Matyu 8:4 - Di Jamiekan Nyuu Testiment

⁴ Den Jiizas se tu im se, “Mek shuor se yu no tel nobadi, bot galang a wan priis an mek im si yu. Kyari di sakrifais we Muoziz Laa se yu fi gi wen yu skin get beta. Dat wi shuo evribadi se yu aarait nou.”

Matyu 8:4 Iomraidhean Croise

Matyu 10:18

An kaaz unu a fi mi falara, dem a-go aal unu infronta di ruula an di king dem, da wie ya nou, unu kyan tel dem bout mi, an unu kyan tel di piipl dem we a no Juu tu.

Matyu 16:20

Den Jiizas waan im falara dem no fi tel nobadi se a im a di wan we Gad sen fi siev piipl — se a im a di Krais.

Matyu 17:9

Wen dem a kom dong di mountn, Jiizas waan dem aaf se, “No tel nobadi bout wa unu si til di Man we Gad Pik ded an kom bak alaiv.”

Matyu 3:15

So Jiizas ansa im se, “Rait ya nou, du wa mi aks yu fi du, da wie ya wi wi du aal we Gad waahn wi fi du!” So Jan se aarait den an du it.

Matyu 5:17

“No bada tingk se mi kom ya fi mash op we di Laa tiich an we di prafit dem did tiich, an se dem sitn de naa no yuus agen. A no dat mi kom ya fa, az a matarafak, a kom mi kom ya fi mek di uol a dem kom chuu.

Matyu 6:1

“Wach it! No bada du wa rait onggl fi mek piipl si unu! Ef a so, unu kyan no bada luk fi get notn fram Faada Gad we de a evn.

Matyu 9:30

An dem yai uopm op. Den Jiizas waan dem aaf gud an prapa. Im se, “Luk ya nou, mek shuor se, nobadi no nuo bout dis.”

Maak 13:9

“Wach out. Chobl a-go riich unu. Dem a-go tek unu an ton unu uova tu di liida dem fi di Juu dem choch, an dem a-go biit unu iina dem choch. An kaaz unu fala mi, unu wi get fi tan op infronta ruula an king an tel dem bout mi.

Maak 3:12

Bot Jiizas wuda waan di diiman dem se dem mosn tel nobadi bout im.

Maak 5:43

Bot Jiizas aada dem chrang chrang no fi tel nobadi wa apm. Den im tel dem fi gi ar sopm fi nyam.

Maak 6:11

Ef unu go iina wan ieriya an di piipl dem no tek unu iin ar no waahn ier wa unu av fi se, shiek di dos aafa unu fut wen unu a lef fi waan dem an fi shuo dem se Gad no api wid dem an im a-go joj dem.”

Maak 7:36

Bot Jiizas aada di piipl dem no fi tel nobadi bout wa apm, bot dem kudn kip kwaiyat, dem pred it muo an muo.

Maak 8:30

Den Jiizas waan dem no fi tel nobadi bout im.

Maak 9:9

An wen Jiizas an im falara dem did a kom dong di mountn, im gi dem aada se dem no fi se notn tu nobadi bout wa dem did si til afta di Man we Gad Pik ded an kom bak alaiv.

Luuk 17:14

Wen Jiizas si dem, im se, “Gwaan go mek di priis dem luk pan unu.” Wen dem de pan dem wie, dem get beta.

Luuk 21:13

Dis a-go gi unu chaans fi tel dem di gud nyuuz.

Luuk 4:41

Diiman kom outa nof piipl an a shout, “Yu a Gad pikni!” Dem did nuo se im a di Krais, so Jiizas mek dem kyaahn se notn.

Luuk 5:14

Jiizas tel im no fi tel nobadi, im se, “Jos gwaan go shuo yuself tu di priis an kyari di sakrifais we Muoziz Laa se yu fi gi wen yu skin get beta. Dat wi shuo evribadi se yu get kliin.”

Luuk 8:56

Di pikni mada an faada did shak so til, bot Jiizas aada dem no fi tel nobadi wa apm.

Luuk 9:21

Jiizas waan dem se dem no fi tel nobadi.

Jan 5:41

“Mi naa luk fi get big op fram piipl.

Jan 7:18

Sumadi we taak fi imself a luk big op fram piipl, bot sumadi we wok so dat di wan we sen im get big op, a gud sumadi an wa im taak a chuu sitn. Dem no lai.

Jan 8:50

Mi naa chrai fi mek piipl big big mi op. Bot yu av sumadi we waahn piipl fi big mi op, an im a di joj.