Matyu 8:1 - Di Jamiekan Nyuu Testiment

¹ Afta Jiizas kom aafa di mountn, wan bag a piipl fala im.

Matyu 8:1 Iomraidhean Croise

Matyu 12:15

Bot Jiizas did nuo se dem a plan fi kil im an lef de-so. Wan bag a piipl fala im, an im get di uol a dem beta.

Matyu 15:30

Wan big big kroud a piipl kom tu im. Dem bring piipl we kyaahn waak, we blain, kripl, dom an we sik iina aal saat a ada wie. Dem put dem dong a Jiizas fut, an im mek di wol a dem get beta.

Matyu 19:2

Wan bag a piipl fala im, an im get dem beta rait de-so.

Matyu 20:29

Wen Jiizas did a lef Jeriko, wan bag a piipl fala baka im.

Matyu 4:25

Siek-a dat, wan bag a piipl staat fala baka im: piipl fram Gyalalii, di ten toun dem we dem kaal Dikyapolis, piipl fram Jeruusilem, Judiya an di plies dem we de paas Riva Jaadn.

Matyu 7:29

Kaaz Jiizas did tiich dem laik sumadi we av di rait an di powa fi du it. Im neehn tiich laik fi dem Laa tiicha.

Matyu 8:18

Nou wen Jiizas si wan big big kroud a piipl roun im, im tel im falara dem se fi go uova di ada said a di liek.

Matyu 8:2

Den wan man no kom tu Jiizas, im did av wan siknis we mek im skin fasi-fasi. Di man go dong pan im nii infronta Jiizas an se, “Laad ef yu waahn fi kyuor mi an mek mi kliin, yu av di powa fi dwi'it.”

Maak 3:7

Den Jiizas an im falara dem lef out an go dong a di sii, an wan uol iip a piipl fram Gyalalii fala im. An fram Judiya,

Luuk 5:15

Bot nyuuz bout Jiizas pred muo, an kroud an kroud a piipl kom fi ier im an fi get kyuor fram dem siknis.