Matyu 7:6 - Di Jamiekan Nyuu Testiment

⁶ “An, no tek unu gud kliin sitn dem, we a fi Gad, gi daag, an unu gud gud porl dash gi pig. Dem naa go tep tep op pan dem, den ton roun tier unu op.

Matyu 7:6 Iomraidhean Croise

Matyu 15:26

Jiizas se, “It no rait fi tek di pikni dem fuud gi daag.”

Matyu 24:10

Uol iip a piipl a-go gi op an tap fala mi. Dem a-go sel out dem wan aneda an iet dem wan aneda.

Matyu 7:5

Unu ipokrit unu! Fos unu fi tek out di plangk outa fu'unu yai. Da wie de nou, unu kyan si gud fi tek di lili piis a saados outa unu breda ar sista yai.

2 Korintiyan 11:26

Nof taim wen mi a chravl, mi aalmuos ded. Riva nieli tek mi laif. Tiif chrai kil mi. Mi uona piipl di Juu dem an aal piipl we a no Juu chrai fi kil mi tu. Mi no sief iina di siti. Mi no sief iina di dezot. Mi de a sii, mi aalmuos ded. Mi aal av piipl we gwaan laik dem a mi breda, bot a kil dem waahn fi kil mi.

Filipiyan 3:2

Mi a waan unu, wach out fi di daag aat piipl dem. Wach out fi dem — dem a uol wikid. Wach out fi dem man de we aalwiez a kot kot op dem badi.

Iibruu 10:29

So a umoch wos Gad fi ponish sumadi we chrampl op pan im Bwai Pikni, an we chriit Jiizas blod laik se it chiip, wen a it yuuz fi set op di nyuu plan we Gad mek? An a it yuuz fi tek we da siem sumadi de sin. Umoch wos im ar shi fi get ponish wen dem taak gens di Uoli Spirit we shuo wi wan kain-a lov we wi no iivn dizorv — iihn, umoch wos?

Iibruu 6:6

an den afta aal a dat ton dem bak pan Gad, notn kyaahn mek dem piipl de kom bak tu Gad agen. Kaaz a niel dem a niel Gad Bwai Pikni pan di kraas wan muo taim, an mek piipl a luk dong pan im an tek im fi fuul.

2 Piita 2:22

Dem pruuv se di pravorb dem rait fi chuu. Di pravorb dem se, “Wan daag ton bak tu wa it vamit op” an “Wan pig we wash aaf aredi gaan bak gaan wala-wala iina di mod.”

Revilieshan 22:15

Bot di piipl dem we mek demself doti wid aal kain-a naasinis kyaahn go iina di siti: piipl we wok uobiya, du aal kain-a seks sin, kil piipl, worship faalz gad, an piipl we lov fi tel lai, non a dem kyaahn go iina di siti.