Matyu 8:9 - Di Jamiekan Nyuu Testiment

⁹ Kaaz mi tek aada fram dem we uova mi tu, an mi av suoja we mi kanchuol. Mi tel da wan ya, ‘Go de-so’ an im go, an wan neks wan, ‘Kum ya’ an im kom. An mi tel mi sorvant, ‘Du dis’ an im dwi'it.”

Matyu 8:9 Iomraidhean Croise

Matyu 8:10

Jiizas jaa jrap wen im ier dis ya, an im se tu di piipl dem we did a fala im se, “Mek mi tel unu dis, an a chuu mi a taak, mi no fain nobadi iina Izrel we chos iina mi so!

Matyu 8:8

Bot di ed suoja se, “Laad, mi no gud inof fi yu kom anda fi mi ruuf, bot jos se di wod an mi sorvant wi get beta.

Maak 1:27

Di piipl dem did wel shak, so dem aks dem wan aneda, “A wa dis ya? A som powaful nyuu sitn im a tiich! Da man ya aal av di powa an di rait fi aada diiman fi kom outa piipl an dem du wa im se.”

Luuk 4:39

So Jiizas tan op an tel di fiiva fi tap, an di fiiva brok. Shi get op siem taim an staat luk aafa dem.

Luuk 7:8

Kaaz mi tek aada fram dem we uova mi tu, an mi av suoja we mi kanchuol. Mi tel da wan ya, ‘Go de-so,’ an im go, an wan neks wan ‘Kum ya,’ an im kom. An mi tel mi sorvant, ‘Du dis,’ an im dwi'it.”

Luuk 9:1

Jiizas kaal im twelv apasl dem tugeda an gi dem powa an di rait fi ron out diiman an fi kyuor sik piipl.

Koloshan 3:22

An sliev, unu maasta dem we de ya pan ort, unu fi lisn dem an du aal we dem se unu fi du. An no du dat onggl wen dem a wach unu ar jos kaaz unu waahn fi mek piipl api wid unu. Nuo! Unu fi riili lisn wa dem se an du wa dem se unu fi du ef dem a wach ar ef dem naa wach. Unu fi du dat kaaz unu a du wa rait iina unu aat an unu rispek Gad.

Taitos 2:9

Tiich di sliev dem fi lisn an fala wa dem maasta se aal di taim. Dem fi du dem bes fi mek dem maasta api iina aal we dem du. Tel di sliev dem no fi bak ansa dem maasta niida,