “Tek aat! Git op! Im a kaal yu.”

Maak 5:34

So Jiizas se tu ar se, “Daata, kaaz yu biliiv iina mi, yu aarait nou. Gwaan wid piis iina yu aat, kaaz yu beta nou.”

Maak 6:50

kaaz aal a dem did si im an dem did kech dem fried. Bot im taak tu dem siem taim an se, “Unu tek aat! A mi, man. No bada fried.”

Jan 16:33

“Mi tel unu dem sitn ya so dat unu kyan av piis iina unu aat kaa mi an unu a wan. Iina da worl ya, unu gweehn av chobl an sofarieshan. Bot no fret! Mi don win di fait wid di worl.”

Jan 2:25

Nobadi neehn afi tel im bout ou piipl tan, kaa im did nuo aredi we iina piipl aat.

Jan 21:5

Im kaal out tu dem an se, “Brejrin, unu na'av no fish?” “Nuo,” dem ansa.

Aks 14:9

Im did a lisn tu Paal a priich bout Jiizas. Paal luk chriet pan im an si se im did biliiv iina Gad inof se Gad kuda get im beta.

Aks 19:12

so dat aal korchiv an iepran we im did yuuz fi waip im fies an jrai im an, piipl kyari go gi di sik piipl dem an dem get beta, an di piipl dem we did av diiman — di diiman kom outa dem.

Aks 23:11

Di neks nait di Laad tan op saida Paal an tel im se, “Tek aat, kaaz siem ou yu tel di Jeruusilem piipl dem bout mi, a siem so yu afi go tel di piipl dem iina Ruom bout mi tu.”

Ruoman 5:11

Pan tap a aal a dat, wi wel api. Wi api siek-a wa Gad yuuz wi Laad Jiizas Krais fi du. Gad yuuz Jiizas fi mek tingz rait bitwiin wi an im.

Jiemz 2:18

Bot sumadi wi se, “Wan sumadi biliiv iina Jiizas, an wan neks sumadi du gud wok.” Bot mi wuda ansa im se, “Aarait den, shuo mi ou nobadi kyan biliiv iina Jiizas an no du gud wok, an mi wi shuo yu se mi biliiv iina Jiizas an a dat mek mi du di gud sitn dem we mi du.”