Matyu 7:2 - Di Jamiekan Nyuu Testiment

² Kaaz di siem wie ou unu joj piipl, a so Gad a-go joj unu tu. Ef unu tek taim wid ada piipl, a so Gad a-go tek taim wid unu tu, bot ef unu redi fi rof dem op an rait dem aaf, a dat a-go riich unu tu.

Matyu 7:2 Iomraidhean Croise

Matyu 6:14

Kaaz ef unu paadn piipl we du unu rang, unu Faada we iina evn wi paadn unu tu.

Maak 4:24

An im se tu dem se, “Tingk gud bout wa unu ier. Eniting we unu dish out gi piipl a dat unu a-go get bak, an get aal muo pan tap a it.

Luuk 6:38

Gi an unu wi get uol iip wid aal braata. Unu kop a-go ful — ful so til it aal a ron uova. Di wie unu diil wid ada piipl, siem wie dem a-go diil wid unu.”

2 Korintiyan 9:6

So dis a wa mi waahn unu fi memba: Di wan we plaant likl bit a siid a-go riip likl bit a sitn, an di wan we plaant uol iip a siid a-go riip uol iip a sitn.

Jiemz 2:13

kaaz piipl we no paadn nobadi, naa go get no paadn pan jojment die. Ef unu paadn piipl unu wi get frii fram jojment.

Revilieshan 18:6

Du ar bak di siem ting shi du ada piipl; di sitn dem we shi du ada piipl, pie ar bak tuu taim. An di kop a wain we shi miks gi ada piipl, gi ar bak tuu kop ful.